AYeso donong Kanamang kakak nɛ Abining fɛ́ a teng Asok
18 Na aYeso tsin ren cɛɛt, akɔk-ashon akak, tsɛ a te nyɔk ashon wu, a fɛ̀ ni iwu, <<Kangas hom tsin mɛsɛng ku. Awɛt ngɔn bɛ́ tsi di sak kubɔk naton ka, ka da tɛ ka dorok.>> 19 AYeso dorok, a ku kuus mo gung na bafi imɛɛs wu.
20 Ba se na anɔng, abining akak fɛ́ a bɔrɔng ni iteng nasok ayɛ kusɔk abe afaa, ne ama wu, a ra kanu ikpin aYeso, 21 abining e fɛ̀ ayɛt iyɛ wu, <<Ki in kyem in ra kanu ikpin wu kyɛk, in da sɛ kukyang.>>
22 AYeso tirik, a ku di, a fɛ̀ ni iwu, <<Angas yin, sak iyɛ ngɔn ting! Inɔɔk atsak ngɔn mi da te kyang9:22 Inɔɔk atsak ngɔn mi da te kyang: Itirik ikak ni ilem aGirik yet, <<Inɔɔk atsak ngɔn mi da sheshek.>>.>> Ni izen izining, abining e wat a sɛ kukyang.
23 Izen fɛ́ aYeso tsɛ a ta ari akɔk-ashon e, a sɛ bafi ihwyɛrɛ iyɔm, ni kudyɛng banet nkum awɔng kaakyɛ. 24 A fɛ̀ ni iba, <<Di nang yin irèn! Kanamang e mi ku awo, ka se ni nda.>> Banet e ku mas. 25 Ama fɛ́ ba mi tun kudyɛng banet e amatse, aYeso nɔ ayɛt e, a sok kubɔk anamang e, kanamang e dorok. 26 Kucɛɛt ikyɛng fɛ́ aYeso nye me, teng ku tseng kaakyɛ ni mben e.
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)