Ka mufundisanga ko
1 Ka mufundisa ko, mwanki balembolo lufundisa. 2 Mu dyambu ti baalufundisa bonso bu lukwe fundisilanga bahiika, mpe kitezo ki lukwe tezilanga bahiika, kyakyokyo mpe baalutezila. 3 Mu dyambu di nki wuna yenina kititi kii mu diisu di mpangi aku, kansi wuna yena kibuku kibaya kii mu diisu dyaku ko e? 4 Bwedi lenda teela ku mpangi aku ti: «Bika na katula kititi kii mu diisu dyaku», kansi ngebende wuna kibuku kibaya mu diisu dyaku e? 5 Ngeye muntu wu diisu ku nsye lukaya wudi! Katula ntete kibuku kibaya kii mu diisu dyaku, mboki mbo wuyena bwedi lenda katudila kititi kii mu diisu di mpangi aku.
6 Ka luhaanandi bima bilongo ku zimbwa ko, na lulosandi misanga mintalu ku zingulu ko, mu dyambu ti zilenda mye dyatikisa, na zilenda lubangumukina mu lukaakuna.
Wonso waalomba waatambula
(Luk 11.9-13)
15 Kebeeno kweno na mimbikudi mi luvunu. Bakwe kwizanga ku yeno mu kifwani ki mameme, kansi ku kati dyawu baa bonso zingo zikwe dyanga bantu. 16 Mu mimbutu myawu lwaabazabila. Bakwe helanga mbutu zi miti mi vinu mu miti mi nsende ko, hoti mbutu zi fike mu zimpanga ko.