Mateus 17

Yesu wukituka

1 Bilumbu bisambanu bihyoka, Yesu wubonga Petelo, Zaki na Yoane mpangi andi, na wubanata ha lweka ku yulu mulandu wuwula. 2 Wukituka ha ntadisi awu, kini kyandi kyedi lezima bonso ntangu, na binkutu byandi bikituka na vekoveko bonso kya. 3 Bu bayitukulu kwawu, Eliya na Mose bayenika na bedi mokana nandi. 4 Petelo wuteela Yesu ti: «Mfumu, bumbote ti tuzakala haha. Tala ti tiidi, nina tunga zinzo zitatu zi bikapu, yimosi yi yaku, yimosi yi Mose na yimosi yi Eliya.» 5 Bu kedi zonza bobo, tuti dimpembe dyedi lezima diyiza bafuka. Mpe ndinga yimosi yi yuwakana ku nsye tuti: «Yandi ewu ni mwana ani wu ntomini tya, kyese kyani kimvimba mu yandi kidi. Muyuwileeno!»