Salmos 145

11 Me nɨn gavgavimɨn gun mɨkɨm suam,

nɨ biziba bar dagh ativagha dar gari, da bar dera.

Ezɨ nɨn ziam bar pɨn iti.

12 Nɨn ingangarir ekiar nɨ amiziba ko,

nɨ biziba bar dagh ativaghamin arazim,

me dar gumazamizibav kɨmtɨ me fogh suam,

nɨ ziar ekiam ko gavgavir ekiam iti.

13 Nguazimɨn itir gumazamiziba ko, biziba bar,

nɨ dagh ativagh dar gan mamaghɨra ikiam.

Nɨ bizibagh ativaghamin arazir kam, gɨvaghan kogham.

God uan akar dɨkɨrɨzimɨn gɨn ghua biziba bar dagh ami.

Arazir an amir kaba,

a bar en apangkufi.