Mvutu mu dyambu di makwela
1 Mu misamu mi lunsonikini, bumbote ti bakala kalembolo kwela mukento. 2 Kansi mu lembolo sadila kindumba, bika kadi bakala kaba na mukento andi, mpe kadi mukento kaba na bakala andi.
8 Ebu nina ta ku yobobo balembolo ba bakwela na ku bamafoola, buu bumbote ku yawu muba bonso bu nidi meno. 9 Kansi tala ti balendi kukiyaala ko, bika bakwela, buvudidi bumbote mu yawu mu kwela na muba na mitima mi nalungula mu nsatu zi nsuni.
Kyuhu mu dyambu di bantu balembolo ba bakwela
25 Ku bantu balembolo ba bakwela, nii na ntumunu yi Mfumu ko, kansi mabanza kwandi nina luhaana bonso muntu wu bafweti siila kivuvu, muntu wutambudi mulemvo ku Mfumu.
26 Nina banza ti, mu dyambu di mpasi zi ntangu beyiyi, bumbote ti: muntu kaba kwandi bonso bu kadi. 27 Mukento wuu naku e? Kusosandi mu hambana nandi ko. Wudi aku na mukento ko e? Kusosandi mu ba na mukento. 28 Tala ti kwedidi, siidi masumu ko, mpe tala ti ndumba yikwedidi, kasiidi masumu ko. Kansi, bantu baa bakwela, baakwamusu mu luzingu lwawu, mpe ntiidi ti lulembolo yena mpasi bezozo.