João 12

Isusul Yini tu Ierusalem ca Amirã

12 Alantã dzuã, unã multsãmi mari tsi avea vinit la sãrbãtoari, cãndu avdzã cã Isusul ma yinea tu Ierusalem, 13 loarã dedzi di palmã shi lji ishirã nãinti s-lu ashtipta aurlãnda:

"Hosana! Ghinicuvintat atsel tsi yini tu numa a Domnului, Amirãlu al Israel!"✝12:13 Ps 118:25-26.

14 Isusul aflã un gumãric shi ncãlicã pri nãsu, cum easti scriatã:

15 "S-nu ai fricã, populu a Sionlui, ia, amirãlu a tãu ma yini ncãlicat pri un cãriciu di gumarã!"✝12:15 Zac 9:9.

16 Tu ahurhitã ucenitsilji a lui nu li-aduchirã aesti, ma, cãndu Isusul eara multumãritã, atumtsea adusirã aminti cã aesti eara scriati trã nãsu, sh-cã lji avea faptã aesti trã nãsu. 17 Ashãtsi multsãmea, tsi eara cu nãsu cãndu elu lu avea acljimat nafoarã Lazarul di tu murmintu, sh-lu avea nyeatã dit mortsã, dãdea dipriunã mãrtirii trã atsea. 18 Trã atsea sh-multsãmea lji-ishi nãinti, cã avea avdzãtã cã elu avea faptã aestã thavmã. 19 Atumtsea Fariseilji dzãsirã cu un-alantu: "Videts, cã nu putets s-fãtsets tsiva? Ia, lumea s-dutsi dupã nãsu."