1 Imba Yeso ka tre rimi kɨbu tre ri,<<Inji ri a he riwa a chu konkron mbwa rimi rɨma wan, ran ti jaa ka-u ran shi juju riwa ari shiwi ima klo konkron-a ri mi wan, nga ran me vi tra riwa a dzen ritu gben. A ka zhu-a no wa ron wari no wa ran ran ron ngawen ri, imba ran hi gbu ri. 2 Riwa ivi ri ken klo konkron ri ro a ye, nji riwa a no wa rɨma no wa raan ron-a ka ti vren ko wan hi ri wawa wa kpa rima ri ron-a iri no wa hi kpa klo konkron inabi-a ye no wawu. 3 Ama wawa wa kpa rɨma-a waka vu wari tsi wari tru bru hi ri wo kuklu. 4 Imba ka bru tru vren ri ko wan ri hi ri wa waka tsi dzu tu wari no shan. 5 Inji ri rɨma-a ka bru ti vren ri ko wan ri hi wanji wa-a waka wuu. Nghamba ka ti wari kigbu hi wawa wa ri zhu-a waka tsi wari wuu wari mba.

6 Hari zizan ka don nji ri riwa a he mgbala vren wan riri ri kremkpen wawu, ran tre ri wa ri,<Wa to mkpen vren won.

7 Ama wawa wa kpa zhuu-a wa ka tre ri ngamba ri,<Ye ki wuu no gado ti wan no kri rita, 8 Waka vu wari wuu, wari ban kɨmo wan taga kugon gɨzhi riwa wa me kagon zhuu-a.

9 <<Yeso ka miye wa ri, Ko nji riwa a no wa zhuu-a ri ti se?>>Ari ye ran wuu wawa a ran ka rɨma no wa-a ran ka rɨma-a no wari nkan. 10 Ashe bi ran kra mbe riwa wa ngan ri,

<Tita riwa wa mme wa kamba ri wu

wawu nye he ri ndu rimi mme han iwawu.

11 Rinyi he iti Izhi nye,

a he kya ri sisiri nye kusi mbu.>>>

12 Imba wa rinkon nji Yahuda waka wa nkon riwa wa vuu ritu riwa wa to ri ari tre tre ritu mba nye, ama wa ti sisiri nji ri ngamba nye waka chu wo wari hi ngamba.

13 A he chachu ri, waka ti Farisa wari ri wanji Hiridus, iri no wa hi wari wa-u ri tre bibi riwa ari yɨwa nyu. 14 Riwa wa ye zhu, waka tre ri wu ri,<<Inji ri tsro ki to wu he nji riwa a he ri kpunji nye, wa nji wawu wa he riri ri wu wu ran ri ya mkpen nji ri han nji ri ran wu tsro tre nkon Izhi ri kpunji, la ta a bi no ta ki han nkren meme ki no kesra riwa a he nchon chu ri roma ka a ran bi ran ki han, ka kiran han ran?>> 15 Ama Yeso ka to meme ti mba riwa wa he riwu rimi sron mba ran tre riwa ri,<<Ingye ti ko bi wa no wen me yɨba nyu? Ngɨzhi nkren riwa bi han nkren meme ye me to.>> 16 Waka ngɨzhi nkren ri ye no ka miyen wa ri,<<Iyu nga nde nga nye ri kpa nkren-a >>Waka tre ri wu ri,

<<A he wa kesra nye.>>

17 Imba Yeso ka la wa ri,<<Ka kya riwa a he wa kesra no kesra bi ri ka kya riwa a he wa Izhi no Izhi.

Imba itre-a ka no wa sisiri bran.>>

18 Imba wanji Sadukiyawa wari wawa wa tre ri itashɨme ran he ran, Yeso ka miye-u ri. 19 <<A wu nji ri tsro, Musa ngan ri ta ri ka vayi nji kuu ka waa wan don a ran ngɨzhi ran, vayi wan ka ban wa vayi wan ti waa wan ran ngji miri ri vayi wan riwa a kuu-a. 20 Inji wari wa he riwa wa he miri vayi ngamba wa he tamgban. Ri gbuchi a gran waa, a kuu ka wa wan don ri wɨlo. 21 Ri han ka kpa wa-a wawu ngawen ka kuu ba vren, ri tra wan ngawen a he ngamba. 22 A he ngamba tatamgban mba iri a ran ka vren don kugon ran ikre wan iwa-a ka kuu. 23 Ka wa tashɨme ari he waa ngaa rimi mba? Riwa wawumba wa gran wu.>>

24 Imba Yeso ka kpanyɨme ri wa ri,<<Ai, irimɨren mbi ran tsra ran ritu riwa bi ran to ingan tre riwa Izhi ran nga biyi bi ran to gbengbren Izhi ran. 25 Ri vi riwa wawa wa kuu wa tashɨme ronron wa ran gran ran, nga mba wana ka wa de ri gran ran, ama wa he ka wandu Izhi wawa wa he ri shu nye. 26 Ritu tre tashɨme-a ko bi ran kra to zari ri mbe Musa ran wa ngan ri mimilan tre konkron shushu riwa ari wulu ri,<Ame nye me he Izhi riwa Ibrahi ri wa Ishaku nga riwa Yakubu? 27 Wawu he Izhi riwa ari viri a ran he Izhi wa kuu ran bi yɨba nchon si.>>

28 Inji riwa ari tsro doka ri a ye ka wa jannyu ri ngamba. Riwa a to ri Yeso no wa nyime riwa a tsra ka miyen-u ri,<<Doka ritan nye riwa a han ngbron mba iwawu?>>

29 Yeso ka kpanyɨme riwa ri,<<Doka riwa a bran han nye he ri no yi<Wo wen biyi israila Bachi Izhi mbu a he Bachi riri nye. 30 Nyime ri Izhi wen ri sron wen wawu, ri dri wen wawu, ri rimɨren wen wawu nga ri senkpa wen wawu.>> 31 Riwa a bran he rinyi he ri, nyime kpan son wen bibi riwa wu nyɨme ngawen>Doka ri ran he riwa a han doka wanyi ran.>>

32 Imba nji riwa ari tsro doka ka tre ri Yeso ri,<<A wu nji riwa wu la tre-a tsra Bachi he riri nye njo ran he ran ara wawu. 33 No wa nyɨme-u ri dri iwawu, nga rimɨre ri senkpa iwawu, wuri nyime ngawen, rinyi han bibi sroyi riwa huhu nga ti wa wa han.>>

34 Riwa Yeso a to ka nji ri tsro doka tre ri wawu ri tre ri wiwɨri ran tre ri wu ri, <<Wu he kusan kpanchi riwa Izhi ri shu.>>

Kugon rimba njo a ran vu sron ran bru miyen-u miyen ri ngaran ri ngaran,

35 Riwa Yeso a ran tsro wa doka, ka miyen wa ri a tise wari tre ri Kristo he vren Doda nye? 36 Doda ri tu wan, dzu riwo Yuu Tsitsri a tre ri,<<Bachi a tre ri Bachi won ri kuson ku wori won tse me ka yo ri wo wa kpan fu wen> 37 Doda ri tu wan a yo Kristo ri,<Bachi.>Ko Kristo ri tise ko ran he vren Doda?>>

38 Rimi tsro wan Yeso a tre,<<Ti rereri wawa wa tsro doka wawa wa he wawa wa wa su tsro wa ri bran wari ran ŋren kagon wa waa no nji no wa ran chi wawa rimi richu. 39 Ngha wa wa no wa ran no wa bubu son wa ndindi rimi tra Izhi nga ri bubu riwa nji wa kabru ran ri roo. 40 Wawa wa he wawa wa wa wari ri kpi mba wawa wa ron mba wa kuu wari ri wa wari bre Izhi ban vi ritu no nji don ka wawa a wa no wa yaa riwa a bran han.>>

41 Riwa Yeso a son rimi tra Izhi ri kpati riwa wana sro de a ran ya bibi riwa wana sro nkren kigbu. 42 Imba iwaa ri riwa a he waa ri yaa iron wan a kuu a ye riwa ari sro mgibrenini hari riwa wana tsra ri kubu riri ran 43 Imba Yeso ka yo miri ndu wan ran tre riwa ri,<<Kpunji tre me la yi, ikya riwa iwa ri yaa nyi sro rimi kpti ri kpa nkren nyi riwa iron wan kuu-a a han wa mgbron nji wawu. 44 Wawu mba wa de rimi kigbu kya riwa wa he ri wu nye, ama wawu a de wama rimi yaa wan nye, a de iwawu kpunji kya riwa a yo sron ri wu nye a de>>