1 Ri vi ri mɨlan ri sati, mba-a wa ka ban nye-a ri mɨuɨ raro riwa wa mɨlan ti-a wari hi ri bubu gyuru Yeso. 2 Waka to wa nyi tita taga ri nyun bubu gyuru, 3 ama riwa mba-a wa gra ri bubu gyuru, wana to kɨmo Bachi Yeso ran. 4 Riwa wa ran ti mamaki ritu wan, ri bubu wan nji hari ri tsro riwa a ran kpan riri ka iwulu wa ki kusan bubu gyuru. 5 Rimi sisɨri mba wa ka kɨbu tu me, ama nji-a waka tre wa, <<Ritu ngyen ko bi wa wawa wa he ri si rimi wawa wa kuu? 6 Yeso ran he nye ran, a tashɨme! tika bibi riwa a layi, riwa a he ri yi ri Galili: 7 <Ivren Nji wa vu no wo wa meme ti, wa ri kpanwu ri konkron nga ri vi ri tra wan a ri wulunde nganga.>>> 8 Imba waka tika tre wan. 9 Riwa waka zhu ri bubu gyuru ye ngamba, wa ri la ri ngbɨron miriko wan wuru don ri nga ri ngbɨron nji. 10 A he Meremu Magadaliya, ri Yuwana, ri Meremu iyi Yakubu, ri ngbɨron nji riwa wa he riwa wa la ri mirindu Izhi. 11 Ama waka ran nyɨme ri kya riwa mba-a wa tre ran, ritu itre mba-a a ran he dindi riwa ran. 12 Bitrus ka walunde ran wulutsu hi ri bubu gyuru. Ran dran, ran to tsro wa kru tu ngamba, ran hi ngawan, ran tika nkankɨshi wan a he ngye ri ti nga nyi.

13 Chachu vi-a riwa wa ran hi ri gbu riwa wa yo ri Imuwasu, a he meli tangban zhu ri Urushelima. 14 Waka ran tre ri ngamba ritu kya riwa a ti. 15 Riwa waka ran tre ri ngamba, Yeso ritu wan ka ye ran zɨren riwa; 16 Wa ran to a he wa wu ran.

17 A miyen wa, <<Bi tre ritu ngye riwa bi zɨren ri hi? Wa>> ka ku kri, ri si mba mme. 18 Iri rimi mba, nde wan a he kiliyobas, ka miyen, <<Wu he riwa wu ye Urushelima wu ran to kya a ri ti ri vi wa nyi ran?>> 19 Ka miyen ri<<Ikya ngye?>>

<<Ritu Yeso nji Nazare,>> Wa ka tre. <<A he nji ri ndu Izhi, gbengbren rimi tre ri kya dindi ri si Izhi nga nji wawu. 20 Ama chu w Firist nga wa rikon mbu wa ka wu nowa wuu, nga wa kpa wu ri konkron. 21 Ama ki yo sron ri a he nji riwa a ri kpa Israila chuwo. Ngha ngye han ngamba, a he vi tra riwa ikya wa nyi wa ti. 22 Mba bu wari wa no ta mamaki. Waka hi bubu gyuru mbamibrenyi. 23 Ama wa ka ran to kpa wan ran. Wa ye wa ri la ta wa to waayi miriko Izhi, riwa wa tre a he si. 24 Imba wa kpan mbu wari wa ka hi ri bubu gyuru wa ri to ka a he bibi riwa mba-a wa la ta, ama wa ran to Yeso ran.>>

25 Yeso ka tre wa, <<Bi he nji wawa bi ran to kya ran, nga reresron ri nyɨme kya wandu Izhi wa tre! 26 Bi ran to ri Yeso ri so ya ri ko ran fe gbre wanyi ran?>> 27 A gbuchi ri Musa nga miriwa ndu Izhi, a la wa kya wa tre ri ngha mbe tre ritu wan.

28 Riwa wa ye huehyureri vi gbu, Yeso ka ti ka a ri hi kpata. 29 Wa ka fu wulu riwu,<<Son ri ta, ya wulu a ti, ivi a ye.>> Ka son ri wa. 30 Riwa a son riwa bubu son, ran ban jujuyɨmo, ran ngɨri, ran chiwa ka no wa. 31 Imba isi mba ka bu waka to wu, nga ka kado ri si mba 32 Wa ka miyen ngamba, <<Isron mbu a ran ti kinklan ngawen ran riwa a tre ri ngamba ri nkon nga ran bu mbe tre Izhi rita ran?>>

33 Wa ka wulunde wa ri ye Urushelima. Mba wa ka fe nji wuru don ri nga riwa wa he riwa, wa ka kabru ri ngamba 34 nga wa tre, <<A he njanji! Bachi a wulunde nga ran ye ri Sima.>> 35 Imba imiriko wan hari wa ka la kya a ti ri nkon, nga bibi kya wa to Yeso ti riwa a chiwa jujuyɨmo.

36 Riwa imiriko wan wa ran tre ritu kya nyi , Yeso ri tu wan ka ku kri ri wa ran tre wa, <<No sisron no he ri yi.>>

37 Wa ka ti sisɨri, wa ri yonga wa to bɨzhi. 38 Yeso ka tre riwa, <<Ngye ti bi ti fu, nga ngye ti bi nyɨme ri sron mbi ran? 39 Yeso ka tre, to ndawo won nga za won. A he a me. Bre wen wo to, ibɨji ran he ri nɨma kpa ran nga kuku, ri wa bi to me he riwu.>> 40 Riwa Yeso a tre nganyi, ka tsro wa wo nga za wan. 41 Imiri wan wa ran kpayɨme ran ritu ngɨri ri mamaki, ka mɨyen wa,<<Bi he kya ri nyi ri wa ki ri?>> 42 Wa ka no vi ŋkpon lambe riwa wa sron, 43 waka ban ran ka ri ku si mba.

44 Yeso ka tre wa,<<Ngye kya riwa me la yi ri chu wa me he ri yi ko ngye ri he bibi ri wa a he ritu won riwa a he rimi doka Musa, wa la tre Izhi nga Zabura.>>

45 Imba Yeso ka bu sron mba ritu wa ri to tre mbe wan. 46 Ka la wa, <<Ngye kya wa ngha, Nji ri kpa nji chuwo a ri so ya ran ta shɨme ri vi ri tra, 47 nga imiriko wan wa tsro ritu ikameme ti chuwo nga kameme ti chuwo ri la tre Izhi ri nde wan ri wawu mgbungbɨlume, gbuuchi ri Urushelima. 48 Wu he shada won ri kya wa nyi riwa wa ti. 49 Yeso ka tre,me ti Wu Tsitsri ndu ri yi kya riwa iti won ka zi ri sron wan, ama ki ri Urushelima ri, Izhi ye ri itsɨro ri gbengbren ran ka su ri yi.>>

50 Riwa Yeso a vu wa zhu hi ri Batani, ka nzu wo wan ran ti lɨwu dindi sro wa. 51 Riwa a ti lɨwu dindi sro wa, a ka wa don wa ban wu hi shu wulu. 52 Imba waka gbre wu wa ri bru ye ri Urushelima ri ngɨri branbran. 53 Nga waka ran son ri tra Izhi, ran gbre Izhi.