1 Inji ri nye a ran lo, nde wan a he lazaru riwa a zhu ri Batani igbu wa meremu ri vayi wan vru wa marta. 2 Meremu nye riwa vayi wan lazaru riwa a lo wawu nye a gban dza Bachi ri nye ri ro ran se za wan ri nfutu wan. 3 Ri mba ka ti miri vayi wan mirimba ndu no wa la Yeso,<Bachi > Ikpan wen riwa wu nyɨme ri wu ri lo.

4 Riwa Yeso a wo nganyi ran tre, lilo nyi a ran ri wuu Lazaru ran, onhon a he ri nkpen Izhi riwa ivren Izhi ri fe nkpen rimi wan.>>

5 Yeso ri nyɨme ri marta nga vayi wan vruwa ri lazaru. 6 Rwa Yeso a wo ri lazaru a ran he ri si kpa ran ka bru son ri bubu riwa a he ti vi hari. 7 Ngha ran la miri ndu wan ri ki bru hi ri gbu Yudiya.

8 Miri ndu wa ka tre ri wu,<<A wu nji riko ivi-ri nyi nye Yaudiwa wa wa nkon wa ri ta-u ri tita wu bru hi gbu nga ri!>>

9 Yeso ka tre riwa ri, <<A ran he awa wurudon hari nye ri vii riri ran? Ko ngaa ri zren ri kpan Izhi a ran kɨbu dza ran ritu ari to kpan mgbumgbulu me nye. 10 Ama ko ngaan ri zren ri chu a ri kɨbu dza ritu ikpan tsu a ran he ri wu ran!>> 11 Kugon riwa a tre nganyi ran bru la wa miri ndu wan ikpan mbu lazaru a kru naa ama me hi miri shɨme-u.

12 Imiri ndu wan wa ka tre ri,<Bachi a he kruna nye, ari fe si kpa.>

13 Yeso a ran tre ritu kuu wan, ama imiri ndu wan wa yonga a ri tre ritu kruna ri son vri. 14 Imba Yeso ka la wa a he njanji,<Lazaru a kuu, 15 nga ritu mbi me ngiri, me ran he bubu wan ran ritu bi ri kpa nyɨme ama ki hi ri wu.>>

16 Mba Toma riwa wa yo-u ivren ri ngareka tre ri mgbron miri ndu ri,<Ki hi ngawan, ki ri kuu ri wu.>

17 Riwa Yeso ka zhu bubu wan, ka to Lazaru a ti vi nza ri bubu gru. 18 Batani a he hyure-hyureri Urushalima a ri he ka mile hari, 19 nji Yahuda branbran wa ka ye ritu wa ri no Marta nga Maryamu isi stron ritu kuu vayi mba.

20 Riwa Marta a wo Yeso ri ye a zhu raa ran dzon wu ri nkon ama Meremu ka son rimi ko. 21 <Bachi,>Marta ka tre ri Yeso he ri nyi vayi won ran ran kuu ran. 22 Ama me to ri zizan Izhi ri no-u kya riwa wu miyen:>>

23 Yeso ka tre ri wu vayi wen ri wulunde.

24 Marta ka tre ri Yeso,<<Me to a ri wulunde ri wa kuu ri vi riwa ari kre.>>

25 Yeso ka tre riwu ri, <<Ame nye me he tashɨme wawa wa kuu, nji riwa a kpanyɨme ri me, ko a kuu a ri son vri, 26 nga nji riwa a kpanyɨme ri me a ran kuu ran. Wu kpanyɨme ri rinyi?>>

27 Marta ka tre ri Yeso ri,<< Bachi me kpa nyɨme ri a wu wu he Kristo ivren Izhi wa wu nye riwa a ri ye ri mgbumgbulu me.>>

28 Riwa a tre nganyi Marta ka bru ye ran yo vayi wan vruwa Meremu ri gran nji ri tsro a he ri nyi ka yonga ari mɨyen wu. 29 Riwa Meremu a wo nga mba ka wulunde gbagbla ran hi ri wu. 30 Yeso a ran hi ri gbu ri ran a he ri bubu riwa Marta a fe wu. 31 Riwa nji Yahuda wa he ri Marta ri ko wa ran no si sron wa ka to Meremu a wulunde gbagbla zhu ko wa ka hu ran yonga a ri hi bubu gru nye riwa a ri yi kuu wan.

32 Riwa Meremu a zhu bubu riwa Yeso he, ka to-u ran joku ri kusi wan ran tre ri wu,<<A wu Bachi, riwa wu ri he, vayi won ran ran kuu ran.>>

33 Riwa Yeso a to-u a ran yii nji Yahuda riwa wa ye riwa ngawen wa ran yii, ka lo stron. 34 Yeso ka tre riwa,<<Bi ka-u yo ri menyi?>>Wa ka tre ri wu,<<A wu Bachi ye wu ri to.>>

35 Imba Yeso ka yii ima si. 36 Ri mba nji Yahuda wa ka tre,<<To bibi riwa a nyɨme ri Lazaru.>>

37 Ama wa ri rimi mba waka tre, <<A ran he wa wu riwa a bu si nji riwa a ti nfyen ran? ritu ngye ko a ran kpa Lazaru chuwo ri kuu ran?>>

38 Rimba isron Yeso ka time, ka ye bubu gru, bubu gru a he tita nye wa ka nyun wan ri wu. 39 Yeso ka tre ri Marta vayi Lazaru riwa a kuu-a ri, <<Ban tita-a zho!>> Ka tre ri, <<Bachi, ari mɨwi gigla. A ti vi nza riwa wa no yɨbi!>>

40 Ri mba Yeso ka tre ri wu ri,<<Me ran la wu ran riwu kpa nyɨme wu to nkpen Izhi ran?>>

41 Mba wa ka tru tita yo gran Yeso ka zun si ban shu ran tre,<<A wu A ti me ngɨri riwu riwa wu wo wen. 42 Me to wu si wo wen chachu, ama me tre rinyi ritu nji wawa wa kri nde riwa no wa kpa nyɨme a wu nye wu ti wen ndu.>> 43 Riwa a tre nganyi Yeso ka kpagro yo-u ri,<<Lazaru shɨme ye!>> 44 Ngha Lazaru ka shɨme ye ri tsro kuu riwa wa nye-u, wa nye si wan ri tsro, Yeso ka tre,<<Si tsro mba zho ri wu nga bi ri no hi ngawan.>>

45 Ikigbu nji Yahuda wawa wa ye ri Meremu wa ka to kya riwa Yeso a ti wa ka kpanyɨme ri wu. 46 Ama wa ri rimi mba wa ka hi ri Farisa, wa ka la wa bibi kya riwa Yeso ti. 47 Imba wa rikon ndu Izhi nga Farisa wa ka shutu kabru wa ri tre,<<Ngye ki ti nye ri wa nji nyi a ri ti kya wa wa ti sisiri nga nyi-a? 48 I ki ka-u chuwo nganyi ko ngaa ri kpa nyɨme ri wu nga Romawa wa ye wa ri kpa gbu mbu nga wa ri vu nji mbu.

49 Ama iri rimi mba riwa nde wan a he Kayafa riwa a he rinkon wa sro yii ri se wan ka tre,<<Bi ran to kya wawu ran! 50 Bi ran to ran riwa a bi ri yi no nji riri no kuu ri tu nji wawu riwa a ri han nji mgbugblu me no wa kuu.>> 51 Kayafa a ran tre nganyi ritu wawu ran, ama, ritu wawu a he rinkon nji wa sro yii ri se wan, a la tre ri kusi ri kuu ritu wa nji Yahuda, 52 nga a ran ritu mba kakre ran, ama ritu ran ngɨzhi wa hu Izhi wawa wa kado ye kabru ri bubu ri.

53 Zhu ri vi-a wa rinkon wa nji Yahuda wa wa wari wuu Yeso. 54 Ritu ngamba Yeso a ran bru zren ri nji Yahuda ri rira ran, ama a wulunde ri bubu wan ran hi gbu riwa a he ri nyu ji, ran gra hi ri gbu riwa nde wan a he Ifraimu. Bubu wan nye a ka son iwawa miri ndu wan. 55 Riwa ivi a ti no nji Yahuda no wa za gran ikpa nji wa ka hi ri gbu Uruhalima riwa wa ngla ngamba ri ko wari dza gran. 56 Wa si wa Yeso, nga riwa wa kabru rimi ko Izhi, wari ran tre ri ngamba ri,<<Bi to se? A ri ye ri vi ri ro nyi?>> 57 Ama rinkon wa sro yii nga Farisa wa la wa ri ka njo to bubu riwa Yeso he ka ye la, ritu wari vu.