1 Chachu ri Yeso kukri ri nyu nne nji wa kagbamu ri wu ritu riwa wawa wa ri wo tre Izhi, wawu Yeso ka kri rinyu nne Janisarata. 2 Imba ka to nvuima wari hari wa tsitsa, rinyu nne, wavu lamba waka zhu rimi mba wari ran ngla jiji ri vu lambe mba. 3 Imba Yeso ka gra rimi ri rimimba, riwa Bitrus, ran ibreu, ri bubu wan no tru nvuma ban kusi jɨo rinyu ima. Ran gra tsɨrowa tre ri kpanji rimi nghɨma.

4 Riwa a kre tre-a, ran tre ri Bitrus, <<Turu nvuima wen hi bubu riwa a ti ron, bi ri ta jiji ri vu lambe mbi tayo bi ri gbi lambe zhu riima.>> 5 Bitrus ka tre riwu ri, <<A wu Njiriko, tu richu ki sondu tiya, kiran vu kya ran ama tunde wu tre, me ta jiji rivu lambe won yo.>>

6 Riwa wa tayo waka vu lambe kigbu tata hari jiji ri vu lambe mba ka gbuchi ran gbon. 7 Waka yo wa kpan ndu mba riwa wa ri nvu ima ri han nowa ye zon wawa, waka ye, wari vu wa lambe shu nvu ima ngamba wari ran wa wari den Bachi.

8 Riwa Bitrus a to kamba, ran ku kusi Yeso ran tre, <<A wu Bachi, ame me he ngha riwa wu kri kusan won, ritu riwa me he nji ri meme ti.>> 9 Ritu riwa wawu Bitrus ri wawa wa he wawa wa hu, waka ti sisiri ritu lambe riwa wa gbi zhu, 10 a he kamba nye Yakubu ri Yohana imiri Zabadi, ikpan ndu Bitrus.

Yeso ka tre ri Bitrus, <<Ran ti sisiri ran rinyi hi kusi bi ran vu nji ron.>> 11 Riwa wa vu nvuima mba ye ri nyura wari ka konge chuwo wari hu.

12 Chachu ri Yeso a he rimi gbu ri, tse nji ri kae ri lilo nkpuzhu a han gbengbren wan ka ye, riwa a to Yeso ran ku kusi wan, ran ibreu ri, <<A wu Bachi, nde wu kpa nyɨme ri wuhe ri gbengbren riwa wu kpa wen chuwo.>>

13 Imba Yeso ka nɨma wo ran ibreu wo ran tre ri, <<Me kpa yɨme, lilo mba kre,>> Imba me ron lilo nkpuzhu-a ka kado.

14 Yeso ka fen u ton iri no ran la njo ran, ran lawu <<Tse de hi ri nji riwa ari tindu ri Izhi no to-u, nga wuri ti hadaya ritu riwa wa kpa-u chuwo, nga ritu riwa nowa to ngawen, bibi riwa Musa a lawa.>>

15 Ama itre Yeso ka kawan ran yɨra shu gbu hari ikpanji wa ka kamba ran ye ritu wa ri wou. nga kpa chuwo ritu lilo mba. 16 Ama wawu ka ran sonma nkan ri bubu riwa njo ran he ran, ran bre Izhi.

17 Chachu ri riwa a ran tsro, wawa wa kɨra doka Musa, nga wawa wa tsro doka riwa a zhu ri vi gbu wawa wa kagon Galili nga Judiya mba Jerusalem, wa ki ri bubu wan. Nga gbengbren Bachi a he riwu a ri kpa wa lilo chuwo. 18 Inji wari wa ban nji ri lilo klukpa ri ntanbɨri wati kukuri riwa wa ngiji-u gra rimi ko wari kau yo kusi Yeso. 19 Riwa wa wa bubu gyen riwa wa ngɨzhi wu gra ritu nji wa kigbu, wa ka hon shu ritu ko wari kau yo zu tutra yo ri tsutsunji, ri kusi Yeso.

20 Riwa Yeso a to kpanyɨme mba, a tre, <<Ikpan won, wa ka meme ti wen chuwo riwu.>>

21 Wa hu doka Musa nga wawa wa tsro doka wa gra taka ri kanba,<<Rinyi he ngha riwa a ye kpande ri time? Ngha ri ka meme ti nji chuwo imba Izhi kankɨshi wan ba?>>

22 Yeso a to kya riwa wa takaa ran mɨyen wa, <<Ngye ti ko bi taka bibi kya wa nyi rimi siron mbi? 23 Ritan nye he huri nowa tre ri,<Wa ka meme ti mbi chuwo yi,> Ka wa tre,<wurunde bi ri zɨren>? 24 Ama bi to ri ivren Izhi he ri gbengbren ri meme riwa ari kameme ti chuwo.>>A tre ri nji riwa a klukpa,<<Me lau, wurunde, ban ntanbɨri wen wuri hi ko.>> 25 Rimba ka mɨren wurunde kusimba, ran ban kya riwa a ran kru ritu wan ran hi ko ri kinklan sron ri gbresan nde Izhi. 26 Ko ngha kana ti mamaki ran gbre Izhi, wa ka ti sisiri mgbazhi ran, waka tre ri, <<Ruwa ki to kyawa wa sisiri!>>

27 Kugon kamba, ka to nji ri riwa ari kpa nkɨren meme, inde wan a he lawi, a son mme, a ran tindu bubu kpa nkɨren meme. , Yeso ka tre riwu, <<Hu wen.>> 28 Lawi ka ka kongye don iwawu, ran wurunde hu.

29 Imba lawi ka ti bi ri ri tsawen ri kowan, mba nji wa kpa nkɨren meme waka ki wari ran ri ri iwanji wari. 30 Imba wa wa wato doka Musa waka tre zhuzhu tre ri miriko wan wari tre ri,<<Ingye ti ko bi ri ri ri wawa wa kpa nkɨren meme nga wa meme ti?>>

31 Yeso ka yɨme riwa ran tre,<<Wawa wa ri si kpa he risikpa wana wa wa den lilo ran, ara wawa wa lo lilo nye wa wa wa den. 32 Me ran ye ritu yo wa dindi ti ran, tsede ritu wa meme ti, nowa ka meme ti mba chuwo.

33 Waka tre riwu, <<Imiri ko Yohana wa vu ima ran bla vi, wa ri ran bre Izhi, imɨriko wa tsro doka Musa, ama riwa me wari ri wari so.>>

34 Tse Yeso ka tre riwa, <<Wato biyi bi to no kpa nji riwa a kpa wa sa nowa vu la ima ka nji riwa a kpa wasa he? 35 Ama ivi riye riwa wa ban nji riwa wa ban nji riwa a kpa wa sa joo. Rimba nye wa vu la ima.>>

36 Ran bru tre kɨbu tre riwa, ran tre, <<Ban nji riwa ari gbon tsro sisa ran ka wɨran lagba tsro riwu, nde wa ti, ai ari gbon nghɨma tsro sisa, itsɨro sisa ri gbon nghɨma tsro sisa ran bi ri lagba tsro ran. 37 Nga ba njo riwa ari sro nfɨrɨi rimi vaja wa ri kɨmon. nde ma wa sro, tse nfɨri hi ri sisa ri yira vaja wa a ka rega, wa vaja waka time. 38 Nfɨrɨi, ai tse vaja wa sa. 39 Ba nji riwa ari wa ran son nfɨrɨi kugon ri wa a so sisa, don ran tre ri, <Ai ri kɨmo wan bi han,>>