Onger Akaba 149

Godɨn gumazamiziba uan apaniba abɨragha, an ziam fe

1 Ia bar Ikiavɨra Itir Godɨn ziam fɨ!

Ia ighiar igiam, a bagh a bangɨ.

Ia gumazamizir a baghavɨra itiba,

ia an ziam fasa mɨsevezir dughiaba,

ia uari akuv ziar ekiam a danɨng.

3 Ia ighiabar amuva an ziam fɨva ighɨ.

Ia gitaba ko, tambarinbav sogh

an ziam fɨ.

4 Ikiavɨra Itir God uan gumazamizibagh ifonge.

Gumazir uari abɨra igharaz darazir apengan itiba, a men ziaba fava,

me gami me mɨdorozim gamua uan apaniba abɨri.

5 ✝ 149:5 Jop 35:10 Godɨn gumazamiziba uan apaniba ko, mɨdorozim gamigha me abɨragha gɨfa.

Me datɨrɨghɨn bar akongegh.

Me dɨmagariba sara uari akuvir dughiabar,

me God bagh bar akongezir ighiabar amu.