1 Pedro 4

2 Kuhuma nondee, kwikala kwenu kwekusigaliye baha kuinyi mung’ang’wa kugita gala gyeisaka Nguluvi, se kufwata ludobokelo chihafu cha muinyi. 3 Kwakuva chipindi chechichumbile kitosile cha kukigita makani gyegigitwa na vanu sevamchele Nguluvi. Mukakalile mu ugoni na udobokelo cha uhafu na msutu va ugimbi na lihungu sechechikumkelesa Nguluvi na kugundamila ming’omong’omo chechikumvipisa Nguluvi. 4 Nondee, vanu avo sevamchele Nguluvi vakuvaduduva pevalolela kuva semugehe pamwi kwa kwikala kwa uwofu na vakuvaheya nyenye, 5 ila ving’ang’a kuhecha valilo lyao pautalo lya mwene yeagehe suwe kuhiga nongwa vala vevigehe uwumi na vala vevafuwe. 6 Nde mana Njowo Nofu chikadalikwe ata kwa avo vevafuwe, neke vahigwe nongwa mu mivili ngita pevihigwa nogwa vanu vangi, vakale mu muhe ngita peikela Nguluvi.

Vahimilicha vasanzi va vipanji va Nguluvi

7 Umalilo va finu fyonda ugehe pepi. Ndeni mwing’ang’wa kuva na mipango munumbula chenu na ndeni mwilongoche mwavene neke muwese kumlumba Nguluvi.