1 Riwa a he nji kigbu wa ban wari la tre wanyi riwa wa he rimi mbi, 2 a tsra bibi riwa wa to kyawa wa gbuchi wawa wa tindu Izhi wa la ta. 3 Ritu me hu dza kongye tsra ri gbuchi, nga me to a bi riwa me ngan riwu yiyiri, a wu rinkon Tiyofalus, 4 ritu riwa wu to kpunji kya wanyi bibi riwa wa la wa riwu.

5 Riwa Hiridus a he chu Yudiya, wati nji ri riwa wa yo wu ri Zakariya, riwa a ran tindu Izhi rimi ko Abiya. A gran vɨra ri rimi gɨzhi Haruna, riwa nde wan a he Alisabatu. 6 Ngamba wa he wa dindi kusi Izhi, Wa ran hu tre Izhi ri wa doka wan ri bibi zren riwa wa ran yosi riwa ran. 7 Ama wana he ri miri ran ritu Alisabatu a son ri wulo; ngamba wa kunchon.

8 Chachu ri Zakariya a ran ti ndu Izhi riwa a he rimi ndu mba ivi ndu mba ka kɨma ye, 9 a he ritu bibi riwa wa ndu Izhi wa ka dzi, mgbe ka ku ri tu wan riwa ari ran gra ri tra Izhi ran huu mumu ri miwhi raro. 10 Ngha riwa wa hu mumu ri miwhi raro-a wa ye, ikpanji wa ki wari ri bre ri ra,

11 Imba ivren ri ndu Izhi ri ka ye ri wu, a kri ku wo ri wan bubu bre riwa wa huu mumu ntsen. 12 Riwa Zakariya a tou, ka suu sron sisiri ka tiu. 13 Ama ivren ri ndu Izhi-a ka tre riwu, << Ran ti sisiri ran, Zakariya; Izhi kpa ibrewen. Iwa wen Alisabatu ri ngɨzhi vren riwu, wuyo nde wan ri Yohana 14 Wu ŋgiri wuri ti kiŋklan sron, nji kigbu wa ti kiŋklan sron ri ngɨzhi wan. 15 Ritu ari he rinkon nji kusi Bachi. A ran so hi ko ikya riwa ari no hwa ran. Wa shou ri Yuu ri Tsɨtsɨri tu ka a he rimi nne yi wan. 16 Ngha ari kɨma wanji Israila kigbu ye ri Bachi Izhi mba. 17 Ari gbuchi hi kusi Izhi rimi wu ri gbengbren bibi riwa Iliya, Ari kɨma sron wa ti ye ri miri mba, nga ran kɨma wawa wana wo tre ran no wa hu to wa dindi ti, ran fe nji riwa wa mɨlan ki ri Izhi.

18 Imba Zakariya ka tre ri vren rindu Izhi-a ri, << Me ti rise meri to nganyi? Ga ame me kunchon, iwa ri ko won ngawen ti vi hari.>>

19 Imba ivren rindu Izhi ka tre riwu ri, << Ame me he Jibrilu ri ndu Izhi riwa a kri kusi Izhi, meri lawu tre dindi riwa ari ye ri wu. 20 Ingye ngha wu soŋgbi , wuran to tre ran, tse chachu riwa kyawa wanyi wa ti ritu riwa wuran kpa yɨme tre won ran, itre nyi ri he ri vi wan.>>

21 Inji wa ka ki ran gben Zakariya wari ku ti sisiri ko ngye nye ngɨzhi wu rimi tra bre. 22 Riwa a zhu ra, a ran to tre riwa ran. Imba waka to ri a he ra nye wa ti ri wu ri wu rimi tra Izhi, mba ka gra tsro ri wo ama a ran ran to tre rinyu ran.

23 Tse riwa ivi ndu Zakariya a kre, tse ka hi ko. 24 Kugon vi wamba, iwa wan Alisabatu ka he nne. Imba ran son rimi ko hari huwa ton, ran ran tre ri, 25 << Ka nyi yen Izhi a ti rimo rivi riwa a ya wen ri si lo sron, ritu wa a zhu rimon ri ya riwa a fe kusi nji.>>

26 Ri huwa ri tanren Izhi a ti vren ri nduwan Jibrilu hi ri meme Galili, riwa wayo ri Nazarat, 27 ri vɨranze riwa wa kau no nji riwa wana yo wu ri Yusufu, riwa a he wa gɨzhi Doda, inde vra kae Meriyamu. 28 Tse ivren rindu Izhi ke riwu, ran tre, << No sisiron no he riwu, a wu riwa wa chu wu! Bachi he riwu.>>

29 Ama Meriyamu ka ti sisiri bran ritu tre-a, a son ndu ri mɨren ri ichi bibitan nye nganyi. 30 Ivren rindu Izhi ka tre riwu ri, << Ran ti sisiri ran, Meriyamu, wu fe zon riwo Izhi. 31 Wuhe nne, wu ngɨzhi vren, wu yonde wan ri Yeso 32 Ari he riŋko, wa yo wu ri ivren Izhi rinkon riwa wana gbre wu san nde. Bachi Izhi ri no kpanchison riwa giwan Doda, 33 ari ngɨzhi wa gɨzhi Yakubu riwa a ran kre , ndu chu wan a ran kre ran.>> 34 Imba Meriyamu ka tre ri vren rindu Izhi, << Ari ti se ran he nganyi, riwa me ran to ronron ran? >>

35 Ivren rindu Izhi ka tre riwu ri,<< Iyu ri Tsitsri ri gɨzhi ritu wen, gbengbren nji riwa wa gbresan wan ri kau. Ritu kamba Tsitsri nji riwa wan gɨzhi u-a, wa yo-u ri ivren Izhi. 36 Ingye vayi wen Alisabatu ngawen a he nne hua tanren ri nji ri nchon wan, wawu riwa wa yo wu ri iwa ri wa a son ri wɨlo. 37 Ba tre Izhi riwa ari tre riwa a ran kri ran.>>

38 <<Imba Meriyamu ka tre,>> To ama me he gran riwa Izhi, no he bibi riwa Izhi tɨtr mo.>> Imba ivren rindu Izhi ka tsiri riwu.

39 Rimi vi wanyi Meriyamu a wurunde gbagbla, a hi ri meme riwa a ti tita, ri gbu ri meme Yauza. 40 A gra riko Zakariya ran chi Alisabatu. 41 Riwa Alisabatu a wo chi Meriyamu, Ivren nghe ka chu bran rimi nne wan. wa ka shu Alisabatu ri wu ri Tsitsri. 42 Hari ka nzu ran Gbangban ran tre, <<A wu wuhe wa ri alibraka rimi mba, ivren rimi nghe wen ngawen he ri alibraka! 43 Wati rise ko bibi ndindi ti nyin fe wen, hari riwa iyi Bachi ri ye ri me? 44 Ritu riwa me wo ran wen ri chi ri tonwon, tse ivren nghe ka ka chu bran rimi nghe won ritu kinklan sron. 45 Alibraka ri he ri wa riwa a kpanyɨme, don wa shu kyawa riwa Bachi a tindu no wa la riwu!>>

46 Imba Meriyamu ka tre:

<< Isron won ri gbre wu Bachi,

47 Izhi riwa a kpawen chuwo riwu nye Iyu won ri ti kinklan sron.

48 Ritu riwa wawu nye to kunyɨren wa ri ndu wan

Ingye gbunji wa nza wawu

Wa tre ri mo me he wa ri alibraka ku si viri.

49 Ritu wawu riwa a he ri gbengbren, Kyawa wa wa kpokpolo riwa a ti ri mo,

inde wan he Tsitsri nde. 50 Ri nzan hi ri nzan,

ari losron ri wawa wa ti sisiri wan. 51 Rigra kyawa riwa a ti,

Wawa wa sentu, wawa ri wiwɨri mba a vɨra wa.

52 A zhu ri wa chu ri kpanchimba.

Ran nzu wawa wa kunyiren.

53 Wawa iyon ri tiwa a no wa hwɨshi ri kyawa ama ran zu wawa wa he ri wo hi ngamba.

54 A zon wa ndu wan Israila,

Ritu riwa ari taka ri lo siron wan.

55 A shu tre wan riwa ti watimba,

Nga Ibrahi ri wa gɨzhi wan, riwa a ran kre ran.>>

56 Meriyamu ka son ri Alisabatu ti huwa tra, ko ran bru hi ko.

57 Ivi ngɨzhi Alisabatu a ti, ka ngɨzhi vren ron. 58 Tse wa kusan wan ri miri vayi wan waka wo bibi riwa Bachi a to lo sron wan bran, hari wari zon-u ti kinklan sron.

59 Riwa ivi ri tandɨra waka ye wari fon vren-a nzhu. Wana hi ran yonde wan ri nde tiwan, zakariya, 60 Ama iyi wan ka kawan iri,<< Yohana nye wa yo wu.>> 61 Waka tre riwu, << Ai injo ŋbi ran he ri bibi nde nyi ran.>>

62 Waka tsro tiwan ri bibi tre wa hanton, iri no de nde riwa ari wa nowa no vren- a. 63 Rimba ka tre riwa ri nowa no wawu kya ri ngha, mba ka ngha ri, << Inde wan he Yohana.>> Wawu mba waka ti sisiri. 64 Imba ka fe nyu irɨme wan kasi ran gbuchi ran tre ranran gbre Izhi. 65 Imba sisiri ka ti wa kusan mba wawu wa ka gra tre tre shu ko wɨji tan rimi gbu riwa a he ri tita ri Yudiya. 66 Wa nji wawu wa wo tre a wari ngɨzhi ri sron wari tre ri << Ingye nye vi vren nyin ri he ?>> Don gbengbren Izhi he riwu.

67 Imba Iyu Tsitsri ka shu tiwan Zakariya ka tre: 68 << Bachi Izhi riwa Israila, Riwu nye igibree,

Ritu riwa a ya nziri ran kpan Izhi wan chuwo.

69 A nzuu nji riwa ari kpawa chuwo ri Izhi riwa a he ri nkpen gbre ritu mbu,

Riwa a Juu ri gɨzhi gran wan Doda

70 Bibi rimiren riwa a zhu rinyu wawa wa la tre Izhi wan wa Tsitsri mba

71 A kpata chuwo riwo wa kpan fu mbu,

ita ri ri wawa wa kamba ri ta-

72 ritu tsro lo sron riwa a ti ri wa ti timbu

a taka tre riwa a kadzi rɨme ri Tsitsri ritu mba,

73 wawu nye he shiji riwa a ti ri timbu Ibrahi.

74 Ritu riwa a kpata ri chuwo riwo wa kpan fu mbu,

ki hu kiran ti sisiri ran,

75 tsede ri Tsitsri ri dindi ti kusi wan, wawu ri vi mbu.

76 <<A wu, vi vren nyin, wa tre riwu ri wuhe nji riwa wu la tre Izhi riwa wa gbre wu;

wu gbuchi hi kusi Bachi wuri mɨlan nkon wan ti,

77 la nji tre wan ri kpawa chuwo.

wato ika meme ti mba rega,

78 ritu ikpa lo sron riwa Izhi mbu,

ri shu nye ikpan ri bu mbre ri zhu rita rishu mu nye fa ari kpan ri ta,

79 ran kpan tsro wawa wa son ri mi bu.

ri wawa wa son ri nyu kuu,

don zhu rita ri nkon son sisiron.>>

80 Tse Yohana vi vren-a ka gbron ran senkpa rimi wu, a son ri ji hari chachu riwa ari tsro tuwan ri Israila.