यहोशू 1

7 बस हिम्मत केर ते बड़ो मज़बूत भोइतां ज़ै कानून मेरे दास मूसे तीं दित्तोरोए तैसेरे मुताबिक च़लने मां एहतियात केरां; न तू तैस करां देइने मुड़ां, ते न बांए मुड़ां, ताके ज़ैड़ी कोन्च तू गालो, तैड़ी तेरां कम्मां कामयाब भोल्हां।*1:7 मतलब कानूनेरो कोई भी हिस्सो नज़र अनदाज़ नईं केरनो। 8 इस कानूनेरे किताबी मां लिखोरी गल्‍लन हमेशा याद रेखां, रात दिहैड़ी तैन्ने पुड़ ध्यान देंतो रेइयां, ताके ज़ैन किछ तैस मां लिखेरूए तैस पुड़ एहतियात केरतां अमल केरां, एन केरने सेइं तेरां सब कम्मां कामयाब भोल्हां ते तेरी बड़ी तरक्‍की भोल्ही। 9 कुन मीं तीं हुक्म नईं दित्तोरो? हिम्मत केर ते मज़बूत भो, डेरां न, हिम्मत न हैरां; किजोकि ज़ैड़ी-ज़ैड़ी तू गालो, तैड़ी-तैड़ी तेरो परमेशर यहोवा तीं सेइं साथी रालो।"