Malichi 3

22 Walangusa wa hewo wa malajizo ga Musa walawile Yelusalemu nawalonga, "Kana chijeni chihile chilinguchemigwa Belisebuli! Ayo ndo mkulu wa vijeni, na heye ndo yalingumpa ludali lwa kusa vijeni vihile." 23 Yesu nakawachema na kwaluka kuwalonjela kwa nhelo, kalonga, "Yowa ndaze Limazoga limuwinje Limazoga myage? 24 Wone undewa umwenga wogawanuka kuli vilundo vilingitwanza, undewa awo hauweza kikala. 25 Wone ivyazi ligawanuche kuli vilundo vilingitwanza, ivyazi alyo lyodumigwa. 26 Wone undewa wa Limazoga ugawanuche chilundo, hauchikala, lelo wokwaga ng’hatu.

27 "Kuduhu munhu yokwinjila mng’handa ya munhu yawele na mong’ho kumsukula vinhu vyeng’ha ne kumuwopa ayo yawele na mong’ho na ng’weso hafungo, aho ndo koweza kumsukula vinhu vya heye.

28 "Ena ndanguwalonjelani ndikomya, Nguluwi kowosela gehile gawo geng’ha na kukovula kwa hewo kweng’ha, 29 ila yalingumkovula Muhe Yelile, ayu hokusilwa gehile ga heye ng’oo, kwa vila kawifya, kana wihe wa mazuwa gose." 30 Yesu nakalonga ago, kwa vila nawali womlonga "Kana vijeni vihile."