1 Kugon rinyi Yeso a hi ri gran nne ri Galili riwa wa yo-u ri nne Tiberias ngaw een. 2 Ijɨbu nji waka hu ritu wa wo bibi kya ri de sisiri riwa a den wa lilo. 3 Yeso ka hi ri tu gashi ran ka son iwawa miri ndu wan. 4 Ivi ro ri dza gran ka ye hwɨre.

5 Yeso ka nzu si ya ran to jɨbu nji wana ye ri wu imba ka miyen Filibu ri,<<Ri minyi nye ki fe ri bran riwa ki no nji wa nyi wawu mba?>> 6 A tre rinyi ritu ran tsra Filibu nye, ama rimi sron wan a to kya riwa ari ti-e.

7 Filibu ka nyɨme ri,<<Ko no ko ngaa no fe tsawen, ari ban nkren gbigba hari riwa ki rejujuyɨmo bran!>>

8 Iri rimi miri ndu wan riwa inde wan a he Andarawus vayi sima Bitrus, ka tre ri, 9 <<Ivren ri tsitsa he nyi riwa a he ri jujuyɨmo mgbɨreton nga lambe hari. Ama a ran ri ke nji wanyi wawau ran.>>

10 Yeso ka la miri ndu wan ri,<<No nji wamba no wa son mme.>>Ri bubu wan giga a he imba nji-a waka kuki ri meme nji wawa wa he ri bubu wan wa he ronron ngo ton. 11 Yeso ka ban juju yɨmo-a ran ngɨri ri Izhi ran ka ga nji wawa wa he ri bubu wan, ngamba nye a ti ri lambe-a me nga wawu mba waka ri bran bibi riwa wa wa.

12 Riwa wa hwɨshi wawumba Yeso ka la miri ndu wan ri,<<Taan zhuzhuwan riwa a dongbron, no ta ran no time ran.>> 13 Imba imiri ndu Yeso waka tan zhuzhu wan rimi mgbɨreton riwa nji wa ri don, wa tan shu rimi sisen wuru don hari.

14 Ri to kya ri de sisri nyi riwa Yeso a ti nji ri bubu wan waka tre ri,<<Kpu nji tre rinyi he nji ri la tre Izhi riwa ari ye ri mgbumgblume!>> 15 Riwa Yeso a to ri nji-a wa ran wa wari ye vu ri gbengbren no he chu imba ka bru hi ri tu gashi ri nkankshi wan.

16 Riwa Yawulu a ti imiri ndu Yeso waka gre hi ba nne, 17 Ri bubu wan nye bubu ka gbuchi ran ti bu, nga Yeso ka ran ye ri wa ri nyu nne rina imba imiri ndu wan waka gra rimi mvu ima wari ran rugran ran hi kafarau. 18 Imba inchon gungu ka ran tifu ran kpa ima ran pisi. 19 Imiri ndu wan-a wa tru mvu ima-a hi ri bubu riwa a ke dza gbigba tanren hi ri tamgban, imba waka to Yeso ri dzren ri tu ima, a ran ye ku bubu mvu ima-a nga wawa wa ran ti sisiri. 20 Yeso ka tre wa ri,<<Ran ti sisiri ran a he ame nye!>>

21 Imba waka nyɨme no gra rimi mvu ima-a nga ri bubu wan waka to ka mvu ima-a ka zhu ri bubu riwa wa hi.

22 Riwa imbɨrea kpan imgbron nji wawa wa kuki ri gran nna-a waka milan ya wari to iri a he mvu ima riri nye riwa a ye ri bubu wan. Wa to iri Yeso a ran gra rimi mvu ima-a ri miri ndu wan ran, imiri ndu wan nkankshi mba nye wa hi. 23 Ama mvu ima wari wa zhu ri Tibariya ye kukri kusan bubu riwa nji wa ri juju yɨmo-a, kugon riwa Bachi a ngɨri ri Izhi. 24 Riwa ijɨbu nji-a wa to ri Yeso nga miri ndu wan wa ran he ri bubu wan ran, waka gra imi wa mvu ima-a wari hi ri Kafarnau wari ran wa Yeso.

25 Riwa nji-a wa fe Yeso ri gran nne-a waka tre ri wu ri,<<Inji ri tsro shitan nye wu ye ri nyi?>>

26 Yeso ka nyɨme ri wa ri,<<Me la yi kpunji tre bi wa wen ritu bi ri jujuyɨmo nga bi ri fe kya riwa bi wa, a ran ritu bi to kya ri de sisiri riwa me ti ran. 27 Ran ti ndu ritu ri riwa ari time ran, ama bi ti ndu ritu ri riwa ari son hi ri kre vi. Rinyi nye he ri riwa ivren nji ri no yi, ritu Izhi A ti a no wen gbengbren me ti wa.>>

28 Imba waka miyen-u ri,<<Ki tiri se kiri to kya riwa Izhi ri wa ki ti?>> 29 Yeso ka nyɨme ri wa ri,<<Ikya riwa Izhi ri wa no yi ti a he no yi kpanyɨme ri nji riwa wawu ti-u ndu.>>

30 Waka tre ri wu ri,<<Ikya ri de sisiri bibi tan nye wu ti riwa ki to kiri kpanyɨme ri wu? Ingye nye wu ti.? 31 Wa ti wa timbu wa ri manaa ri tsutsu ji bibi riwa itre Izhi tre ri,<Izhi no wa juju yɨmo riwa a zhu ri shu no wa ri>>>

32 Yeso ka tre ri wa,<<Me la yi kpuji <<Ikya riwa Musa a kano yi a ran he juju yɨmo zhu ri shu ran, a he Ati won riwa a no yi juju riwa a zhu ri shu. 33 Jujuyɨmo riwa Izhi de a he wawu riwa a zhu ri shu ye ran ye de vri ri mgbumgblu me.>>

34 Riwa wa wo ngamba, imba waka miyen ri<<Inji rinkon no ta tuju yɨmo nyi bla vi.>>

35 Yeso ka tre ri wa ri,<<Ame nye me he jujuyɨmo riwa ari no-u vri, wawa wa ye ri kpanyɨme ri me ilama ran ti wa ran. 36 Zizan me la yi ri bi to wen ama bi ran kpanyɨme ri me ran. 37 Ko ngaa riwa A ti won no wen, ari ye ri me, ame me ran dzuu ran. 38 Ritu me zhu rishu ye me ri ti kyawa riwa mo ran, ama kyawa riwa nji riwa a ti wen ndu ye. 39 Ngha ikya riwa nji riwa a ti wen ndu ye ri wa a he ri me ran no ko njo rimi wawa a ka wa no wen no kado ran, ama me ta wa shɨme ri kre vi. 40 Ikya riwa A ti won ri wa a he iri no ko ngaa riwa a ti wen ran kpanyɨme ri wu no vri riwa a ran kre ran nga me ta wa shɨme ri chachu kre vi.>>

41 Nji Yahuda wawa wa he ri bubu wan waka gra muru nyu ritu a tre ri,<<Ame me he jujuyɨmo riwa a zhu ri shu ye me.>> 42 Imba wa nji-a waka tre ri,<<Inji nyi ran he Yeso ivren Yusufu riwa ki to ti wan kiri to yi wan ran, ko ari ti se ran la ta zizen ri wawu zhu ri shu ye?>>

43 Yeso ka nyɨme ri wa ri,<<Ka muru nyu rimi ngambi chuwo. 44 Inji wa ran ye ri me ran, tse A ti riwa a ti wen ndu gbi wa ye ri me nga ame me ta wa shɨme chachu kre vri. 45 Wa la tre Izhi nye wa tsro wa>Ko ngaa riwa a wo tre A ti ran ti ndu ri wu ari ye ri me. 46 Rinyi ran he ri ko ngaa to A ti ran, wawu riwa a zhu ri Izhi nye ka kre to A ti. 47 Me la yi kpunji tre, nji riwa a kpanyɨme ri me, a he ri vri riwa a ran kre ran. 48 Ame me he jujuyɨmo ri vri 49 Wa titimbi wa ri manaa ri tsutsu ji ama wa kuu, 50 Ama juju yɨmo riwa a zhu ri shu ye a he bibi riwa ka nji riwa a ri-u a ran ri kuu ran. 51 Ame me he jujuyɨmo ri vri riwa a zhu ri shu ye, ka wu ri jujuyɨmo nyi wu son hi ri kre vri, jujuyɨmo riwa me no yi nyi a he ka ikpa won nye, riwa me de ritu no mgbumgblu me no wa fe vri.<<

52 Imba nji Yahuda-a waka gra ri janyun ri fu ri ngamba wari tre ri,<<Inji nyi ri ti se ran no ta nɨma kpa wan tan?>>

53 Yeso ka tre ri wa ri,<<Me la yi kpunji ka bi ran tan nɨma vren nji nga bi ri so yii wan ran bi ran fe vri ri sron mbi ran. 54 Wawa wa tan nɨma won nga wari so yii won wa fe vri riwa a ran kre ran nga me ta wa shɨme ri chachu kre vi. 55 Wawa wa tan nɨma won nga wari so yii won wa son ri me nga ame me son rimi mba. 56 Wawa wa tan nɨma won nga wari so yii won wa son ri me nga ame me son rimi mba. 57 Bibi riwa A ti riwa ari vri ti wen ndu nga ritu wan nye me vri ngawen ngamba nye me nji riwa a tan nɨma won ari fe vri ritu won. 58 Rinyi nye he jujuyɨmo riwa a zhu ri shu ye a ran bibi riwa wa titimbi wa ri ama wa kuu-a ran, wawa wa ri, jujuyɨmo nyi wa fe vri riwa a ran kre ran.>>

59 Yeso a tre rinyi riwa a ran tsro ri bubu kabrutu nji Yahudari ri Kafanaum.

60 Wawa wa ran huu waka wo nganyi wari tre ri,<<Itsro nyi senkpa, ingaa ri sren ton riwu?>>

61 Yeso riwa a to iri wa muru nyun ri ngamba ritu wan imba ka miyen wa ri<<Itsro nyi no yi wa bi ri kambi ri me? 62 Ko isron mbi ri he se ka bi to ivren nji bru kɨma ri hi ri bubu riwa a zhu ye? 63 Iyu Izhi nye ri de vri. Ikpa ran he ri gbengbren nji ran ri ti kyari ran itre riwa me tre ri yi he wu Izhi nye nga vri. 64 Ama wari mbi wa he wawa wa ran kpanyɨme ran.>>Ritu ri mimɨlan Yeso a to wawa wana kpanyɨme ri wu ran nga nji riwa ari ka wawu re. 65 Yeso ka bru tre ngaa ri wa ri,<<Ritu rinyi nye me tre ri injo ran ri to ye ri me ran tse A ti won no wa gbengbren no wa ye.>>

66 Ritu rinyi nye wawa wa hu Yeso kigbu wa kɨma gon ti-u, wa ran hu Yeso ngaran. 67 Ka miyen miri ndu wan wuru don hari-a ri,<<Ngha biyi ngawen bi wa bi ri hi ngambi me?>>

68 Sima Bitrus ka nyɨme ri,<<Bachi ri ngaa nye ki hi?Wu he ri tre riwa ari de vri riwa a ran kre ran. 69 Ngha zizan ki kpanyɨme ri wu he ri Tsitsri riwa a zhu ri Izhi ye.>> 70 Yeso ka tre ri wa ri,<<Me zhu yi wuru don hari-a, ama iri mbi he meme nji!>> 71 Aran tre ritu Yahuda ivren Sima Iskariyo ritu wawu nye ri ka wen reko riri riwa a he rimi miri ndu Yeso wuru don hari.