1 Isusul intrã tu Ierico sh-ma tritsea prit cãsãbã. 2 Aclo eara un om cu numa Zache. Elu eara ma marli a taxidarilor sh-eara avut. 3 Elu cãfta s-videa cai eara Isusul, ma nu putea trã itia a multsãmiljei, cã elu eara shcurtu di trup. 4 Atumtsea aĝunjisinda nãinti, s-alinã pri un hic tra s-lu videa, cã Isusul ma tritsea pri aclo. 5 Cãndu Isusul agiumsi aclo, sculã ocljilji, lu vidzu sh-lji dzãsi: "Zache, dipunã-ti trãoarã nghios, cã azã prindi s-shed la casa a ta." 6 Elu dipunã trãoarã sh-lu ashtiptã cu harauã. 7 Cãndu lu vidzurã aestã, tuts apãrnjirã ti murmurari, dzãcãnda: "Isusul intrã s-sheadã tu casa a unui om amãrtios." 8 Atumtsea Zacheu si sculã sh-lji dzãsi a Domnului: "Ia, Doamne, mini ma dau a oarfãnjilor giumitatea a aveariljei a mea, sh-macã lji am loat a vãrui tsiva cu nindreptu, va lji-u tornu di-patru ori ma multu." 9 Atumtsea Isusul lj-dzãsi: "Azã vini ascãparea tu aestã casã, cã sh-aestu easti hiljilu al Abraham. 10 Cã Hiljilu a Omlui vini s-caftã shi s-ascapã atsel tsi avea chirut."

11 Cãndu elji ma asculta aesti, Isusul lã dzãsi unã parabolã, metsi eara aproapi di Ierusalem sh-elji minduea cã amirãriljea a Dumnidzãlui va s-fãnirusea trãoarã. 12 Elu lã dzãsi a lor: "Un om nobil s-dusi tu un loc diparti tra s-ljea ntru mãnã un amirãrilji sh-deapoea s-turna. 13 Acljimã dzatsi di huzmichearlji a lui, lã deadi dzatsi mine sh-lã dzãsi: ‘Ufilisits aesti pãradzi pãnã cãndu s-mi tornu.’ 14 Ma oaminjlji a cãsabãlui lu aura sh-lji-pitricurã un delegatsion s-lji dzãtsea: ‘Nu vrem tsi aestu s-domneascã pristi noi.’ 15 Cãndu elu s-turnã lo stãpuirea a amirãriljei sh-ursi s-acljima huzmichearlji, tsi avea datã pãradzlji tra s-veadã cãt avea amintatã cathiun. 16 Atumtsea vini protlu sh-lji dzãsi: ‘Doamne, mina a ta deadi dzatsi mine.’ 17 Elu lj-dzãsi: ‘Ghini, huzmichear bun. Metsi earai pistimen tu lucri njitsi, ljea domnirea pristi dzatsi cãsãbadz.’ 18 Deapoea vini a doilu sh-lji dzãsi: ‘Doamne, mina a ta deadi tsintsi mine.’ 19 Elu lj-dzãsi: ‘Sh-tini va s-ai domnilji pristi tsintsi cãsãbadz.’ 20 Deapoea vini alantu sh-lji dzãsi: ‘Doamne, ia, iu easti mina a ta. Mini u tsãnui amvãrtit cu unã pitsetã, 21 cã aveam fricã di tini, cã eshti om aspru. Tini ljeai atsea tsi nu u ai bãgatã, sh-seatsiri atsea tsi nu u ai siminatã.’ 22 Nicuchirlu lj-dzãsi: ‘Huzmichear arãu! Di zboarili a tali va ti giudic. Tini shtiai cã earam om aspru, tsi ljeau atsea tsi nu am bãgatã, sh-seatsir atsea tsi nu am siminatã? 23 Cãtse nu li bãgash pãradzlji la bancã, tsi cãndu s-yineam, s-lji loam cu interes?’ 24 Deapoea lã dzãsi atsilor tsi eara aclo: ‘Loats-u mina sh-dats-lji-u atsilui tsi ari dzatsi.’ 25 Elji lj-dzãsirã: ‘Doamne, ma elu ari dzatsi mine!’ 26 Elu lã apãndisi: ‘Mini ma vã dzãc cã a cuitsido tsi ari, va lji si da ma multu, ma atsilui tsi nu ari, va lji si ljea sh-atsea tsi ari. 27 Iarã neamitsilji a melji, tsi nu vrurã tsi mini s-mi fãtseam amirãlu a lor, adutsets-lji aoa sh-vãtãmats-lji nãintea a mea!’"

28 Dupã tsi dzãsi aesti, Isusul s-nchisi nãintea a multsãmiljei cãtrã Ierusalem. 29 Cãndu s-apruche di Betafaghe sh-di Betania, ningã muntili numit a Masnjilor, pitricu doi di ucenitsilji a lui, 30 dzãcãnda: "Dutsets-vã tu hoara di-agnanghea sh-cãndu s-intrats, va aflats aclo un gumãric ligat, pri cai nitsiunu nu s-ari ncãlicat. Dizligats-lu sh-adutsets-lu aoa. 31 Macã vãrã va vã ntreabã: ‘Cãtse lu dizligats?’ apãndisits-lji: ‘Domnul ari ananghi di nãsu.’" 32 Atumtsea pitricutslji s-dusirã sh-lu aflarã ashã cum lã avea dzãsã Isusul. 33 Cãndu ma lu dizliga gumãriclu, nicuchirlji lji ntribarã: "Cãtse ma lu dizligats gumãriclu?" 34 Elji apãndisirã: "Domnul ari ananghi." 35 Atumtsea lu dusirã gumãriclu la Isusul sh-dupã tsi lj-arcarã prisupru a gumãriclui stranjili a lor, ncãlicarã pri nãsu Isusul. 36 Pri tutã calea oaminjlji ashtirnea stranjili a lor nãintea a lui. 37 Cãndu elu s-apruche tu calea tsi dipuni dit Muntili a Masnjilor, tutã multsãmea a ucenitsilor ahurhi s-alãvda Dumnidzãlu cu harauã sh-cu boatsi analtã trã tuti thavmatili puternici tsi avea vidzutã. 38 Elji dzãtsea: "Ghinicuvintat s-hibã amirãlu tsi yini tu numa a Domnului! Pace tu tser, sh-mãriri tu locurili atseli analti!"✝ 39 Niscãntsã Farisei dit multsãmea lj-dzãsirã al Isus: "Nvitsãtore, vãrghea ucenitsilji a tãlji!" 40 Elu lã apãndisi: "Mini ma vã dzãc cã, macã aeshti va tãtsea, va aurla chetrili." 41 Cãndu s-apruche di cãsãbã sh-lu vidzu, Isusul plãmsi trã nãsu, 42 dzãcãnda: "Canda s-aveai cunuscut sh-tini tu aestã dzuã atseali tsi aducã pacea a ta! Ma tora atseali suntu ascumti trã ocljilji a tãlji. 43 Ma yinã dzãlili cãndu dushmanjlji a tãlji va s-adar prohumã anvãrliga di tini sh-va ti stringã di tuti pãrtsãli. 44 Deapoea va ti ashtearnã mpadi tini sh-oaminjlji a tãlji nãuntru di murilji a tãlji. Nu va alasã cheatrã pristi cheatrã, cã tini nu ai cunuscutã chirolu cãndu Dumnidzãlu ti ari vizitat."

45 Deapoea Isusul intrã tu templu, sh-ahurhi si aĝuneascã atselji tsi vindea aclo, 46 dzãcãnda: "Easti scriatã: ‘Casa a mea easti casã di rugãciunji,’ ma voi u-featsit ‘pishtireauã trã furlji.’"✝ 47 Isusul lã nvitsa oaminjlji cathi dzuã tu templu. Arhipreftsãlji, scriblji sh-mãrlji a popului cãfta s-lu vãtãma, 48 ma nu shtia tsi s-adra, cã tut populu li asculta cu harauã zboarili a lui.