1 Ri se ri wuru don ton riwa chu kaisar Tibariyas, Buntus Bilatu a he chu Yudiya Hirudus a he chu Galili, vayiwan Filibu a he chu ituriya ri Tarakunitas, nga lisaniya a he chu Abiliya, 2 ri vi riwa Hanana mba kayafa, wa wa rinkon wa ndu Izhi, itre Izhi ka ye ri Yahaya ivren zakariya ri ji. 3 Imba Yohana ka hu bubu nyu nne urdu wawu, ran ran tre tre Izhi, ri nji nowa ka meme ti mba chuwo nowa son wa ri ima, don nowa ka mememti mba rega riwa, 4 Bibi riwa wa ngha ri mbe ishaya nji ri la tre Izhi ri,

<< Njo a ran yo rimi ji ri tre ri, mɨlan nkon Izhi ti,

no wa nkon wan noi ndɨri,

5 <Wa shu wa ŋfɨron bla,

bla wa tita ri wa gashi wa ziiwa.

Bubu riwa wawa wa kɨwan wa no he sron hi

Wa hu ri nkon riwa wana hu wa ran.

6 Inji wawu wato kpachuwo riwa Izhi.>>

7 Ritu kamba, Yohana a tre ri nji riwa ari ye riwa ran son wa ri ima, << Biyi wa wan wa ntson! ŋnga layi noyi tsiri ri tu fu Izhi riwa ari ye yi? 8 Ti kya riwa ari tsro ri bi ka meme ti ŋbi chuwo, ran gbuchi tre mba ri sronbi ri ibrai nye he timbi ran. Mi layi Izhi he ri gbengbren riwa ari ngɨzhi miri ri Ibrahi zu ri tita wanyin. 9 Ko zizan wa ka nyu gla yo ri nchi konkron ritu inde konkron riwa a ran de kɨlo dindi ran wa ka tsen taga wari ban wu ta yo ri wuru.>>

10 Imba ikpanji-a waka mɨye Yohana ri, << Ingye nye ki ti?>>

11 Ka kpa nyime riwa ri, <<Inji riwa a he ri tsro hari, ka kari no nji riwa a ran he riwu ran, nji riwa a he ri la no wawu ngawen no ti kamba.>>

12 Wawa wa kpa nkɨren ri meme wa ye ri nowa son wawa rimi ima ngawen, waka tre riwu, << A wu nji ri tsro, ngye nye kiti?>> 13 Yohana ka tre riwa,<< Ran kpa han kya riwa wa tre no yi kpa ran.>>

14 Wa lokpa wari waka miyen, << Ko kita fa, ki ti rise?>>Mba ka kpa nyme riwa,

<<Ran vu njo kyawan ra, ko bi no sisiri ran, biyi de ka sron bi yo ri kya riwa bi kpa ri huwa ŋbi.>>

15 Riwa a he wawu nji wa yo sron, wawu mba wa ri rimɨreri sron ritu Yohana, ko aya he wawu nye he nji ri kpa nji chuwo. 16 Imba Yohana ka kpa yɨme riwa wawu mba ran tre,<< Ame de ri ima nye me vu yi ri son, ama nji ri riye riwa a han wen riwa ko ntan zawan me ran to siwu ran. wawu nye ri son yi ri ima ri wu Tsitsri, nga ri wuru. 17 Bibɨre ri zen kpi wan he ri wo wan, ari se bubu penpiren, ran vu wɨlo alikama sro ri wuron wan, ama nfon wan ari gon wu ri wuru riwa a ran yɨwi ran.>> 18 Ri bibi nowen tre wari kigbu nye, Yohana a tre tre Izhi ri nji. 19 Ama ichu Hirudus ,riwa yoana a tre fu riwu ritu wa vayi wan Hirudiya, ri ngbron meme ti riwa a ti, 20 Imba Hirudus ka bru tren yoana ri tra trenji.

21 Riwa wa son ji ri ima wawumba, wari son Yeso ri ima ngawen, riwa a bre Izhi, mba ishu wuru ka bu. 22 Iyu Ri Tsitsri ka ye riwu ri bibi kpa riwa a zhu nguu mba waka wo ran rishu a tre, <<A wu nye wuhe vren won riwa me yɨwe u, me ti kinklan sron riwu bran bran.>>

23 Riwa Yeso a gbuchi ran tsro, a he ri se setra wa ban u ri, a he vren Yusufu nye, Riwa a he vren Heli 24 Heli ivren Matal, Matal Vɨren Lawi, Lawi Ivren Malki, Malki ivren Yanna, Yanna Ivren Yusufu, 25 Yusufu vren Matatiya, Matatiya ivren Amos, Amos ivren Nahum, Nahum ivren Hasili, Hasili ivren Najaya, 26 Najaya ivren Maata, Maata ivren Matatiya, Matatiya ivren Shimeya, Shimeya ivren Yusufu, Yusufu ivren Yauza, 27 Yauza ivren Yowana, Yowana ivren Rafaya, Refaya ivren Zarubabel, Zarubabel ivren Shealtiyel, Sheyaltiyel ivren Niri, 28 Niri ivren Malki, Malki ivren Addi, Addi ivren Kosama, Kosama ivren Almadama, Almadama ivren Er, 29 Er ivren Yosi, Yosi ivren Eliyeza, Eliyeza ivren Yorima, Yorima ivren Matat, Matat ivren Lawi, 30 Lawi ivren Saminu, Saminu ivren Yauza, Yauza ivren Yusufu, Yusufu ivren Yohana, Yohana ivren Eliyakim, 31 Eliyakim ivren Matata, Matata ivren Natan, Natan ivren Doda, 32 Doda ivren Yesse, Yesse ivren Obida, Obida ivren Boaza, Boaza ivren Salmon, Salmon ivren Nashon, 33 Nashon ivren Amminadab, Amminadab ivren Aram Aram ivren Hesruna, Hesruna ivren Feresa, Feresa ivren Yauza, 34 Yauza ivren Yakubu Yakubu ivren Ishaku, Ishaku ivren Ibrahim Ibrahim ivren Tera, Tera ivren Naor, 35 Nahor ivren Serug, Serug ivren Reyu, Reyu ivren Feleg, Feleg ivren Eba, Eba ivren Shela, 36 Shela ivren Kenan, Kenan ivren Arfakshad, Arfakshad ivren Shem, Shem ivren Nuhu, Nuhu ivren Lamek, 37 Lamek ivren Metusela, Metusela ivren Anuhu, Anuhu ivren Yared, Yared ivren Maalel, Maalel ivren Kenan, 38 Kenan ivren Enosh, Enosh ivren Shitu, Shitu ivren Adamu, nga Adamu Ivren Izhi.