Onger Akaba 144

God atrivimɨn apaniba abɨrazɨ, an a mɨnabi

1 Ikiavɨra Itir God, nɨ dagɨar ekiamɨn mɨn itima

kɨ an aven modozɨ

nɨ deragha nan gari.

Kamaghɨn kɨ nɨn ziam fe.

A mɨdorozir arazibar nan aka.

2 A dagɨar ekiamɨn mɨn itima, kɨ an aven modi.

Egha dɨpenir gavgavimɨn mɨn itima, kɨ an aven iti.

Egha a nguibar gavgavimɨn mɨn ikia nan akurvasi.

Egha nan oramɨn mɨn itima,

kɨ an uabɨ apazagha deragha iti.

Kɨ nɨghnɨzir gavgavim an itima,

a na ko ikia nan akurvazi kɨ deravɨra iti.

A gumazamizir igharazibagh amizɨ me nan apengan iti.