Salmos 17

6 O God, kɨ fo, kɨ nɨ ko mɨgeir mɨgɨrɨgɨaba nɨ da barasi.

Kamaghɨn amizɨ, kɨ nɨn dia nɨ ko mɨgei.

Kɨ nɨ ko mɨgeir mɨgɨrɨgɨar kaba,

nɨ kuarim atɨgh da baragh.

7 ✝ 17:7 Onger Akaba 31:21 Nɨ uan apangkuvir arazir kam azenara anekagh,

uan gavgavimɨn en akuragh.

Eghtɨ e nɨ ko ikɨ nɨn aven modoghtɨ,

apaniba e gasɨghasighan kogham.

8 ✝ 17:8 Godɨn Araziba 32:10; Onger Akaba 91:1; 91:4; Sekaraia 2:8; Matyu 23:37 Nɨ uabɨ uan damazir tuzim geghuva deragha an gari moghɨn,

nɨ na geghuv deragh nan ganam.

Mati tuarir amebam uan nguziba akumakua uan avɨzimningɨn apengan me modi moghɨn,

nɨ na avaragh na modogh.

9 Kamaghɨn gumazir kurar kaba na gasɨghasighan kogham.

Me datɨrɨghɨn bar nan apanim gamigha na okarigha gɨfa.