Salmos 51

7 ✝ 51:7 Dɨboboniba 19:18; Aisaia 1:18; Hibru 9:19 Nɨ hisopɨn ter aguar muziaritam inigh a isɨ dɨpam darugh,

egh nan mɨkarzimɨn a kavamadaghtɨ, kɨ nɨn damazimɨn zueka.

Egh na rueghtɨ kɨ bar zuegh nir ghurghurimɨn mɨn bar ghurghurika.

8 ✝ 51:8 Onger Akaba 35:10; Aisaia 35:10; Joel 1:16 Bar guizbangɨra, nɨ bar na dɨkabɨragha egha nan arazir kuraba ikaragha gɨfa.

Datɨrɨghɨn nan navir averiam deraghtɨ kɨ bar akuegham.

9 ✝ 51:9 Jeremaia 16:17 Nɨ nan arazir kuraba ua dar ganan markɨ.

Nɨ da batuegh ua adagh nɨghnɨghan markɨ.

10 ✝ 51:10 Onger Akaba 78:37; Matyu 5:8; Aposel 15:9; Efesus 2:10 O God, nɨ nan navir averiam damightɨ a zuegh ua igiamɨn otogh.

Eghtɨ nɨn ifongiar aghuim nan aven izɨtɨ kɨ nɨrara ganam.

11 ✝ 51:11 2 Atriviba 13:23; Aisaia 63:10-11; Jeremaia 7:15 Nɨn Duam nan aven iti,

ezɨ nɨ uabɨn boroghɨn na batuegh, na da uan duam inian markɨ.

12 ✝ 51:12 Onger Akaba 13:5 Nɨ faraghavɨra ua na inizɨ kɨ nɨ bagha bar akonge.

Nɨ datɨrɨghɨn bar akongezir arazir kam na danɨngigh.

Kɨ nɨn akabar gɨn mangamin ifongiar kam, nɨ ua na danɨngigh.