2 शमूएल 6

10 इस करकै दाऊद नै यहोवा के सन्दूक ताहीं अपणे धोरै दाऊदपुर म्ह पोहचाणा न्ही चाह्या; पर गतवासी ओबेदेदोम के धोरै पोहचाया। 11 यहोवा का सन्दूक गतवासी ओबेदेदोम कै घर म्ह तीन महिन्‍ने ताहीं रह्या; अर यहोवा नै ओबेदेदोम अर उसके सारे घराने ताहीं आशीष दी।

12 फेर दाऊद राजा ताहीं यो बताया गया, के यहोवा नै ओबेदेदोम के घराने पै, अर जो कुछ उसका सै, उसपै भी परमेसवर के सन्दूक कै कारण आशीष दी सै। फेर दाऊद नै जाकै परमेसवर के सन्दूक ताहीं ओबेदेदोम के घर तै दाऊदपुर म्ह आनन्द कै गैल पोंहचा दिया।