Matia 20

Fyii ŋkwê vaa te vâa-bi

20 Ndʉʉmɛ, ŋkwê vâa-Sabɛdi gwè tʉ Jiso nə vâa-bi, kʉ̂ʉ bè kweʼtəbə-i bəshʉ ɔ, bíʼtə fɔkə kəghɔ-ɔ. 21 Ɔ bíʼtə tʉ ɔŋ mbɔ, "A tʉʼ kʉ́ʉ ka?"

Ɔ bə̀ŋhə mbɔ, "Gìe mbɔ vâabələŋ-bɔŋ-bɔ̄ŋ bəbûu nɔ, mbyu wo-imɔʼ bu dùʼ kwiimɔʼnə-aŋ, mbyu wo-imɔʼ dùʼ kwiiŋkwie-a, ndʉʉ ndə a bu yi kə́ sɔ́ʼ Fɔŋ."

22 Jiso bə̀ŋhə tʉ bɔŋ mbɔ, "Bii kínə nukə ndə bii tʉʼ bíʼtə fɛ. Bəkɔ bii nú hə mu ndʉ̂ʉ ŋgʉəʼ ndə mɔ bu nú hə chɔ mɛ?" Bɔ̂ŋ bə̀ŋhə mbɔ, "Bəkɔ baʼa nú."

23 Jiso bə̀ŋhə tʉ bɔŋ mbɔ, "Bii bu nú hə mu ndʉ̂ʉ ŋgʉəʼ-mɔ, bɔŋ ndə mədùʼ kwiimɔʼnə-mɔ, byuunɔ kwiiŋkwie-mɔ, kaa yəŋkə-ɔŋ ndə məgìe fɛ, bə bɔŋ bu kɔ́ bə haʼ tʉ bʉə ndə Tie-ɔ nɔʼ kə shʉ̀tə tʉ bɔŋ."