1 Nan gumazamiziba, kɨ ian sure damuamin mɨgɨrɨgɨaba ia deragh da baragh.

Nan akamɨn otivir mɨgɨrɨgɨaba, ia deragh kuariba arigh da baragh.

2 ✝ 78:2 Matyu 13:35 Kɨ akar isɨn zuibar bizir mogomemɨn itibav kɨmam.

Eghaghanir kaba fomɨra ikegha iza datɨrɨghɨn otifi.

3 Akar kaba en inazir afeziaba fomɨra dav mɨkemegha gɨfa.

Ezɨ e bizir kaba baregha dagh fo.

4 E akar kaba uan boribar ghuangsɨghan kogham.

Borir igiar datɨrɨghɨn otivamiba, e kamagh me geghanam,

Ikiavɨra Itir God, a gavgavir ekiam iti.

A ingangarir ekiabagh amua, mirakelɨn arazarazir avɨribagh ami.