1 Kugon riwa Yeso a tre nganyi kre, ka nzu si ya shu ran tre,<<A ti won, ivi-a ye-e. No vren wen mkpen ritu no wawu ngawen no no-u mkpen. 2 Ritu wu no gbengbren ritu nji wawu, ritu no wa fe vɨri riwa a ran kre ran. 3 Rinyi nye he vɨri riwa a ran kre ran-a ri tre ritu no wa to-u Izhi ri kpunji ka kre, nga no wa to Yeso Kristo riwa wu ti-u ndu ye. 4 Me no-u mkpen ri meme me ri kre ndu riwa wu no wen me ti. 5 A ti no wen mkpen ri kusi wen zizan, bibi mkpen riwa ki he ri wu ka wa ran ti mgbumgblume nyɨn rina.

6 <<Me no wawa wu ka wa no wen ri mgbumglume no wa to-u, wa he wa me nga wu ka wa no wen wa hu tre wen, 7 nga zizan wa to ri ko ngye riwa wu ka no wen a zhu ri wu nye. 8 Me la wa tre riwa wu la wen, nga wa kpa, nga wa to ri kpunji tre nye me zhu ri wu, nga wari kpanyɨme ri wu ti wen ndu.

9 <<Me bre Izhi ri wa, me ran bre Izhi ri mgbumgblume ran, ama ri wawa wu ka wa no wen ritu wa he wa me. 10 Kongye riwa me he ri wu a he wa me, nga kongye riwa wu he ri wu a he wa mo, nga me fe mkpen ritu mba. 11 Ngha zizan me ye ri wu, me ran he wa mgbumglume ngran, ama wa he ri mgbumgblume. A ti ri Tsitsri; milan wa kadzi ri gbengbren nde wen inde riwa wu no wen ritu no wa he riri bibi riwa kita mbu-u ki he riri. 12 Riwa me he ri wa me milan wa kadzi ri mgemgbren nde wen inde riwa wu ka no wen, me milan wa ya nga ko ri rimi mba ka ran kado ran, ka ra nji riwa wa ka dzi ri ari kado bibi riwa itre mbe Izhi no he kpunji. 13 Ngha zizan me ye ri wu nga me tre kya nyi ri mgbumgblume ritu no wa fe kinklan sron bran ri sron mba. 14 Me la wa tre wen nga mgbumgblume wa kamba ri wo ritu wa ran he wa mgbumgblume ran bibi riwa ame me ran he wa mgbumgblume ran. 15 Me ran bre wu ritu wu ri ban wa zho ri mgbumgblume ran, ama me bre wu wuri milan wa ki ritu memenji. 16 Bibi riwa me ran he wa mgbumgblume ran, wawa ngawen wa ran he wa mgbumgblume ran. 17 Ka wa dzi nkan no wa he Tsitsri rimi kpunji wen ritu itre wen he kpunji. 18 Me ti wa ndu hi ri mgbumgblume bibi riwa wu ti wen ndu hi rimi mgbumgblume. 19 Ritu mba nye me tsri ngawon ritu no wa tsri wa ri kpunji ri wu.

20 <<Me ran bre Izhi ri wa kakre ran, ama nga ri wawa wa yosron ritu tre mba riwa wa la wa. 21 Me ibreritu riwa no wa he riri wawu mba. A ti no wa he rimi mbu bibi riwa wu he rimi won nga ame ngawen me he rimi wen. No wa he riri bibi riwa mgbumgblume ri kpa nyɨme ri wu ti wen ndu. 22 Me no wa bibi mkpen riwa wu no wen bibi riwa wa he riri bibi riwa kita mbu-u ki he riri. 23 Ame me he rimi mba nga a wu wu he rimi won bibi riwa mgbumgblume ri to iri wu ti wen ndu nga wu ri nyɨme wa bibi riwa wu nyɨme wen.

24 <<A ti, wu ka wa no wen nga me wa no wa he ri me ri bubu riwa me he bibi riwa no wa to mkpen won imkpen riwa wuwu ka no wen ritu wu nyɨme wen ri ko wati mgbumgblume. 25 A ti ri ndindi ti, mgbumglume ran to-u ran ama ame me to-u, nga wa to ri wu ti wen ndu. 26 Me no wa to-u, nga me sondu ran ti ngamba ritu bibi nyɨme riwa wu he ri wu ri mo no he ri wa ngawen nga ritu ame ngawen me he rimi mba.>>