1 Ri mimɨlan iwɨlo tre-a a he, iwɨlo tre-a a he imba Izhi, iwɨlo tre-a a he Izhi nye. 2 Wawu nye ri mimɨlan a he mba Izhi.

3 Dzu ri wo wan nye Izhi a ti kyawa wawu, ikya ri a ran he riwa wa hon ti riwu ran rimi kyawa wawa wa ti wa. 4 Rimi wɨlo tre-a nye ivɨri a he nga wawu viri-a nye a he kpan tsu mbu. 5 Ikpan-a sondu ri kpan rimi bu nga ibuu ran han gbengbren wan ran.

6 Inji ri a he riwa wana yo-u ri Yonana riwa Izhi a ti-u ndu. 7 Riwa a ye ri bubu la tre ritu kpan tsu-a nga ran tsro wanji wawu no wa wo wari kpanyɨme. 8 Aran he Yonana nye a he kpan tsu-a ran, ama a ye riwa ari la tre ritu kpan tsu-a nye 9 Ikpan ri ri kpunji he riwa ari ye mgbumgblume nyi riwa ari kpan tsro ko ngaa. 10 Sisenmu iwɨlo tre-a a he rimi mgbumgblume, wa ti mgbumgblume-a dzu ri wo wari ama mgbumglume-a a ran to-u ran. 11 A ye ri wa nji wa gbu wan, ama wa nji wan wa ran kpa ran. 12 Ama wa nji wawa wa kpa tre wan, wari kpanyɨme ri tre wan, a no wa gbengbren no wa he miri Izhi. 13 Wa ran he miri bibi riwa wa ngɨzhi wa bibi riwa iwa mba ronron wa kabrutu ko wari ngɨzhi ran, a ran ritu mbye ri kpa riwa nji ri ti ko ran ngɨzhi ran, ama Izhi kyuwan nye he Ti mba.

14 Iwɨlo tre-a he nji, a son rimi mbu ki to mkpen wan, imkpen riwa a he wama riwa wawu ri nkankshe he ri wu riwa a zhu ri Izhi, riwa a sho ri ndindi ti nga kpunji.

15 Yohana a tre ritu wan mgbamgban ri,<<Rinyi nye he nji riwa me tre tre ritu wan riwa me tre ri yi ri la nji nyi nye he nji riwa me tre riyi ri,<Inji riwa ari ye kugon won a han wen ritu a he ka wana ngɨzhi wen rina.>>>

16 Ri kigbu ndindi ti Yeso nye a ti lɨbu dindi sro ritu wawu ari sondu ti lɨbu ri ta bla vi. 17 Izhi a de doka dzu riwo Musa, ama a de ndindi ti nga kpunji dzu riwo Yeso Kristo. 18 Injo ran to Izhi ri si zari ran, ivren wan riwa ari son kuwo ri wan nkankshi wan riwa wa tsra mba Izhi nga ran he mba ti wan wawu nye la ta bibi riwa Izhi he.

19 Ingye itre Yonana riwa nji Yahuda wa Urushelima wa ti wa sro yii nga Lawiyawa ndu ri wu wari miyen ri,<<A wu wuhe ngan?>> 20 Yonana a ran tron ran, a la wa ri,<<Aran he ama nye me he Bachi ran.>>

21 Waka miyen-u ri,<<Ko wu he ngaa? Wu he Iliya?>>Ka tre ri,<<Me ran he wawu ran>>Waka miyen ri, <<A wu nye wuhe nji ri la tre Izhi-a? ka bru tre ri<<Onhon>>

22 Waka tre riwu,<<Ko wu he ngaa? La ta kya riwa ki hi kiri la wawa wa tita ndu. Wa yo-u ri ngan?>>

23 Yonana ka nyɨme ri wa ri la tre riwa ari ye kusi riwa Ishaya a la ri,

<<Ame nye me he raan riwa ari yo rimi ji ri,

<<Mɨlan nkon ti yi ritu no Bachi no dzu.>>>

24 Farisa wawa wa ti wa ndu. 25 Waka miyen Yonana ri,<<I wuran he Kristo ran, wuran he Iliya ran wuran he nji ri la tre Izhi-a ran ko wu tise wuri ri son nji tu ri ima?>>

26 Yonana ka la wa ri,<<Ame me son yi tu ri ima ama nji ri he rimi mbi riwa bi ran to-u ran. 27 Wawu nye riwa ari ye kugon won, riwa ame me ran tsra riwa me sii zhizhi ntan za wan ran.>>

28 Kyawa wanyi a he ri Batani nye wa ti wa kugran nne wurudu bubu riwa Yonana a ran son nji tu ri ima.

29 Ri mibreri han wan Yonana ka to Yeso ri ye ri wu imba ran la wari,<<To ntɨma riwa Izhi riwa a ban meme ti mgbumgblume iwawu. 30 Wawu nye riwa me layi ri,<Inji ri ri ye kugon won riwa a han wen wawu a he ka wana ngɨzhi wen rina.> 31 Ri mimɨlan ame meran to ran ama a ye ri son nji tu ri ima ritu no wa tsro-u ri wa nji Israila.>>

32 Imba Yonana a la tre-a ri,<<Me to Yuu riwa a zhu nguu gɨzhi riye ran son ri tu wan. 33 Ri mimɨlan me ran to-u ran ara Izhi riwa a ti wen ndu no wen son nji tu ri ima wawu nye tre ri mo ri,<Inji riwa wu to Yuu gɨzhi ri ye ran ye son ritu wan, to wawu nye riwa ari son nji tu ima ri Yuu ri Tsitsri.> 34 Ame Yohana me to ngamba nye a he me ri tre ri rinyi he vren Izhi nye.>>

35 Ri mibreri han wan Yonana nga miri ndu wan hari wa kuki. 36 Imba Yonana a to ka Yeso a ye ran ka ran hi ran tre ri,<<To ntɨma Izhi won>>

37 Riwa imiri ndu Yohana hari-a wa wo tre Yonana waka hu Yeso. 38 Riwa Yeso a kɨma ya gon wan, imba ka to ka wa hu wawu ran minye wa ri,<<Bi wa ngye?>>Waka tre ri wu ri,<<Rabbi>>Iwɨlo tre nyi he ri nji ri tsro,<<Wu son ri tan nye?>> 39 Imba Yeso ka tre riwa ri,<<Ye rɨme bi ri to.>>Ri ji yawulu krefi nza, imiri ndu wan waka hi wari ka to bubu riwa ari son wari ki iwawa chachu wan.

40 Andarawus vayi sima Bitrus a he rimi miri ndu wan hari wawa wa hu Yeso kugon riwa wa wo tre Yohana ritu Yeso. 41 imba Andarawus ka gbuchi wa vayi wan Sima ran tre ri wu ri,<<Ai ki fe Kristo-e.>>Inji riwa ari dzon. 42 Ran ngɨzhi vayi wan Sima hi ri Yeso ka ya-u ran tre ri,<<A wu nye wu he sima ivren Yonana? Wa,>>Yo-u ri Kefasi. Ko ka Bitrus riwa ari minye,<<Tita>>

43 Ri mibreri hari wan, Yeso kana wa ran hi Galili imba ka fe Filibu ran tre riwu ri,<<Hu wen.>>

44 Filibu a he nji ri gbu Batsaida nye igbu riwa Andarawus mba Bitrus wa ki ri bubu wan. 45 Filibu ka fe Nataniyel ran tre riwu ri,<<Ki fe nji riwa wa ngaa tre wan rimi doka Musa nga wa mbe wa la tre zhi, wawu nye he Yeso nji Nazara ivren Yusufu.>>

46 Imba Nataniyel ka miyen ri injo ndindi ri to zhu ri Nazara nyi? Filibu ka tre ri wu ri,

<<Ye wuri ye to mba.>>

47 Yeso a to Nataniyel a ran ye ri wawu ran tre ri,<<Kɨma ya nji israila ri kpunji riwa a ran he ri che ri nne wan ran.>>

48 Imba Nataniyel ka miye Yeso ri,<<Wu ti se ko wuri to wen?>>Yeso ka tre riwu ri,<<Me to-u kawu he ri konkron mbuwa, ko no Filibu no yo-u.>>

49 Imba Nataniyel ka tre ri Yeso ri,<<Inji ri tsro, a wu nye wu he vren Izhi, a wu nye wu he chu wa nji Israila.>>

50 Yeso a tre ri Nataniyel ri,<<Wu kpanyɨme ritu me la-u ri me to-u ka wuhe ri nchi konkron mbuwa? Aran raa rimba ran, wu to kyawa wawa wa han rimba.>> 51 Yeso ka lawa sron ngan ri,<<Kpunji tre me la yi, bi to shu wulu ri bu, imiri ko Izhi wa hon wari gɨzhi ri tu won Vren Nji.>>