17 Mu misamu mina landa, nina lusiika ko, mu dyambu ti, bu lukwe vukananga lukwe vula hidikanga misamu mimbi, kansi ka mimbote ko. 20 Bu lukwe kutakananga, nina yena ti ka bindya bi Mfumu ko lukwe dyanga, 21 mu dyambu ti, bu lukwe zakalanga ha meza, kadi muntu kwe bingilanga mu bonga bindya bi yandi bende. Ni hahoho lukwe belanga ti, wumosi wuu na nsatu, kansi wuhiika wuna kolo. 22 Kadi, luu na zinzo mu dya na mu nwa ko e? Hoti, Dibundu di Nzambi luna vweza, mpe lutiidi mu fwisa nsoni yobobo balembolo ba na kima e? Nki nalendi luteela e? Nganunu lutiidi na lusiika e? Mu musamu bewuwu, nina lusiika ko.
27 Ni hahoho, yondowo wuna dya dimpa bedyodyo hoti wuna nwa mbungu yi Mfumu na mbeelo yilembolo lunga, waasa disumu ha ntadisi yi nitu na menga ma Mfumu. 29 kadi yondowo wuna dya na wuna nwa wulembolo zaba ti yiyiyi ni nitu yi Mfumu, wuna dya na wuna nwa mfundusu mu yandi bende. 30 Ni hahoho, babingi ha kati dyeno baa na byeta na bimbevo, mpe babingi bafwa.
33 Buna zimpangi zani, bu lukwe kutakananga mu dya, kingangeeno bahiika.