1 Chachu ri, ijɨbu nji wa bru ye kabrutu. Riwa wa ran he ri kya riwa wa ri ran, Yeso ka yo miri ndu wan ran la wa ri, 2 <<Me losron ri nji wanyi ivi ri tra luwa wa he ri me nga wa ran he ri kya riwa wa ri ran. 3 Ka me no wa hi ngamba ri yon, wari mba wa joku ri nkon ritu wari mba wa zhu ri nkon kpata.>>

4 Imiri ndu wan waka nyɨme wari tre ri,<<Ri tsutsu ji nyi ki fe ri ri minyi riwa ari ke jɨbu nji wanyi?>>

5 Yeso ka miyen wa ri<<Bi he ri jujuyɨmo bren waka tre ri.>>

<<Ngbɨre tangban.>>

6 Yeso ka la jɨbu nji-a ri no wa kuki ri meme. Ka ban jujuyɨmo tangban-a ran ndzu ban shu ran ngɨri ri Izhi, ran fran ga miri ndu wan waka kpa ran ga nji nga waka ga nji wawu. 7 Wa he ri vi lambe tsawen, ka ngɨri ri Izhi ritu lambe-a ngawen ran tre no wa ka ga nji. 8 Ko ngaa ka ri ran hwɨshi nga miri ndu Yeso wa tan zhuzhu wan riwa wa kadon ka shu rimi sisen tangban. 9 Inji wawa wa ri ri-a wa he ngo nza nga ka no wa hi ngamba, 10 Waka gra rimi mvu ima iwawa miri ndu wan wari hi ri Dalmanuta.

11 Farisa wa ye wari gra miyen Yeso ri wa wa wari tsra Yeso, wa miyen-u ri no ti kya riwa ari tsro gbengbren wan. 12 Yeso ka vri a chu vri ran tre ri<<Ritu ngye ko biyi nji wa nzan nyi bi wa bi ri to kya ri de sisiri? Kpunji tre me layi biyi nji wa nza nyi wa ran la yi ko kya ri ran.>> 13 Imba Yeso ka ka wa don ri bubu wan ran ka gra rimi mvu ima ran rugran hi k u gran ri wan.

14 Imiri ndu Yeso waka ti wulusu wari ran ngɨzhi jujuyɨmo bran ran ara ngbɨre riri gyen riwa a he rimi mvu ima. 15 Yeso ka gbi wa ton ran tre ri,<<Bi ti rere milan ya mumu ri kpa kpi tu riwa Farisa nga Hirudus.>>

16 Imiri ndu wan waka ran tre ri ngamba ri,<<Ka ritu riwa ki ran he ri jujuyɨmo nye ran ko ari tre nganyi?>>

17 Riwa Yeso a wo kya riwa wa tre ka miyen wa ri,<<Ingye ti ko bi tre ritu bi ran he ri jujuyɨmo ran? ye zizan bi ran to ran isron mbi he kpekpe? 18 Bi he ri si ama bi ran ri to tsu ran? nga bi he ri ton ama bi ran ri wo tre ri wu ran? Bi ran ri taka ran? 19 Ri vi riwa me chiwa jujuyɨmo ton no nji ngo ton-a bi vu mgbron wan shu rimi sisen bren? Waka nyɨme ri,>>

<<Sisen wuru don hari!>>

20 <<Ngha ri vi riwa me chiwa jujuyɨmo tamgban no nji ngo nza-a bi vu mgbron zhuzhu wan shu ri sisen bren?>>Waka tre ri,<<Sisen tamgban.>>

21 Yeso ka bru miyen wa ri,<<Ye zizan bi kambi ran to ran?>>

22 Riwa Yeso wa ye zhu ri Batsaida nji wa ri wa ngɨzhi nji ri mfyen ri ye ri Yeso wari bre wu ri no ibrenji ri mfyen a wo no fe to tsu. 23 Yeso ka vu wo nji ri mfyen ran ngɨzhi-u hi ri kugon gbu ban wo sa-u ran miyen-u ri,<<Wu to kyari zizan?>> 24 Inji ri mfyen-a ka nzu si ya ran tre ri,<<Me to nji ama wa he ka konkron wa zren.>>

25 Yeso ka bru sawo ri nji-a ri sii nganga nji-a ka bu si ya ran to ko ngye ka kpan. 26 Yeso ka la-u ri no kɨma hi ko ran la-u ri no bru hu ku vi gbu ngaran.>>

27 Riwa Yeso nga miri ndu wan wa he ri nkon hi meme Kaisariya Filibi, ri nkon riwa wa ran hi Yeso ka miyen wa ri,<<Inji wa ban wen ri me he ngaa nye?>>

28 Waka nyɨme ri,<<Wari wa tre ri wu he Yohana nji ri son nji tu ima nye, nga wari wa tre ri wu he iri rimi wa la tre Izhi nye.>>

29 Yeso ka miyen wa ri,<<Ko biyi bi tre ri me he ngaa?>>Bitrus ka tre ri,<<A wu wu he Kristo nye.>>

30 Yeso ka fen wa ton ri no wa ran la njo kya ritu wan ran.

31 Imba Yeso ka gra tsro miri ndu wan bibi riwa ivren nji ri so yaa bran bran nga wa wa rinkon gbu, rinkon wa sro yii,ri wa tsro doka Musa wa kamba ri wu nga wa wu-u ari ti vi tra ran tashɨme. 32 Yeso a tre tre nyi ri riri nga Bitrus ka hu hi ri gran ran ka si tre.

33 Ama Yeso ka ndzu si ya mgbron miri ndu wan ran tre Bitrus ri,<<Tsirinkon don wen a wu meme nji!>>Ran tre ri irimɨren wan he wa nji a ran wa Izhi ran.>>

34 Imba Yeso ka yo jɨbu nji ye kabru ri miri ndu wan ran la wa ri,<<Inji riwa ari wa ran hu wen, no kawan ri ngawan ran ban mkpon konkron wan ran hu wen. 35 Inji riwa ari wa ran kpa nga wan chuwo a ran fe kpa chuwo ran, nji riwa a hon vri wan ritu won nga ritu tre raro-a, ari fe kpaa chuwo. 36 Ingye nye ri he bi wan ka wu fe kongye ri mgbumgblume nyi wu ri ran fe vri ran? 37 Ingye nye nji ri to de ri nyu vri wan? 38 Inji riwa a tishan won ran tishan tre won ri nzan nyi riwa a ran ri ngɨzhi to Izhi riwa wa ran to-u ran, nga ti meme ti bran, ame ivren nji me tishan wen ngawen ri vi riwa me ye ri mkpen ti won ri miri ko Izhi wa tsitsri.>>