1 Riwa Yeso a ran zren, ka to nji ri wa ngɨzhi-u ri mfyen. 2 Imiri ndu wan waka miyen ri,<<Inji ri tsro, meme ti ngaa nye no wa ngɨzhi nji nyi ri mfyen? A he meme ti wan nye ka iwa wa tiwan?>> 3 Yeso ka nyɨme ri wa ri,<<Aran he ritu nji nyi, ka wa ti wan wa ti meme ti nye no ti nfyen ran, ama wa ngɨzhi-u ri nfyen ritu no wa tsro gbengbren Izhi ritu wan. 4 A he nganyi ki sondu ran ti ndu nji riwa a ti ta ndu ka nji ran ku rina, ichu he ri nkon ri ye riwa njo ran to ti ndu ngaran. 5 Riwa me he ri mgbugblume nyi, ame mi he kpan wulu mgbumgblume.>>

6 Kugon riwa Yeso a tre nganyi, ran zhu nten sro ri meme ran san meme riwu ka fon meme riwa a san-a ran ka gban ri nji-a ri si, 7 ran la-u ri,<<Hi wuri ngla si wen ri juju ima ri siluwam.>>Itu nde-a he,<<Indu.>>Imba nji-a ka hi ran ka ngla si wan ka bru ye ko isi wan ka ran kpan ka ran to tsu.

8 Wa kukpan wan nga wawa wa sasi to-u ari si bre ri sen waka tre ri,<<Rinyi ran he nji riwa ari si son ran bre ran?>>

9 Wari waka tre ri,<<A he wawu ama imgbron mba waka tre ri onhon a ran he wawu ran, a zhu wawu nye.>>Imba nji-a kyuwan ka tre ri,<<A he ame nye.>>

10 Waka miyen-u ri,<<A he ri se ko wu to tsu zizan?>>

11 Ka nyɨme ri wa ri,<<Inji riwa inde wan he Yeso nye a san meme ran ka gban mo ri si ran la wen ri me hi ngla si ri ima Siluwam, imba me ka hi me ri ngla si-a nga isi won ka bu me ran to tsu.>>

12 Waka miyen-u ri<<A he ri minyi?>> ka nyɨme ri wa ri, <<Me ran to ran,>>

13 Imba waka ngɨzhi nji riwa a ran ti mfyen ri sen-a hi ri wa nji Farisa. 14 Ivi riwa Yeso a san meme ran den nji ri mfyen-a a he chachu vi son vri. 15 Farisa waka miyen nji riwa a ran ti nfyen nganga ri a ti se ko isi wan bu. Ka la wa ri,<<A gban meme ri mo ri si, nga me ngla si, nga zizan me to tsu.>>

16 Imba Farisa wari waka tre ri,<<Inji riwa a ti kyanyi a ran zhu ri Izhi nye ye ran ritu a ran hu doka ri vi son vri ran.>>Ama wari waka nyime ri,<<Inji ri meme ti ri tise ran ti kya ri de sisiri bibi nye?>>Irimɨren mba ka ga ti hari.

17 Imba Farisa waka bru miyen nji-a ri,<<Wu tre ri a den ri lilo mfyen wen, ko wu tre se ritu wan? Inji-a ka tre ri a he nji ri la tre Izhi.>>

18 Wa rinkon nji Yahuda wa ran kpanyɨme ri nji riwa a ti mfyen ri sen ran nga zizan ari to tsu tse riwa wa yo wa ti nji-a, 19 wari miyen wa ri,<<Rinyi he vren mbi? Bi tre ri wa ngɨzhi-u ri mfyen ko a ti se ko ran ri to tsu zizan?>>

20 Wa ti wan waka nyɨme ri wa ri,<<Ki to ri a he vren mbu nga ki ri to ri wa ngɨzhi-u ri mfyen. 21 Ama ki ran to ko a ti ri se ran ri to tsu zizan ran, ko ka kiri to ko ingaa nye den kpachuwo ri mfyen ran. Biyi miyen-u kyuwan wawu ran he vren ran, nga ari nyɨme ri tu wan!>> 22 Wa ti wan wa tre nganyi ritu wa ran ti sisiri wa rinkon nji Yahuda riwa wa ka dzi ri nji riwa a kpanyɨme ri Yeso a he Kristo wa dzuu zho ri tra bubu kabru nji Yahuda. 23 Ritu wan nye wa ti wan waka tre ri,<<Aran he vren ran biyi miyen-u!>>

24 Wa bru yo nji riwa wa ngɨzhi-u ri mfyen-a ri mkpa ri han wari miyen ri,<<Rimi nde Izhi shizhi ri wu la ta kpunji tre! Ki to iri nji riwa a den mba a he nji ri meme ti.>>

25 Inji-a ka la wa ri,<<Me ran to ran ko a he nji ri meme ti. ikya riri nye me to me ran he nji ri mfyen ama zizan me to tsu.>>

26 Waka miyen-u ri,<<Ingye nye a ti ri wu? A ti ri se ran den ri lilo mfyen wen-a?>>

27 Ka nyɨme wa ri,<<Me gbuchi la yi-e ama bi ran wo wen bi ri kpanyɨme ran ritu ngye ko bi wa me bru la yi? Ka bi wa bi ri he ka miri ndu wan ngawen?>>

28 Imba wa rinkon wa nji Yahuda waka kra-u tu bran wari tre ri,<<A wu nye wu he vren ndu wan ama kita ki he miri ndu Musa. 29 Ki to ri Izhi a tre ri Musa, ama kita ki ran to ko nji mba zhu kutan ye ran!>>

30 Iji-a ka la wa ri,<<Rinyi he kya ri ndzu sron! Bi ran to bubu riwa a zhu ye ran ama a den wen ri lilo mfyen won. 31 ki to ri Izhi ran ri wo wa meme ti ran ama ari wo nji riwa ari gbre wu nga ran ri hu tre wan. 32 Zhu ri mimɨlan mgbumgblume injo ran wo zari ri injo den nji riwa wa ngɨzhi-u ri mfyen to dzari ran. 33 Wari tre ri nji nyi ran zhu ri Izhi nye ye ran ran ran to ti kyari nganyi ran.>>

34 Waka nyɨme riwu ri,<<A wu riwa wa ngɨzhi-u rimi meme ti, wu wa wuri tsro ta nye mba? Ngha wari dzu zhu ri bubu kabrutu nji Yahuda.

35 Riwa Yeso a wo ri wa dzu nji-a zho ri tre bubu kabrutu nji Yahuda-a ka wa-u ran fe wu ran miyen-u ri,<<Wu kpanyɨme ri me ivren Nji?>>

36 Imba nji-a ka tre ri,<<Inji rinkon, la wen ko a he ngaa nye bibi riwa me kpanyɨme ri wu!>>

37 Yeso ka tre ri wu ri,<<Wu to-u-e nga wawu nye bi tre mbi-u zizan,>>

38 Inji-a ka tre ri,<<Inji rinkon, me kpa nyɨme!>> Ngha ran kɨbumgbazhu ri kusi Yeso.

39 Yeso ka tre ri,<<Me ye rimi mgbumgblume nyi miri bla tre ritu no wa mfyen no wa to tsu nga no wawa wa to tsu no wa ti mfyen.>>

40 Farisa wari wawa wa he a ran tre ngamba, nga wari wa miyen ri,<<Wu miyen ri kita ngawen ki ti mfyen mee?>>

41 Yeso ka nyɨme wa ri,<<Wari tre ri bi he wa mfyen nye bi ri ran he wa meme ti ran, ama riwa bi tre ri bi to tsu bi he wa meme ti nye mba.>>