1 Yeso a tre ri miriko wan:<<Kayawa riwa a no nji nowa ti meme ti wa ye, iya nji riwa ari ngɨzhi kyawa wamba ye. 2 A ri bi riwu nowa lou ri nɨran rito wari kawu tayo rimi nne riwa ari no vren tsitsa no ti meme ti. 3 Ya ngambi yi. >> inde vayi mbi ti meme ti, wuka gbi wu nvunvuton, nde a wou, wuka kachuwo riwu. 4 Idan a ti meme ti riwu ŋkpa tagban ri mi vi riri,ran bru ye riwu ŋkpa tangban na tre, <mi ran tingana,> Wuka kachuwo riwu.>> 5 Wa la tre Izhi waka tre ri Izhi, <<No kpa nyime mbu no chiwi hi kusi.>> 6 Yeso ka la wa,<<Ka bi he ri kpa nyɨme fiwen ka iwɨlo suu, wu ya tre ri kpolo konkron nyin, <Gbi ngawen wuri hi chu ngawen rimi nne,> Nga ari wo tre wen. 7 Ka iri mbi a he vren ko ari ron ko a ri ya tɨman. Ari ya tre riwu ri no ye kuson ran riri? 8 Aran tre ri,< Ti ri ri mo wuri kri gben wen mi ri mi ri so ri ko a wu wuri ri wuri so>? 9 Ari ngɨri ri vren ndu wen ritu a ti kya riwa wu lawu no ti riwu? 10 Ka a wu ngawen, ka wu ti kya riwa wa tre riwu no ti, wu tre ri,<Ritu ngye ko wa ngɨri ri ta, ki ti ndu mbu nye,>>>

11 Aran hi ri Urushelima, Yeso ka ran zɨren ran hi ri tsɨtsu gbu Samariya nga Galili: 12 Riwa Yeso a ran hi rimi gbu, nji wuru riwa wa he ri lilo nkpuzhu waka fe. Waka ki kpata riwu 13 Ngha waka yo wu gbangban,<<Yeso, Nji rinko, toya mbu!>> 14 Riwa Yeso ka towa, ka tre,<< Hi, ka kambi tsro nji ri la tre Izhi.>> Riwa waka hi, waka tsɨri wa. 15 Imba iri rimi mba, riwa a to ri wawu fe den, ka bru ye, ran ran gbresan nde Izhi gbangban. 16 Ka kɨbu ngbazhu ri ŋdaza Yeso ran ran ngɨri riwu nji-a a he samariye nye. 17 Yeso ka miyen, <<Wa ran tsɨri yi ŋgibrewuru-a ran? mgbron chu wa wa he kutan?

18 Wa ran fe iri riwa ari bru ye ran ye gbresan nde Izhi ran kara itsɨren-a?>>

19 Imba Yeso ka tre ri nji-a,<<Wurunde wuri hi, ikpaŋyɨme wen nowu si.>>

20 Chachu ri, Farisa waka mɨyen iri shitan nye Kpanchison Izhi nyin ri ye, Yeso ka tre,<<Kpanchison Izhi ran he kya riwa wa tou ri si ran,

21 Wana ran tre, a he ri nyin ka a he rimu ran, Kpanchisin Izhi-a he rimi ŋbi rimba. 22 Ŋba Yeso ka bru tre ri miri ko wan, ivi ri ye riwa bi wa bi ri to ivi riwa bi ki wawa vren nji bi ran to ran.

23 Nji wa la yi, ngye a he een, ngye wu een, ran hi riwa ran, ran huwa ran. 24 Ivren Nji ri vi wan ari ye ka irinzan, riwa ari kpan wɨri zhu ri ŋju nyi hi ri ŋju mu. 25 Ari gbuchi to ya branbran wa kamba ri wu ri ndzan nyin.

26 Ka riwa a he ri vi Nuhu, kamba nye ari he ri vi riwa Ivren Nji. 27 Nji wa ran ri, wari ran so, wari ran gran wari ran de gran hi ri vi riwa Nuhu a gra rimi nvu ima. ishu ima ka ye ran vu wa kre. 28 A he kamba ri vi lutu. Nji wa ri wari so, wa rewari ka re, wa chu wari nme. 29 Riwa ivi riwa lutu a ka Saduma don, iwulu ri tita wulu ka zhu rishu ye ran wuu wa kre. 30 << Ari he ngayin ri vi riwa ivren nji zhu ri ngawan. 31 Chachu mba njo riwa a he ri ra ko wan, ri kpi wan rimi wan, a ran hi ran bru vuwa ran. kambame, njo ran zhu ran bru kɨma hi ritu kyari wan ran. 32 Taka wa lutu! 33 Nji riwa a ran sɨreri rewan a ran fe wu ran, nga nji riwa a sɨreri rewan ari fe wu. 34 Me la yi, ri chu mba nji hari wa kru ri bubu riri, ama wa ban ri wari ka ri don. 35 Mba hari wa ran kon haha mba, ama wa ban ri wari ka iri don. 36 Ronron hari wana ron ri zhu, ama wa ban ri wari ka iri don. 37 <<Rimi nyin, Bachi? Imirikowan Waka mɨyen. ka lawa,<<Ri bubu riwa ikɨmo he, bubu wan nye izitakpa wa ki.>>