1 Chachu ri riwa Yeso a ran tsro nji ri tra Bachi a ran bla tre Izhi, rikon w Firist nga wa tsro doka Musa, nga ri wa rinkon waka ye riwu 2 nga wari tre ri <<La ta, ri nyɨme ngha nye wu ti bibi kya wa nyi?<<Ngha nye no senkpa mba?>>

3 Yeso Ka tre,<< Me miyen yi ngawen. La wen, 4 Ison tu ima riwa Yohana a he ri shu nye ka a he ri nji?>>

5 Wa ka tre ri ngamba wari tre, << Ka ki tre,< a zhu ri shu,> Ari mɨyen, ngye ti bi ran nyɨme ri wu ran?> 6 Ka ki tre,<Ri nji,> Wawu nji wa tata ri tita, ritu wa to ri Yohana a he nji ri de tre Izhi.>>

7 Waka nyɨme,<< Ki ran to bubu riwa a zhu ye ran.>>

8 Yeso ka tre wa ri,<< Ame ngawen me ran la yi ri bibi senkpa ngha me ti kya wa nyi ran.>>

9 Nga ran hi ran ri la nji ikɨbu tre:<< Nji ri a chu rɨma, ran ka no wa ron haya ran hi wizhi ri kpata. 10 Ivi sɨren ka ti ka ti vren ko wan ndu ri wa ron no wa kpa kɨlo konkron ri zhu. wa ron wa ka tsi wa ri zu hi ngawan ri wo kpokpo. 11 Ka bru ti vren ko wan ri ndu, waka bru tsi ngawan nga wa ri no hi ri wo kpokpo. 12 A ran bru ti nji ri tra ndu hi, wa ka ji wu jiwo wa ri ka wu taga.

13 << Nji ri rɨma-a ka tre,< Me ti se? Me ti vren won ndu, riwa me nyɨme wu; waya to nkpen wan.>

14 <<Riwa wa ron wa ka tou, wa ka tre ri ngamba. <Ngye nji ri ri gado een,>Waka tre. <Ki wuu, gado wan ri he wambu.> 15 Wa ka kawu taga kugon zhu-a wa ri wuu.

Yeso ka miyen,<< Ngye nye nji ri luwan a ri ti riwa? 16 Ari ye ran wuu nji wa luwan-a ran ka luman ka no wa njo ri nkan.>>

Riwa nji wa wo nganyin, wa tre <<No Izhi ran no rinyi no ran he ran!>> 17 Yeso ka ya wa ran miyen,<< A he ngye ri wa wa nghan nganyi:

<Tita riwa nji ri mme kawan riwu ri a ran he kyari ran

wawu nye ri he tita ri senkpa riwa a ngɨzhi ko.>

18 Ko ŋnga riwa a ku ritu tita-a ari chon ti zhuzhu, ama nji riwa tita-a ku ritu wan ari chon ti mumu.

19 Wa tsro Doka Musa nga rinkon wa la tre Izhi wa wa nkon riwa wa vu hi tren ri bubu wan, ritu wa to ri a tre tre kɨbu-a ritu mba nye. Ama wa ran ran ti sisɨri nji. 20 Farisa waka ran yo si ri wu, wa tru wa ya tsu, wawa wa kɨma ngamba zhu ka wa he wa kpunji. Wana su wari vu Yeso ri kya riwa ari tre bibi riwa wa kawu ka no nji rinkon. 21 Waya tsu wa ka myen, << Nji ri tsro, ki to wu la nga wu ri tsro kya ri wa a bi nga wu ran tsro kya ri wa a bi nga wu ran tsro kan kan ran tsro nkon Bachi njaji. 22 A bi ri ta ki han nkren meme no kaisar ka a ran he nga mba ran? 23 A to meme ti mba ran tre riwa, 24 <<Tsro wen nfan ri zinariya nyi. Isi nga nde wa ngha nye he ri tu wan?>>

Waka la wu ri, <<Riwa Kaisar.>> 25 <<Kaisar, wa ka la. Ran tre ri wa, No kaisar kya riwa a he wa kaisar; nga no Izhi kya riwa a he wa Izhi.>> 26 Wa ran fe kya ri wa wa fe ran ri kya a tre ri gbu nji wa ka ti alajibi nga a tre, wa ka son kpen.

27 Wa ri wa he sadukiyawa, ri wa wa tre wurunde ri bubu gru a ran he ran, wa ka ye ri Yeso wa ri myen tre. 28 << Nji ri tsro wa ka tre,<Musa ngha ri wa vayi nji ri wa vayi wan ku ran ka wan don ran he vren ran, nji ba ka mam wa ri kɨuo ran fe vren ri vayi wan. 29 Imiri vayi wari tangban wa he. Ri gbuchi a gran wa ran kuu a ran he vren ran. 30 Ri hari wan ka gran wa-a ran ku ba vren, 31 nga ri tra wan ka gran wu, nji taŋkpan wa ku, wa ran he ri miri ran. 32 Iwa-a ka kuu ngawen 33 Ri wurunde wawa wa ku wari tashɨme iwa-a ri he wa ngha, tunde itangban-a wa gran wu?>> 34 Yeso ka tre, nji wa nzanyi wa gran nga wa ri no wa gran. 35 Ama wa ri riwa wa ke mba wa ke riwa wa ki nzan ri wulunde riwa wa, ku wa ran kpa mba ran nga wa ran no wa kpa ran, 36 nga wa ran kuu nga ran, wa to miriko , wa he imiri Bachi, wa ri he imiri wa wulunde ri wa wurunde ri chachu vi ri ta shɨme. 37 Ama Inde tre wa ri wulunde ri ji, Musa tɨro kiuwon wa wulunde, a yo Bachi nji Ibrahim nga Bachi ri wa Ishaku, nga Bachi riwa Yakub nga wan. 38 A ran he Bachi ri kɨuwon ran, a he ri si, riwu wawu wa he ri si. 39 Wa ri imri wa ŋŋya wa ka tre nji ri ŋnga wu tre dindi. 40 nga jo ka na ti sron ran myen tre kya nga ran.

41 Yeso ka tre ri wa a he se bi tre kristi a he vren Doda? 42 Doda kyuwan tre riimri mba zabura,

<Bachi tre ri Bachi won:

Son ku wo ri won

43 me ka ka wa fu wan ti za tubru ri don za wan.

44 Doda ka yo wu Bachi. A he se ko biyi bi yo ri vren wan?

45 Riwa nji wawu wa ran sren ton, Yeso ka tre ri miri ndu wan, 46 Ti rere ri nji wa tsro doka Musa, wa su wari nga giwan wa ri ran zen ri tro guglo nga wa ri giwen wa ran ri bubu ri chu nga wa ri son ri bubu bi wa ri kon ri tra nji nga bubu wa no nji kpan ri ro. 47 Wa ri mba wa ran mba wa ku, nga wa ri wa bre ti. Bibi nji wa so ya branbran.