Marcos 3

Omlu cu Mãna Uscatã

1 Deapoea elu intrã tu sinagogã, sh-aclo eara un om cu mãna uscatã. 2 Niscãntsã lu vigljea Isusul macã va vindica dzua di Sãmbãtã, sh-deapoea s-lu vãrghea. 3 Elu lji-dzãsi a omlui cu mãna uscatã: "Scoalã-ti namisa a tutulor!" 4 Deapoea lã dzãsi a lor: "Tsi easti ndreptu dzua di Sãmbãtã, s-fats ghini icã s-fats arãu, s-ascachi un suflit icã su-vatsãnji?" Ma elji tãtsea. 5 Atumtsea elu, cum vidzu anvãrliga cu inati, shi nvirinat cã ininjli a lor eara nchitriti, lji dzãsi a omlui: "Tindi mãna!" Elu u teasi sh-mãna a lui s-featsi ca alanta sãnãtoasã.