1 Ikpanji-a waka wulunde kusi wari ngɨzhi Yeso hi kusi Bilatu. 2 Mba wa ka gbuchi wa wu ri tre ran tre,<<ki fe nji nyi a kpa nji mbu ri pisi ran ri lawa nowa ran han nkɨren meme no Kaisar nga ran tre ri wawu a he Bachi, Chu.>> 3 Bilatu ka miyen Yeso ri,<<A wu nye wu he chu nji Yahuda?>>Yeso ka nyime ran tre, kamba nye bi tre.>> 4 Bilatu ka la ri rinkoŋ wa ndu Izhi nga kpanji.<<Ame me ran fe kya meme ritu nji nyin ran.>> 5 Ama waka kamba tre,<<A kpa wa ran pisi ri tsro wan ri meme nji Yahuda, ri tsro wan. A gbu chi ri meme Galili ran ye nyi.>> 6 Riwa a wo ngamba, Bilatu ka mɨyen ri ka nji a he nji Galili nye. 7 Riwa a to ri Yeso zhu ri bubu riwa Hirudus he ri kpanchison, ka tru Yeso hi ri Hirudus, riwa wawu ngawen a he ri Urushelima. 8 Riwa Hirudus a to Yeso, a ngɨri bran, ritu sisen mu a ran gben ran to wu. Ritu kya riwa a wo ri tu wan, a yo sron ran to wu ri ti kya riwa ari de sisɨri. 9 Hirudus ka ran miyen wu mɨyen kigbu, ama Yeso ka ran kpanyɨme ri wu ran. 10 Wa rinkon wa tsro tre Izhi nga wa tsro doka Musa waka zhu ye kusi wa ri wa wari wuu ri tre. 11 Hirudus nga wa lokpa wan wa ka kpa tsɨri, wari ban nchon tsro chu ka su ri wu, wa ri ngɨzhi wu bru hi ri Bilatu.

12 Chachu nyin nye riwa Hirudus nga Bilatu wa he kpan ngamba, riwa wa ran he kpan nfu kamba. 13 Bilatu a vu wa rinkon wa tsro tre Izhi nga wa rinkon nji nga gbunji wawu, 14 A la riwa ri, <<Bi ngɨzhi nji nyin ye no wen ri a kpanji ri pisi. Ko me ya to ri kusi mbi, me ran fe wu ri meme ti riwa bi tre ritu wan ran. 15 Hirudus ngawen kyari ngawen ran. Ikya riwa a sa ka bru ngɨzhi wu ye rita; Ba kya riwa nji mba ti riwa a ke riwa wa wuu. 16 Ritu ngamba me tsi ri gbagba me ri chu wu wo.>> 17 Ko kabru ro ri rugran bibi tan Bilatu ri ka nji ri rimi wawa wa vu wa tren ri bubu tren nji. 18 Wawu mba waka kpagɨro wari tre,<<Ri no wa ngɨzhi wu hi wuu, wa ri ka Barabas chuwo ta!>> 19 Barabas a he nji ri riwa wa kawu ta yo ri tra tren nji, ritu wa nyu riwa a he rimi gbu ri, waka wuu nji. 20 Bilatu ka ran bru tre riwa ritu a ran su ran ka yeso chuwo. 21 Mba wa ka ran kpagɨro wa ran tre,<<No wa kpan wu ri tu konkron! No wa kpan wu ri tu konkron!>> 22 Bilatu ka bru la riwa, ri la ri tra,<<Ri nkon ri tan? Meme ti ritan a ti? Ko me ran fe wu ri meme ti kya ran. Ritu ngamba, me tsi ri gbagba me ri chu wu wo.>> 23 Ama waka ran fu wulu, ikpanji-a wa kamba ran tre ŋgbangban ri, nowa kpan wu ri tu konkron, ikuzinba ka wɨrewa. 24 Mba Bilatu ka ka zi ri nowa ti kya riwa wa su riwu. 25 A chu nji riwa wa vu tren ritu a ran wa nyu ran wuu nji, Ama ran ka Yeso no wa ri nowa to kya riwa wa ti riwu.

26 Riwa wa ngɨzhi Yeso ran hi, mba wa ka to nji ri wa yo wu ri Saminu, a zhu ri gbu mba ran ye, waka ban konkron ka lo ri wu no ngɨzhi ran hu Yeso. 27 Ikpanji waka ran hu Yeso, nga mba wari riwa wa ran yi, wa ran ti shnji sron ri tu wan. 28 Yeso ka kɨma si ya wa ran la wa ri,<<Bi yi mirimba Urushelima, ran yi ritu won ran; Yi ri nga mbi nga miri mbi. 29 Ivi ri ye riwa bi tre, <Iwo dindi he ritu mba wawa wa kuu ngɨzhi, wa ran ngɨzhi zari to ran, wa ran so sisan mba to zari ran!> 30 Nghamba nye wa la gblu,<Ku joku ritu mbu!> Nga no ngbɨlu, <No ka ta!> 31 Idan bi ti kya wamba ka konkron wa he ri shushu ri, a ri he ri se ka konkɨron-a kɨlu?>> 32 Nji hari riwa wa yɨwi, wa kawa kabru wa ri ngɨzhi wa hi ri bubu wuu. 33 Riwa wa ke ri bubu riwa wa yo ri ŋgboro tu, mba nye waka kpan Yeso nga wa yɨbi hari-a, iri ku wori nga ri ku wota 34 Yeso ka tre ri,<<A ti, ka meme ti mba chuwo ri wa, ritu wa ran to kya riwa wa ti ran.>>Waka gbon tsro wan ran ta ngbe ritu wan. 35 Nji riwa wa ki ri bubu wan, wa ran ya. Wa rinkon waka wɨyen no, wari tre,<<A kpa wari chuwo, ko, no kpa ngawan chuwo mana, idan a he kristo riwa Izhi riwa a chu wu!>> 36 Wa lokpa waka wɨyen no, wa ri chiwi hi ran, 37 wa ri tre, <<Idan a wu wu he chu nji Yahuda nye, ko, wuka kpa ngawen chuwo ran!>> 38 Waka ŋnga zi ritu wan riwa a tre ri, <<Ri nyin nye a he chu nji Yahuda.>> 39 Rimi wa yɨbi hari riwa wa kpan wa ka tre ri,<<Wawu-a, a ran a wu nye wu he Bachi ran? Ko, wu ran kpa ngawen chuwo wu ri kpata chuwo me ran!>>

40 Ama ri hari wan ka nyɨme ran tre vayi wan, ran tre, <<A wu ko sisiri Izhi wu ran ri ti ran? Ka tre, a wu riwa wu fe hukunchi riri mbi wu. 41 Iwa mbu tsira ri ta, ri tu meme ti ri wa ki ti. Ko wawu nji mba a ran ti ko kya ran.>> 42 A ran bru tre, <<A wu Yeso, taka won ka wu hi ri kpanchison wen.>> 43 Yeso ka la wu ri,<<Me la wu kpunji, luwa wu son ri me ri bubu ri raro.>>

44 Ri gbege ji, ibu a ka gbungblu me wa wu, hari hi ri krefi tra ri yawulu. 45 Ikpantsu ka kɨma ti bu, itsɨro riwa wa ka nkon ri tra Izhi ka yɨra ti hari. 46 Yeso ka bu nyu tre,<<A ti! Ri wo wen me ka ivɨri won ri de.>> Riwa a tre ngamba , ran vɨri ri wawu ran kuu. 47 Riwa rinkon wa lokpa Roma ka to kya riwa a he, ran gbresan nde Izhi ran tre,<< Kpunji tre nji nyi ran ti meme ti kya ran!>> 48 Riwa ikpanji wawa wa he ri bubu wan, ri wawa wa ye bubu ya wa to kya riwa a he, waka kɨma ran hi kamba wari ran wuruwo ri gbobre. 49 Wawu nji riwa wa to Yeso nga mba hari riwa wa hu zhu ri Galili, wa ki kpata wari ran ya kya riwa a ri hi.

50 Nji ri wa yo wu ri Yusufu, nji Arimatiya, a he gbu nji Yahuda, a he nji rinkon rimi wa rinkon gbu, a he nji dindi. 51 Wawu a ran yɨme ri kya riwa wa ti ran, a zhu ri gbu Yudiya ri gbu Arimatiya a ran gben ye kpanchison riwa Izhi. 52 Yusufu nye a hi ri Bilatu ran wa nowa ka kɨmo Yeso no wawu kpa hi no yɨwi. 53 A ngɨzhi wu ye ri me ran nyewu ri tsro, ran ngɨzhi wu ka no yɨbi ri bubu ben ri bwo tita riwa wa ran no njo yɨbi ri bubu wan to ran. 54 A he ri yawulu chachu vi ri ton, nga ivi ri sonviri a ran ye 55 Mba riwa wa hu zhu ri Galili, waka hu Yusufu wa ri to bubu riwa wa ka Yeso no yɨwi nga wari to bibi riwa wa kakɨmo Yeso yo rimi wan. 56 Waka bru hi ngamba wari ka wa nye ri miwi raro.

Ama Chachu son vɨri-a waka ki vɨri bibi riwa wa tre-a.