1 Imba Yeso a ka bubu wan don ran hi ri gbu wan, imiri ndu wan waka hu hi. 2 Riwa ivi sonvri ka ye, Yeso ka gbuchi ri tsro rimi tra bubu kabrutu nji Yahuda, nga riwa wa wo-u, waka gra ti sisiri wari ran tre ri,<<Inji nyi fe kyawa wa nyi ri minyi nye,<<Wiwiri bibi tan nye wa no riwa ari ti bibi kyawa wa de sisiri nyi ri wu? 3 Aran he nji ri kpan ko-a nye ran? A ran he vren Meremu nga vayi Yakubu ri Yusufu Yahuda nga Sima a ran miri vayi wan miri mba nye wa he ri ta rinyi ran,>> Imba waka ti fu ri wu. 4 Yeso ka tre ri wa ri <<Wa no wa la tre Izhi mkpen ri ko kutan ara ri gbu wan ri miri vayi wan nga rimi ko wan nye wa ran ri no mkpen ran.>> 5 Yeso ka tre riwa ri <<Wa no wa la tre Izhi mkpen ri ko kutan ara ri gbu wan ri miri vayi wan nga rimi ko wan nye wa ran ri no mkpen ran.>> 6 Yeso a ti sisiri ritu riwa wa ran he ri kpanyɨme ran.

Imba Yeso ka gra ri gbu ri gbu ran ran tsro. 7 Imba Yeso ka yo miri ndu wan wuru don hari ran ti wa ndu wan hiha, ran no wa gbengbren ritu meme wu. 8 Ka la wa ri,<<Ran ban kyari ngɨzhi ritu hi zren mbɨ-a ran ne, ara kpala, ran ban kpo ri bre nkren ran, ran ban ri ran nga ran ban ko nkren ka ri kpo mbi ran. 9 Ama bi son ntan dza ka kre, ran ban tsro ri yonga ri riwa bi sun ri kpa ran. 10 Iko riwa bi gra rimi wan bi ka ki ri bubu wan hi ri vi riwa bi ka gbu don. 11 Bubu riwa bi hi wa kamba ri kpa yi, ko wa kamba ri wo yi, bi ka ka bubu wan don bi ri kpo meme ri mgbazhu mbi rega ri bubu wan ritu no he fen ton ri wa.>> 12 Nghamba nye wa wulunde wari gra la tre Izhi iri no nji no wa ka meme ti mba chuwo. 13 Wa zhu ri meme bɨzhi bran nga wari den wa lilo, wa gban nye ri tsitsri ri wa waka fe sii.

14 Ichu Hirudus a wo tre-a riwa a shan ban kokutan. Wari wa tre ri,<<A he kɨmo Yohana nji ri son nji tu ima nye wa tashɨme ri kuu, ritu wan nye a he ri gbengbren ri ti wa kyawa wa de sisiri mba. >> 15 Wari wa tre ri,<<A he iya nji ri la tre Izhi nye.>>Ngha wari wa bru tre ri,<<A he nji ri la tre Izhi ri nkan rimi wa la tre Izhi wa sen nye.>> 16 Riwa Hirudus a wo tre-a ka tre ri,<<A he Yohana nye riwa me hwen-u tu-a nye wa ta shɨme ri kuu.>> 17 Hirudus ri tuwan a no wa wa vu Yohana nga ran lo-u yo ri tra tren. Hirudus a ti nga nyi ritu Hirudiya, iwa vayi wan Filibu, riwa wawu Hirudus a gran wu. 18 Ritu Yohana a ran la Hirudus ri sen iri,<<A ran bi riwa wu gran wa vayi wen ran.>> 19 Hirudiya a he ri fu Yohana rimi sron wan, riwa a ran wa ran wuu Yohana ama a ran fe nkon ran, 20 ritu Hirudus a ran ti sisiri Yohana, a to ri a he nji ri dindi ti nga nji ri tstsri, nga ran milan-u ngɨzhi. A sondu ran suu Hirudus sron ka a wo Yohana ri tre ri wu ama ka hu ri nga mba a ran sii-u sron ka a wo tre wan. 21 Ri kre wan Hirudiya a fe nkon chachu taka vi ngɨzhi Hirudus, a ro ritu wa hakimi wan ri wa chu, ri wa rinkon wa klukpa wan nga wa rinkon wa gbu Galili 22 Riwa ivra Hirudiya a gra ran nglu ri kusi Hirudus nga wa tsren wan. Ichu Hirudus ka miyen vra-a ri<<Ingye nye wu wa me ti ri wu? kongye riwa wu miyen, me ti-u ri wu.>> 23 Kau ri shizhi ichu a shi ri vra-a ri,<<Ko ngye riwa wu miyen me no-u, ko ran he iŋɨma kpanchi son won nye.>> 24 Ivra-a ka zhu hi raa ran miyen yi wan ri,<<Ingye nye me miyen,>> Iyi wan ka tre ri,<<Miyen tu Yohana nji ri son nji tu ri ima.>>

25 Ri bubu wan ka wulutsu bru hi ri chu ran ka la-u ri,<<Me wa zizan-en wuri no wen tu Yohana nji ri son nji tu ri ima rimi bibɨre!>> 26 Ri wo ngamba, ichu ka ti shnji sron bran, ama ritu shizhi riwa a shi nga ritu wa tsren wan-a a ran wa ran ka ŋyo-u ran. 27 Ka ti nji ri ndu wan ndu hi iri no hi ran ngɨzhi tu Yohana ye, nji-a ka hi ran ka hwen tu Yohana ri tra tren, 28 a ngɨzhi-u rimi bibɨre ye ran ka no vra-a, wawu vra-a ka kpa ka no yi wan. 29 Riwa miri ndu Yohana wa wo ngamba, waka ye wari ban kɨmo Yohana hi ka no yɨbi.

30 Wa ndu Yeso wawa a ti wa ndu ri sen wa kɨma hi ri wu wari la kya riwa wawa wa ti nga kya riwa wawa wa tsro. 31 Inji kigbu wa ran ye wari ran hi riwa wa ndu wan a ran fe nkon riwa wa ri kya ran, Yeso ka la wa ri.<<Biyi ye ki hi ki ri bubu riwa njo ran he ri bubu wan ran, ritu bi ri son vri tsawen.>> 32 Imba waka gra ri mvu ima wa ri hi ri bubu riwa injo ran he ri bubu wan ran ara wawa nkankshi mba. 33 Ama riwa wa ka bubu wan ran don nji wari kigbu waka to wa tse wari hu ri kutu gashi wari ran tsutsu ri dza zhu ri wa gbu wari ka zhu ri bubu wan ko wawa. 34 Ri zhu Yeso ri bubu wan tse ka to ijɨbu nji wa ki ri bubu wan nga waka loo sron, ritu wa he ka intɨma wawa wa ran he ri nji ri kɨshu wa ran ka gra ri tsro wa kyawa kigbu. 35 Ri zhu Yeso ri bubu wan tse ka to ijɨbu nji wa ki ri bubu wan nga waka lo sron, ritu wa he ka intɨma wa wa wa ran he ri nji ri kɨshu wa ran ka gra ri tsro wa kyawa kigbu. 36 Ama Yeso ka nyɨme wa ran tre ri, Biyi no wa kya riwa wa ri wa ka tre wu ri ki hi reri ri nkren kigbu riwa wa ndu nyi kiri ka no wa ri?>> 37 Ama Yeso ka nyɨme wa ran tre ri,<< Biyi no wa kya riwa wa ri >>Wa ka tre wu ri, <<Ki hi reri ri nkren kigbu riwa wa ndu ri hwa tandra nyi kiri ka no wa ri?>> 38 Yeso ka tre ri wa ri,<<Jujuyɨmo bren bi he ri wu?Hi bi ri ya to, riwa wa ka ya wa ye la-u ri, jujuyɨmo hari nye nga lambe hari.>> 39 Imba Yeso ka no miri ndu wa no wa no nji no wa kuki ri tu shushu giga ri gbu gbu. 40 Imba waka kuki ri gbu ri gbu, wari wa he ngbɨre gbigba ri nga wari wa he ngbɨre seton.>> 41 Yeso ka ban jujuyɨmo ton-a nga lambe hari-a ran nzu-u ban shu, ran ngɨri ri Izhi, ran fran ran no miri ndu wan wa ngɨzhi hi ran ga nji nga ran ga lambe hari-a wawu ri nji. 42 Ijɨbu nji-a waka ri wari hwɨshi, 43 hari wari tan zhuzhu wan shu rimi sisen wuru don hari. 44 Inji wawa wa ri ri-a wa he ronron ngo ton nye.>>

45 Ri bubu wan Yeso ka no miri ndu wan wa gra rimi mvu ima wari gbuchi rugran nne ran hi ri Batsaida. 46 Kugon riwa a no wa jɨbu nji-a hi ngamba, ka hon ri tu gashi riwa ari bre Izhi. 47 Riwa yawulu a ti, mvu ima-a ka he ri tsutsu ima nne-a, nga Yeso ka he ritu gashi nkankshi wan. 48 Riwa Yeso a to miri ndu wan wa ran so yaa ri tru mvu ima ritu ngungu a ran fu wa, a he ri bubu mibrenye, nga wa to-u a ri ye ri wa, a ran zren ri tu ima nne, ka ti zhu ka ari vu wa yɨba. 49 Ama riwa wa to-u ari zren ri tu ima tse waka yonga a he zhinji nye waka kpagro. 50 Ritu wawu mba wa to-u wari ti sisiri. Ri bubu wan Yeso ka tre ri wa ri <<Vu sron ran ti sisiri ran a he ame nye.>> 51 Imba Yeso ka gra ri wa rimi mvu ima-a nga ngungu-a ka ku kri. Tse sisiri ka ti wa wawu mba, 52 ritu wa ran to tu no nji ŋgo ton jujuyɨmo nga lambe-a ran, isron mba a ran to tu tre wan ran. 53 Riwa wa Yeso nga miri ndu wan wa ru gran nne-a waka hi gɨzhi ri gbu Janisarat, wari lo mvu ima-a ri nyun nne. 54 Ri zhu mba rimi mvu ima-a ri bubu wan nji waka to iri a he Yeso nye. 55 Waka sondu ran tsutsu ri ko kutan ri gbu wari sondu ran vu wa lilo rimi bubu kru mba ran ye ri bubu riwa wa wo ri Yeso he ri bubu wan. 56 Ngha ko kutan riwa Yeso hi ri vi gbu ka nchon gbu, ko ri zhu nji wa vu wa lilo mba hi ri bubu richu wari ran bre Yeso ri no wa lilo-a no wa bre wo ri nyu tsro wan, wawa wa bre wu wo wa fe sii wa wu mba.