1 Rimba Yeso ka ka Kafanahum don ran hi kugran Yodan inga ijɨbu nji wa bru kabru ri wu ka ran tsro wa bibi riwa a si ti

2 Farisa wari waka ye ri wu ritu wari tsra-u, waka miyen-u ri,<<Bibi riwa a he ri doka Musa ari bi no nji no dzu wa wa wan?>>

3 Yeso ka nyɨme wari<<Doka ritan nye Musa no yi?>>

4 Waka la-u ri,<<Musa la ri nji to ngan mbe ri wuu gran no wa wan ran dzu no hi nga wan.>>

5 Yeso ka tre wa ri,<<Ritu sentu mbi nye Musa ngan doka mba ri yi, 6 ama ri mimɨlan ti wa kyawa wa mgbumgblume,< Izhi a ti wa iwa mba ronron.> 7 <Ritu ngamba nji ri ka tiwan nga yi wan don ran ka ngawan ngan ri wa wan.>> 8 Ri mba hari mba wa he riri a ran he ka wa hari ngaran.>> 9 Ritu ngamba, ikya riwa Izhi kawa kabru, no njo no ran ga wa ran.

10 Riwa wa he rimi ko imiriko wan waka miyen-u ritu tre nyi. 11 Yeso ka tre wa ri,<<Inji riwa a ka wa wan chuwo ran kpa wari nkan, ari ti meme ti ri kru ri wa riwa a ran he wama ran-nye mba. 12 nga inde iwa ka ron wan don ran gran ronron ri nkan ari ti meme ti ri kru ri ronron riwa a ran he wa ma ran nye mba.>>

13 Inji wa sondu ngiji miri wa tsitsa ran ye ri no Yeso ti lɨbu ndindi sro wa, ama imiri ndu wan wa ka ven ri wa. 14 Riwa Yeso a to ngamba ran ti fu ri wa ran tre ri,<<Ka miri wa tsitsa chuwo no wa ye ri me, ran dzu wa ran ritu kpanchi riwa zhi he wa bibi mba nye. 15 Kpunji tre me layi, nji riwa a ran kpa kpanchi Izhi bibi riwa ivren tsitsa ri ti ran, a ran gra rimi wan ran.>> 16 Imba ka vu miri-a ran ran bre wa wo, ran ran ti lɨbu ran sro wa.

17 Riwa Yeso a hi ran hi ri Urushalima, ivrenze ri ka wurutsu ye kɨbu mgbazhu kusi wan ran miyen-u ri,<<Inji ri tsro ndindi, me ti se ko me rivri riwa a ran kre ran?>>

18 Inba Yeso ka miyen-u ri,<<Ingye ti ko wu tre ri me he nji ri ndindi? Injo ran he ndindi ran ara Izhi nye he ndindi ri nkankshe. 19 Wu to wa doka riwa wa tre:<Ran wuu nji ran ran waa wa njo ran ran yibi ran, ran la kya riwa wuran to-u ran, ran sen njo ran,no ti wen mba yii wen mkpen.>>>

20 Inji-a ka tre ri,<<Inji ri tsro me ti wamba ka me he vren.>>

21 Yeso ka ya-u ri ya ri nyime ran tre ri,<<Ikya riri nye don riwu. Hi wu ri reri kyawa wawa wu he ri wa wuri ga wa wa wa ran he ri kya ran wu fe kyawa kigbu ri shu ko wuri ye hu wen.>>

22 Riwa nji-a a wo ngamba isron wan ka time, ka hi ngawan ri shnji sron ritu a he nji riwa a he ri wo bran bran.

23 Imba Yesu ka ya miri ndu wan ran tre ri,<<Ari he hwiri ri nchon nɨma no gra ri bwo yɨbe riwa wawa wa he ri wo no wa gra ri ko Izhi!>>

24 Imiri ndu wan waka ti sisiri tre-a ama Yeso ka bru tre riwa ri,<<Biyi miri won, ari he ri yaa bran riwa nji no gra ri ko Izhi! 25 Ari he ri yaa no gra ri bwo yɨwe riwa nji ri wo ri gra ri ko Izhi.>>

26 Ri wo nganyi imirindu Yeso waka ti sisri, wari ran miyen ngamba,<<Inde ngamba nye, ko ingaan nye ri jɨbu?>>

27 Yeso a ya wa ran tre,<<Rinyi ri nji, ari he ri yaa, ama ri Izhi ari he hwɨri.>>

28 Bitrus ka nzu raan ran tre ri,<<Ki ka ko ngye mbu chuwo kiri hu-u.>>

29 Yeso ka tre ri,<<Inji riwa a ka ko wan don ka imiri vayi wan, ka iyi wan ka iti wan, ka imiri wan ka wa zhu wan ritu won nga ritu tre won ri raro, 30 ikya riwa ari fe ri nzan nyi, ari han mkpa ngo-ri riwa wa ko, ri miri vayi, ri wa ti, ri miri, ri wa zhu, ama ri yaa ri ngamba ri vi riwa ari ye ari fe vri riwa a ran kre ran. 31 Inji kigbu wawa wa he wa gbuchi wa he wa kugon nga wa kugon wa he wa gbuchi.>>

32 Yeso nga miri ndu wan wana hi Urushalima Yeso a gra kusi mba, waw wa ran hu waka ti sisiri ka bru ŋeren wuru don hari-a ran gbuchi ran. 33 Yeso ka tre ri,<<Ki hi Urushalima wa ka ka vren nji ree ri wa rinkon nga wa tsro tre doka wa bla tre ri kuu ri wu wari ka-u reri wawa wana to Izhi ran, 34 Wa tiu ndan wari junten sro wari tsi ri gbagba, wari wuu-u ama kugon vi tra ari ta-shɨme.

35 Imba imiri Zabadi Yakubu mba Yohana waka ye ri Yeso wari tre ri,<<Inji ri tsro ki wa kiri bre wu kyari.>>

36 Yeso ka tre ri,<<Bi wa me ti se ri yi?>>

37 Waka tre ri wu ri,<<Ki bre wu iri kpanchison wen ri mkpen, no ri mbu no son kuwo ri wen, nga ri ka son kuwota wen.>>

38 Ama Yeso ka tre ri wa ri,<<Bi ran to kya riwa bi bre ran bi to ri vaghon ri yaa riwa me so-a? Ka bi ŋɨwen no wa son yi tu ri ima bibi riwa wa ti ri mo?>>

39 Wa ka kpanyɨme riwu ri,<<Een ki to ti.>> Yeso ka tre riwa,<<Bi so ri vaghon riwa me so Ngha wa son yi tu ri ima bibi riwa wa son wen, 40 ama ison ri kuwota ri kuwori won ran he gbengbren wamon ran bubu nyi he ri wa wa ka-u dzi ri wawa wa ka dzi wa nye.>>

41 Riwa ngbron imiri ndu Izhi wuru-a wa wo tre-a waka ti fu ri wa Yakubu mba Yonana. 42 Yeso ka yo wa ran tre ri wa ri,<<Bi to ri wana he nji Yahuda ran, wawa wa to wa ri kpanchi wa si tsro wa nji mba gbengbren, wa rinkon mba ngawen wa tsro wa nji mba gbengbren. 43 Ama a ran he ngamba nye ari he ri tsutsu mbi ran, ri ngamba nji riwa ari wa ran he rinkon rimi mbi no he nji riwa ari ti ndu ri yi, 44 nga nji riwa ari wa ran he rinkon rimi mbi no he gran ko ngan. 45 Ivren nji ran ye ritu no wa ti ndu ri wu ran ama ritu riwa ari ti ndu ri nji nga a de ngawan ritu ran kpa nji chuwo iwawu.>>

46 Riwa wana zhu ri Yeriko wawu iwa miri ndu wan nga mgbron nji kigbu, nji ri mfyen ri ka son ri kusan nkon ran ran ibrekpi inde wan a he Batimawus, ivren Timawus. 47 Riwa a wo ri Yeso nji ri Nazara ri ye ran ndzu ran tre ri,<<A wu Yeso vren Doda to lo sron won!>>

48 Wari waka yira ngan iri no son gbi, ama ka kawan ran nzu ran ran tre ri,<<Ivren Doda to lo sron won!>>

49 Imba Yeso ka kukri ran tre ri,<<Yo-u ri mon yi>>Waka yo nji ri mfyen wari tre riwu ri,<<Ŋgiri wulunde, Yeso ri yo-u.>> 50 Imba ka ran wɨro wulunde ran ka tsro ri ka mbɨzhuu wan taga ran ye ri Yeso.

51 Yeso ka miye ri,<<Wu wa me ti ngye ri wu.>>

<<Inji ri mfyen-a ka tre ri, Inji tsro me wa men to tsu.>>

52 Imba Yeso ka tre ri wu,<<Hi ngawen ikpanyɨme wen kpa-u chuwo.>>Ri bubu ka to tsu meron ra hu Yeso waka hi ngamba.