Ioan 2

Isusul Curã Locurili a Templui

13 Pashtili a Iudeilor eara aproapi sh-Isusul s-alinã tu Ierusalem. 14 Elu aflã tu templu atselji tsi vindea boi, oi sh-purunghi sh-alãxitori di pãradz shãdzãnda. 15 Cum adrã unã cãmgicã di funi, lji avinã tuts dit templu deadun cu oili, boilji, sh-li scurpisi pãradzlji a alãxitorilor sh-arãsturnã measili, 16 sh-atsilor tsi vindea purunghi lã dzãsi: "Loats-li aesti lucri di aoa! Nu u fãtsets casa a Tatãlui a meu ca casã di prãmãteftsã!" 17 Ashãtsi ucenitsilji a lui adusirã aminti cã eara scriatã: "Zelu di casa a ta mi ardi ca foc!"✝2:17 Ps 69:9.