1 א   למנצח בנגינת משכיל לדוד br 2 ב   בבא הזיפים ויאמרו לשאול    הלא דוד מסתתר עמנו br 3 ג   אלהים בשמך הושיעני    ובגבורתך תדינני br 4 ד   אלהים שמע תפלתי    האזינה לאמרי-פי br 5 ה   כי זרים קמו עלי--    ועריצים בקשו נפשי br לא שמו אלהים לנגדם    סלה br 6 ו   הנה אלהים עזר לי    אדני בסמכי נפשי br 7 ז   ישוב (ישיב) הרע לשררי    באמתך הצמיתם br [ (Psalms 54:8) ח   בנדבה אזבחה-לך    אודה שמך יהוה כי-טוב br ] [ (Psalms 54:9) ט   כי מכל-צרה הצילני    ובאיבי ראתה עיני ]

1 לַמְנַצֵּחַ בִּנְגִינֹת מַשְׂכִּיל לְדָוִד׃2 בְּבֹוא הַזִּיפִים וַיֹּאמְרוּ לְשָׁאוּל הֲלֹא דָוִד מִסְתַּתֵּר עִמָּנוּ׃3 אֱלֹהִים בְּשִׁמְךָ הֹושִׁיעֵנִי וּבִגְבוּרָתְךָ תְדִינֵנִי׃4 אֱלֹהִים שְׁמַע תְּפִלָּתִי הַאֲזִינָה לְאִמְרֵי־פִי׃5 כִּי זָרִים ׀ קָמוּ עָלַי וְעָרִיצִים בִּקְשׁוּ נַפְשִׁי לֹא שָׂמוּ אֱלֹהִים לְנֶגְדָּם סֶלָה׃6 הִנֵּה אֱלֹהִים עֹזֵר לִי אֲדֹנָי בְּסֹמְכֵי נַפְשִׁי׃7 [יָשֹׁוב כ] (יָשִׁיב ק) הָרַע לְשֹׁרְרָי בַּאֲמִתְּךָ הַצְמִיתֵם׃8 בִּנְדָבָה אֶזְבְּחָה־לָּךְ אֹודֶה שִּׁמְךָ יְהוָה כִּי־טֹוב׃9 כִּי מִכָּל־צָרָה הִצִּילָנִי וּבְאֹיְבַי רָאֲתָה עֵינִי׃