13 Yesu wuyenda ku kizunga ki mbanza yi Kayisali yi Filipi. Wufuula milongoki myandi ti: «Mu nzonzolo zi bantu, Mwana Muntu nani kadi e?» 16 Simoni Petelo wumuvutudila ti: «Ngeye ni Klisto, mwana wu Nzambi yi Moyo!»
21 Tuka ntangu beyoyo, Yesu wutona mu zabikisa ku milongoki myandi ti fweti kwenda ku Yelusalemi, waayena mpasi zizingi ku bakuluntu, ku zimfumu zinganga-Nzambi na milongisi mi Misiku. Baamuhonda na mu kilumbu kitatu, waafuluka mu bafwa. 22 Petelo wunata Yesu ha luhengo na wutona mu musemba ti: «Mfumu! Bika Nzambi ka kukeba. Kaani, misamu bemyomyo milendi kutudila ko!» 23 Kansi, Yesu wubangumuka na wuteela Petelo ti: «Satana, nkatukila! Kikaku wudi mu nzila ani, mabanza maku ka mabanza ma Nzambi ko, kansi ma bantu.»
Bwedi tulenda landila Yesu
(Mlk 8.34–9.1; Luk 9.23-27)
24 Ku manima, Yesu wuta ku milongoki myandi ti: «Tala ti muntu tiidi mu ba mulongoki ani , kakizimbakana yandi bende, kananguna kulunsi dyandi na kandanda. 28 Wukedika nina luteela, mwa ndambu bantu mu yobobo ba haha, baakifwila ko tala ti bayeni ko Mwana Muntu wuna kwiza bonso ntinu.»