1 Riwa ivi son vɨri a vuyɨba Meremu Magadaliya, nga Meremu iyi Yakubu, ri Solomi ngawen wa ka renye ri mɨwi raro riwa wa hi wa ri gban kpa Yeso ri wu. 2 Ri bubu mbɨre rimi vi ri gbuchi ri vi tangban ri mibrewaka he nkon ri hi bubu gru. 3 Waka miyen ngamba ri,<<Ingaa ri nyiin tita ri nyun bubu gru?>> 4 Ama riwa wa ndzu tu ya, wa ka to wa nyi tita riwa a wologa-a yo ri kusan. 5 Riwa wa ka gra ri bubu gru, waka to vren nze ri a suu tsro kinklan ran son ku wo ri, nga waka ti sisri.

6 Ka tre ri,<<Ran ti sisiri ran, bi wa Yeso nji Nazaret riwa wa kpan-u ri konkron-a nye. A tashɨme! A ran he ri nyi ran.Ya bubu riwa wa ka-u yo mba.>> 7 Ama hi, bi ri la miri ndu wan, ri Bitrus, <A gbuchi hi ri meme Galili ri yi. Ri bubu wan nye bi to-u bibi riwa a la yi.>>>

8 Imba waka ka bubu gru don ri tsu nga wari ti sisiri wari ran tre ri njo ri nkon ran ritu wa ran ti sisiri.

9 Kugon riwa Yeso a tashɨme ri vi ri gbuchi ri vi tamgban, a gbuchi tsro ngawan ri Meremu Magadaliya, riwa a zhu meme bɨzhi tangban zhu riwu ri kpa wan. 10 Wawu nye a hi ran la ri wawa wa he wawa nga wawa wa ran ti shnji sron nga wari ran yi. 11 Ama riwa wa wo ri Yeso he ri si riwa a to-u, wa kamba ri kpa nyɨme ri wu.

12 Kugon rimba Yeso ka zhu ri nji hari ri kpa kankankan riwa wa ran hi ri gbu ri. 13 Waka bru ye wa ri la ngbron mba, ama wawa ngawen wa ran kpa nyɨme ran.

14 Kugon rimba Yeso ka ye zhu ri miri ndu wan wurudon ri riwa wa ran ri ri; ka yɨra wa ngaa ritu ika kpanyɨme nga sentu mba ri kamba ri wo wawa wa to wawu kugon riwa wawu a tashɨme. 15 Rimba ka tre riwa ri,<<Hi rimi mgbumgblume wawu bi ri la tre ndindi ri nji wawu. 16 Inji riwa kpanyɨme nga wa son-u tu ri ima ari fe kpa chuwo, Ama nji riwa a kawan ri kpanyɨme ari so yaa. 17 Ngha wa ti kya wa de sisiri nyi ri wawa wa kpanyɨme ri nde won, wa zhu meme wu wa tre ri rɨme nkan-nkan; 18 Wa ban manzɨrama ri wo mba, ko bibi ima ntson bibi tan riwa wa so, a ran kpa wa time ran; wa ka wo mba sa ri tu nji riwa a ran he si kpa ran, ari fe si kpa.>>

19 Kugon riwa Bachi Yeso a nghɨron wa, wa ka ban wu hi shu wulu a ka son ri wo ri riwa Izhi 20 Imiri ndu wan waka hi wari ran la tre ndindi ri mgbumgblume, Bachi ka ran dzon wa, wa ran ti kya riwa a ri de sisiri riwa a no wa ran ti ri tre.