1 ሳሜላ 1:10,11,15,18,20

Em outras traduções

1. DFBLVL Geeshsha Mas'aafaa

   10 Haanna loytsa seeletaade, c’amo yeekuwaa yeekkaade Med’inaa Godaa woossaaddu. 11 Iza hawaadan yaagaade k’anggetsaa k’anggettaaddu; «Ubbaappe Wolk’k’aama Med’inaa Godaw, taana ne k’oomatoo s’eella! Ta mishuwaa be’aade, taana hassaya; taana ne k’oomatto dogoppa. Neeni taw ne k’oomatiw attuma na’aa immooppe, Aa de’uwaa laytsaa ubbaan taani Aa new immana; Aa huup’ii ubbakka meedettenna» yaagaaddu.✝1:11 Pay. 6:5

   15 Hewaappe guyye Haanna hawaadan yaagaadde aw zaaraaddu; «tuytti, ta godaw, taani loytsi metootanchchaa mac’c’a asaa; taani ta shemppuwaappe Med’inaa Godaa woossayippe attina, woyniyaa eessaa woy matsoyiyaa ushshaa ushabeykke.

   18 Hewaappe guyye Haanna, «Ne k’oomatta ne sintsan nashshuwaa demmu» yaagaaddu. Hewaappe guyyiyaan, Aa bare ogiyaa baade, k’umaa maaddu; hewaappe simmina mulekka kayyotabeykku.

   20 Aa shahaaro wode wodii wurina attuma na’aa yelaaddu. Haanna, «Taani Med’inaa Godaa woossina siseedda» gaade Aa suntsaa Saamue’eela suntsaaddu.*1:20 Saamue’eela: Ha suntsaa biletsay «S’oossay siseedda» giyaawaa.