1 Kugon vi hari, riwa Yeso a bru hi ri kafarnaum, nji waka wo iri a ye ko. 2 Imba nji kigbu waka kabru sho kokutan, nkon ri hu ka ran he ran kau ri ran ngawen, nga Yeso ka ran bla tre Izhi ri wa. 3 Inji wari waka ye ri wu wa ngɨzhi nji ri lilo klukpa ye ri wu, wawa wa ban wu ye wa he nji nza. 4 Ritu nji wa kigbu ri wu wa ran fe nkon riwa wa hi hure ri wu ran, ri ngamba waka hon tu tra riwa Yeso a he rimi wan, wa ruu tu tra-a waka gra ri nji ri lilo klukpa wari ka-u yo ri tu blaa wan ri kru-a. 5 Riwa Yeso a to kpanyɨme mba, Yeso ka tre ri nji ri klukpa-a ri,<<Ivren won, wa ka meme ti wen rega ri wu,>>

6 Wa tsro doka Musa wari wawa wa ki ri bubu wan waka ran rimɨren ri sron mba ri, 7 <<Ritu ngye ko nji nyi ri tre meme ritu Izhi? Ari tsri Izhi nye nji ri tsitsri riwa ari to ka meme nji rega?>>

8 Ri bubu wan Yeso ka to kya riwa wa rimɨren ritu wan ri sron mba nga ran tre wa ri,<<Ritu ngye ko bi rimɨren bibi mba? 9 A he hwɨri riwa wa tre ri nji ri lilo klulpa-a ri,<Wa ka meme ti wan rega ri wu > Ka wa tre<Wulu kri nde ban kpala wen wuri zren?>> 10 Yeso ka tre ri nji ri lilo klukpa ri me no yi to ri ivren nji he ri gbengbren ri ka meme ti rega ri mgbumgblume.>> 11 Me la-u wulu kri nde ban blaa wen wuri hi ko! 12 Riwa wa ki ran ya nji-a ka wulu kri nde, ran ban blaa wan ran hi ngawan a nzu wa sron wawu mba waka gbre Izhi, ran tre ri<<Ki ran to bibi kya nyi zari ran!>>

13 Yeso ka bru hi ri nyu nne Galili Ijɨbu nji wa ka ye ri wu nga ka gra ri tsro. 14 Riwa Yeso a ran hi, ka to Lawi ivren Halfa a son ri bubu riwa wa kpa nkran ri meme Yeso ka tre wu ri,<<Hu wen.>>Ngha Lawi ka wulunde ran hu.

15 Riwa Yeso a ran ri ri ri yawulu ri ko lawi wa kpa nkren ri meme kigbu nga, Wa meme ti Wa ran ri ri ri wu nga miri ndu wan, ritu wari kigbu rimi mba wa he wawa wa hu. 16 Riwa wa tsro doka wawa wa he Farisa wa to-u a ran ri ri ri wa memeti Ngha wa kpa nkren ri meme wa miyen miri ndu Izhi<<Ritu ngye ko ari ri ri ri wa kpa nkren ri meme nga wa meme ti?>> 17 Yeso a wo wa ran tre ri,<<Inji wawa wa he si wa ran ri hi tra gbugblu ran ama tsede wawa wa ran he si ran me ran ye bubu yo wawa we ti tsra ran ama wawa wa ti meme ti.>>

18 Chachu ri imiri ko Yohana nji ri son nji tu ri ima nga wa nji Farisa wa ran vula ima nji wari waka ye wari miyen Yeso ri,<<Ahe rise ko imiri ndu Yohana nga Farisa wa vula ima, ama iwa me wa ran ri vula ima ran?>>

19 Yeso ka tre wa ri,<<A ri he se no wa kpan nji ri ro wa no wa vula ima ka a he ri wa? wa ran vula ima ran, tunde ari he ri wa. 20 Ama wari ye riwa wa ban nji ri ro wa-a zho ri wa ri vi wan nye wa vula ima.

21 <<Inji ran tindu ri ŋɨma tsro ri sisa ran wuran ngaan ri tsro ri kɨmo ran ka a ti ngamba iŋɨma ri sisisa-a ri ŋɨren zho ri kpa ri kɨmo-a ran kpa ri kɨmo-a meme ri bubu ya. 22 Injo ran sro nfri rimi vaja riwa wa sro hi rimi wan ran, ritu ihi ri kpa vaja-a yɨra nga ri vaja-a nga hi-a wa rega. Tsede no wa sro nfrɨi rimi vaja ri sa.>>

23 Chachu son vri ri Yeso iwa miri ndu wan wa ran zren rimi zhu alikama, imiri ndu wan waka wɨro wɨlo alikama-a ran tan. 24 Farisa waka tre ri Yeso ri,<<Ya, ingye ti ko wa ti kya riwa a ran tsra ran chachu sonvri?>>

25 Yeso ka tre ri<<Bi ran kra kya riwa Doda a ti ka wawu nga wa kpan riwa iyon a ran ti wa nga wa ran wa kya ri ri ran? 26 Ri vi Abiyatar rinkon wa ndu Izhi a gra ri ko Izhi ran ri jujuyɨmo ri tsitsri riwa wa ka dzi ri rinkon wan n ndu Izhi nga ran fon wari no wa kpan ndu wan.>>

27 Imba ka tre wa ri,<<Wa ti vi ri son vri ri nji nye, a ran nji ri vi ri son vri ran. 28 Ivren Nji he Bachi ka hu ri riwa vi sonvri ngawen.>>