1 Imba wa kpa nkɨren meme nga meme ti Wa shu ngamba tu ki ri bubu wan wa ri wo-u, 2 ama wa Farisa nga wa tsro doka Musa wa ran ti zhuzhu tre wari ran tre,<<Nji nyi a kpa wa meme ti ran ri ri ri wa.>>

3 Imba Yeso ka la wa tre kɨbu kɨbu: 4 << Iri mbi he ri ntɨma se wuru, iri rimi mba kado, to tse wu ka se chu wa chuwo wuri wa riwa a kado ran? 5 Inde a fe wu ari ban wu gran ri to ran ngiri 6 nga ran hi ko. Ran yo wa kpan wan ri wa kusan wan ran tre wa,< Zon wen ngiri, itu mi fe itɨwan won riwa kado.> 7 Yeso ka tre, bibi ri, kinklan sron ri he itu nji ri meme ti riri ri wa a ka meme ti wan chuwo a han nji se chu wa don chu wa wa sron dindi riwa wa ngamba ri ka meme ti mba chuwo.

8 << Ko ka iwa ritan ri he ri nkren jɨbɨo wuru inde riri kado, a ran yo wuru ran vu ko, ran sondu wa-u, hari ran fe wu ran? 9 Inde a fe, tse ka vu kpan wan ri wa kusan wan, ran tre riwa ri,<Ti kinklan sron ri me, ritu me fe kubu won riwa a kado-a.> 10 Nganyi nye me la yi, a he kya ri kinklan sron ri wa ndu Izhi inde nji ri meme ti riri ka meme ti wan chuwo.>>

11 Yeso a bru tre,<< Inji ri a he ri miri ronron hari. 12 Ivren tsitsa ka tre ri tiwan, A ti, no wen san won kpi won,> Tse Iti wan ka yowa ran ga kpi wan riwa.

13 <<Kugon vi tsawen, Ivren tsitsa-a ka vu kpi wan kabru, ran kunkon hi zɨeren kpata. Imun a ka vu kpi wan reran zɨren ntran ri wu kre. 14 Riwa a ri kpi wan kre, inchon yon ri ka gbu tse iya ka vuu. 15 A hi ran ka fe vren gbu ri waka ban wu hi no ho dushu ri ko. 16 Ka wa ran vu ri dushu ri ko riwa wa rega ri mme, ama ba njo riwa a no kyari

17 <<Riwa isron wan a ye bubu riri, ka tre, <Nji bren riwa wa tindu ri wo tiwon wa he ri iri hari wari dongbron, ama ga ame me son ri nyi ri kuu yon! 18 Me bru hi ri tiwon me la wu a ti me ti meme ti riwu nga ri Bachi Izhi. 19 Me ran he riwa wu yo wen ri ivren wen ran; no wen me he ka wandu wen riwa wa tindu riwu.>>> 20 Imba ka wulunde ran wa tiwan hi.

<<Ama riwa wayin a walude na hi Iti wan. Ri wa he kpa, Ti wan iwa iti wan a to wu ka he kiŋklan sron ri wu na tsutsu ka vu vren wan ran sonwon igban na mau ŋgyun.

21 <Ivren-a ka tre riwu. <A ti,> me ti meme ti ri Izhi nga ri wu. Ame me ran he ri wa wu yo wen ri ivren wen ran. 22 << Iti wan a tre wandu wan, chegbla hi bi ri ban tsro dindi ye su riwu. Ama ban zube son wu riwo nga ntan za son wu riza. 23 Hi vu nkɨshu riwa a ti nju bi ri wuu. ki ti ri dindi kiri ti ro. 24 ritu ivren won a kuu ama zizan a he ri renganga.> Imba waka gra ri ngiri bran.

25 <<A he riwa ivren wan rinko a he fili. Riwa a ye wɨreri ko, ka wo ngangan ri ro. 26 tse Ka yo wandu ri ko tiwan ri ran miyen kya riwa ari dzren. 27 < Vayi wen ye,> A tre riwu,<nga iti wen chu nkɨshu ri wuu ritu a to wu a ye ko ri si kpa.>

28 << Ivren rinkon a tifu bran ran kawan ri gra ko. riwa iti wan ka ye rira ran bre wu. 29 Ama ka nyɨme ri tiwan,< Tomba! Ikpa se riwa ki he mbu ri son ngɨzhi ri wu me ran kaa wo tre wen ngbaji ran. Ama wu ran no wen vren yawo zari to ran riwa miri ngɨri ri wa kpan won. 30 Ama riwa ivren nyi riwa a ti vava ri kpi wen ri wa ntran ye ko, wu wuu nchon ntɨma riwu!>

31 <<<Ivren won,> Iti wan a tre, < wu he me ko shitan, nga ko ngye riwa me he riwu a he wa me. 32 Ama a he ki ti kinklan sron ki ri ngɨri, ritu riwa vayi wen a kuu ama a bru ye ri si; a kado ama ki fe.>>>