1 Nɔ bɛ ŋwɔʼnə nɔ ndə i tʉʼ dʉ̀ʼ yie bətietie Jiso Klai*, ndə ɔ lɔ̀ hə kəlɔŋ Dɛbi*, ndə ɔ lɔ̀ hə kəlɔŋ Ablahaŋ. 2 Ablahaŋ nɔ nə bɛ tie Aisi. Aisi nɔ nə bɛ tie Jakɔ. Jakɔ kə́ bɛ tie Juda leʼnə bəliŋ-bi. 3 Juda kə́ bɛ tie Bɛlɛsh ghɔŋ Sela ndə ŋkwê-yʉə nə bɛ Tama. Bɛlɛsh kə́ bɛ tie Hɛslɔŋ. Hɛslɔŋ kə́ bɛ tie Alam. 4 Alam kə́ bɛ tie Aminada. Aminada kə́ bɛ tie Nashɔŋ. Nashɔŋ kə́ bɛ tie Salmɔŋ. 5 Salmɔŋ kə́ bɛ tie Boa ndə ŋkwê-yʉə kə bɛ Laha. Boa kə́ bɛ tie Obɛ ndə ŋkwê-i kə bɛ Lu. Obɛ kə́ bɛ tie Jesi. 6 Jesi kə́ bɛ tie Dɛbi ndə ɔ nə sɔ́ʼ fɔŋ. Dɛbi kə́ bɛ tie Salamu ndə bí ghɔŋ woke ndə ɔ nɔʼ kə fəŋ bɛ vi Ulia. 7 Salamu kə́ bɛ tie Lihobuaŋ. Lihobuaŋ kə́ bɛ tie Abija. Abija kə́ bɛ tie Asa. 8 Asa kə́ bɛ tie Jɛhoshafa. Jɛhoshafa kə́ bɛ tie Jolaŋ. Jolaŋ kə́ bɛ tie Osia. 9 Osia kə́ bɛ tie Jotaŋ. Jotaŋ kə́ bɛ tie Aha. Aha kə́ bɛ tie Hesikai. 10 Hesikai kə́ bɛ tie Manasi. Manasi kə́ bɛ tie Amɔŋ. Amɔŋ kə́ bɛ tie Josia. 11 Josia kə́ bɛ tie Jɛkonia ghɔŋbə bəliŋ-bi ndə bə kə bí ghɔŋ bɔŋ ndʉʉ ndə bə kə jə̀ŋ bɔŋ kɔ́ Babilɔŋ. 12 Ndʉʉ ndə bə kə jə̀ŋ bɔ̂ŋ kɔ́ Babilɔŋ, Jɛkonia bí Shɛtiɛl. Shɛtiɛl nɔ nə bɛ tie Sɛlubabɛ. 13 Sɛlubabɛ kə́ bɛ tie Abio. Abio kə́ bɛ tie Ɛliakiŋ. Ɛliakiŋ kə́ bɛ tie Aso. 14 Aso kə́ bɛ tie Sado. Sado kə́ bɛ tie Akiŋ. Akiŋ kə́ bɛ tie Ɛlio. 15 Ɛlio kə́ bɛ tie Ɛliesa. Ɛliesa kə́ bɛ tie Mataŋ. Mataŋ kə́ bɛ tie Jakɔ. 16 Jakɔ kə́ bɛ tie Jɔsɛ, ləŋ Mɛli. Mɛli bí Jiso ndə bə kə́ tíi ɔ nə mbʉ Wo ndə Nyii Kùŋ Tə́ŋ.

17 Nɔ, mbʉ lyʉʼʉ ŋgwie inchəŋ lʉ̀ hə ndəŋ Ablahaŋ tə gwè dàa ndəŋ Dɛbi nɔ bɛ yuhəbə njuɔ kwi nə wuŋ, lʉ̀ hə ndəŋ Dɛbi tə gwè dàa ndəŋ vɛʼ ndə bə kə jə̀ŋ bɔŋ chɔ̂ kɔ́ Babilɔŋ kə́ bɛ yuhəbə njuɔ kwi nə wuŋ, bɔŋleʼ lʉ̀ hə ndəŋ vɛʼ ndə bə kə jə̀ŋ bɔŋ chɔ̂ kɔ́ Babilɔŋ tə gwè dàa ndəŋ mbʉ Wo ndə Nyii Kùŋ Tə́ŋ kə́ bɛ yuhəbɛʼbə njuɔ kwi nə wuŋ.

18 Nɔ bɛ mənɔ nduɔ ndə bə kə bí Jiso Klai. Ndʉʉ ndə bə kə bíʼtə ŋkwê-i, Mɛli, kɔ́ tʉ Jɔsɛ, bɔ̂ŋ kʉ̂ʉ kə̂ gwè ndə məchìi lɔŋ, bə nyíɛ Mɛli, ɔ kə́ bɛ gʉʼnə, chìi LyʉʉhəNyiikə. 19 Bɔŋ bʉʼka ləŋ-ɛŋ, Jɔsɛ, kə bɛ wo ndə ɔ bɛ ndyʉndyʉ təmə kʉ̀ʉ ndə məmɔ̀ʼ tʉvyiikə-i fɛ, lìʼ mu fyii-ɔ mbɔ ɔ bu wɔ̀ʼtə lɔŋ ghɔŋ ɔŋ mu bəliinə.

20 Bɔŋ ndə ɔ kə́ kwɔ̀ʼtə nubə-ɔ̄ŋ, kə kwɔnə nyíɛ, wontəŋTiekətʉ fyú tʉ ɔŋ mu njəŋ kə́ ghɔ̀ŋ mbɔ, "Jɔsɛ, vaa-Dɛbi, kə a mə fàa ndə məlʉ̀ Mɛli ndə vi-a fɛ, bʉʼka vaa ndə ɔ bɛ bətɔ-ɔ nɔ gwè hə kəghɔ-LyʉʉhəNyiikə. 21 Ɔ bu bí vaabələŋ, a tyú yie-e nə Jiso, bʉʼka ɔ bu kwáa* tʉ-bʉə-bi-kə ndə bʉ̂ʼtə-ʉə."

22 Nchəŋnchəŋ bənu-ɔ̄ŋ nɔ nə fyú ndə məchìi nubə ndə Tiekətʉ nɔʼ kə kwə́ʼ tíŋ hə bɔ̌ŋ woyʉkəŋgie-e mbɔ:

23 "Nyíɛ! Mbʉ vaabəke ndə ɔ gòʼ təmə nɔʼ kínə woləŋ fɛ, bu gʉ̀ʼ bí vaabələŋ,

bə tyú yie-e nə Emanuɛ",*

ndə i bɛ mbɔ, Nyii nɔ bɛ bʉʼʉ bɔŋ mɔʼɔ.

24 Ndʉʉ ndə Jɔsɛ kə gwùʼtə mbɛŋhə, ɔ fɔ̀ʼ haʼ ndə mbʉ wontəŋTiekətʉ nɔʼ kə kàhə ɔŋ, lʉ̀ vi-i, 25 təmə bɔŋ chí ghɔŋ ɔŋ fɛ, tə ɔ bí vaabələŋ. Ɔ tyú yie-e nə Jiso.