1 Ivi ri Yeso a ran bre ri bubu ri. Riwa a kre, rimi miri ko wan iri ka miye wu ,<< Bachi tsro ta bibi ri wa ki bre bibi riwa Yohana a tsro miri kowan.>>

2 A tre,<< ka bi bre, bi ka tre:

<A ti mbu riwa wu he ri shu,

tsitsɨrehen de wen,

kpanchi son we no ye.

3 Ye ti chi ritu mbu no ta ri ri bla vi

4 Ka meme ti mbu rega, bibi riwa kita ki ka meme ti

wari rega.

ran no ngɨzhi ta gra ri bubu meme ti ran.>>

5 Imba Yeso ka tre ri wa,<<wari tre iri imimbi he ri kpan, a hi ri wu ri chu ran tre ikpan wan no wen nkpon juju yɨmo tra ri shi, 6 Ikpan won ri zhu bubu zeɨren ye ri me, mi ran he kya riwa me no ran,

7 <<Ikpan wan ka kpa nyɨme rimi tra ri, ran chu wen kpa ran, me tren nkon ye ki ta iwa miri won ki kru nna-e, me ran to wurunde meri nou kyari ngana. 8 Me la yi a ran wurunde ran no juju yɨwon ran ritu a he kpan wan ran ama ritu ichu a ti riwa a kri riwu ri tu nji-a ri wurunde ran no bran bibi riwa ari wa.

9 << Me layi, sondu bre wa no yi. sondu wa bi fe, sondu wɨru nkon wa bu riyi. 10 Inji riwa a wa ari fe, nji riwa a bre wa no, nji riwa a wɨru nkon wa bu riwu.

11 <<Nga rimi mbi biyi wa ti , riwa ivren wen ri mɨyen wu lambe wuka no manzɨrama? 12 Ko inde a mɨyen ŋchen wuka no iran? 13 To bi yi ri wa bi he wa meme bi no miri mbi kyawa wa dindi ama A ti mbi rishu ari no Wu wan ri Tsitsri no wawa wa bre wu!>>

14 Chachu ri Yeso a ran zhu ri mangbi bɨzhi ri kpa nji ri, Riwa ibɨji-a zhu tse nji-a ka tre, ikpanji waka ti sisri. 15 Inji wari wa tre,<< A he Balzabul, ichu wa bɨzhi ari zu bɨzhi 16 Wari waye tsra Yeso ri no tsro wawa kya kpokpolo riwa ari nowawa nowa to gbengbren wan ri shu.

17 Ama Yeso a to ri mɨren mba, ran tra riwa,<<Ndu kpanchi riwa aga ti hari ritu ŋgu, kpanchi-a ran kri ran. nga nganyi inde iko riwa a ga ti heri ri ngamba, iko-a ri zi. 18 Inde memenji ga ngawan ti hari ran ri tingu ri tuwan, ari ri tise ko kpanchi wan ri senkpa? Bi tre ri ri gbengbren balzabul nye me zhu bɨzhi. 19 Inde ri gbengbren balzabul nye me zhu bɨzhi, to imiri ko mbi fa ri mgbemgɨren ngha nye wa zhu wamba? Imiri ko mbi nye wa bla tre riyi. 20 Ama inde rimi gbengbren Izhi nye me zhu ri bɨzhi, ashe kpanchi Izhi ye riyi nye mba.

21 <<Inde nji ri senkpa mɨlan ngawan ti, ran ri gben ko wan, Ikpa wa ko wan waki piyan 22 Ama inde nji riwa a han ri senkpa ye ran han gbengbren wan, ari vu kpi wan riwa ari ya si riwa hi ngawan ran ka ga nji kpi-a riwa a vu ri ku.

23 <<Nji riwa a ran he ri me ran a he meme nji won, riwa a ran vu kabru ri me ran, a ri vu vɨra.

24 <<Riwa meme bɨzhi zhu rimi kpa nji, a ri bru hi ri kpa nji riwa a zhu ye, ran wa bubu son vɨri. Inde a ran fe bubu ran ari tre ri, tsiri me bru hi kowon ri sen. 25 Inde a ye ran ye fe ikya ran he rimi ko wan-a ran, 26 Ari bru hi ran hi vu meme bɨzhi wa senkpa tangban ye ran ye son rimi ko-a. Ari senkpa han ri gbuchi.>>

27 Riwa Yeso a ran tre tre nyi, iwa ri rimi kpanji ka nzu ran, <<Dindi wan ri he wa riwa a ngɨzhi wu ran shou hari wu gbron.>>

28 Yeso ka tre ri,<<Dindi wan ri he wawa wawo tre won wari tindu riwu.>>

29 Riwa nji wana kabru ri Yeso, ka gbuchi tre,<<Nzan wa zizan wa meme nzan wa wa nowa tsro wa alama kyawa, ama wana lawa kyawa ran tsede bibi riwa Yonana. 30 Bibi riwa Yonana a he alama ri nji wa nineba, nganyi nye Ivren Nji ri he ri nji wanzan nyi. 31 Chachu bla tre, ichu mba ri gbu sheba ri wurunde iwa wanzan nyi ran tsro wa ri wana ti tsra ran don a zhu kpata mu ye riwa ari ye wo tre riwa Solomu. ngye riwa a han Solomu ri wanyi. 32 Chachu bla tre, wanji Niniba wa wurunde iwa wanzan nyi ran lawa ri wana ti tsra ran, ritu riwa wawo tre Izhi ri nyu Yonana wari ka meme timba chuwo to ngye nji riwa a han Yonana een.

33 <<Wa ran ri ban wuru ri kpan ka zi ri za didan ran tsede nowa ka zi ritu wan no ran tsro wa ko no wa ran to kpantsu. 34 Isi wen he kpan wuru ri kpa, inde isi bi. Ikpan wuru ri he kpa wawu. Ama inde isi wen time ikpa wawu ri ti bu. 35 Itu ka wa, ikpan riwa wu ri wu he bu: 36 Inde ikpa wen he ri kpan, bubu ri ran he ri bu ran, a ri kpan wawu, bibi riwa fitila.>>

37 Riwa Yeso a kre, nji Farisa ri ka yo wu iri no hi ran ri ri ri ko wan, a hi ran ka son ritu ri ri. 38 Riwa nji Farisa to Yeso a ran gla wo ko ran ri ri ran tse ka ti hu. 39 Imba Bachi ka tre wu, <<Bi yi Farisa bi ngɨla kugon vigba, ama bi yi bi he ri meme ti ri, isron ri sen nji ri meme ti. 40 Biyi wa mkpɨran! Ashe a ran he Izhi nye riwa ti mi ran ti ra ran. 41 Ama bi de tsrakya riwa a he ri nvangho mbi ikya ran meme riyi ran.

42 Iya mbi Farisa, bi no Izhi iwulu ri kya riwa bi fe, igbɨron vunvu ri Lambu, ama bi kambi ri bla dindi nga Bachi, <<Bi ri ti kya bi ti wu rarumu bi ka ri kawa don ri.>> 43 <<Iya mbi Farisa, ritu bi wa bubu son dindi ri ko Izhi, ri chi nji ri bubu richu.>> 44 << Iya mbi, ritu bi he ka bubu gyuru ri wa a bu nyu, riwa nji wa zeren ritu wan, wa ran to ran.>>

45 Inji ri wa sro Doka Musa ka tre wu, <<Inji ri tsro, ri wa wu tre kya wa yin, wu kɨra ta tu ngawen.>>

46 Yeso ka kpa nyime ran tre,<<bi ka ron kpi ri chan nji wato, doka riwa wa ron ri no wa ban, ama bi ran yo vren wo riri riwa bi zon wa.

47 Iya mbi ri wa bi mme bubu gyuru wa la tre Izhi riwa wa ti mbi wa wuu. 48 Biyi ritu mbi bi to bi ri kpa nyime bibi riwa wa ti watimbi wa ti. wa wuu wa tsro tre Izhi, nga biyi bi mme bubu gru riwa. 49 Ritu kya nyi, Izhi rimi to wan a tre,< Ame me ti wandu wa la tre Izhi nga wandu Izhi, Wa wuu wari, wari wa nowa ya.> 50 Ritu nganyɨn wa bla tre ri nji wa nzan nyin ritu wuu riwa wa ti ri wa la tre Izhi wa hu tu riwa wa ti mgbumgbɨlu mme, 51 zhu ri yii Habila, hi ri wa Zakariya, riwa wa wuu ri tsutsu bubu kri ri tre tre Izhi nga bubu tsɨtsɨri ri tra Izhi. Een, me la yi, wa bla tre ri wa nzanyi ritu wanyi wawu!

52 <<Iya mbi wa tsro Doka Musa, ritu bi ngɨzhi ronron nkon ri tra ri to. Biyi ri tumbi bi ran gra ran, nga bi ri zu wawa wa su wari gra.>>

53 Riwa Yeso a ka bubu wan don, wa tsro Doka Musa ri Farisa, wa gbuchi ran wau ri tre ri mɨyen ri kyawa kigbu, 54 wa ran wa no yɨwa nyu ri tre riwa wari don vu.