ሶዶማ ናጋራ
1 ሄ ላኡ ኪታንቻቱ ኦማርስ ሶዶማ ካታማ ጋኬድኖ፤ ሄ ዎደ ሎጸ ሄ ካታማ ፐንግያን ኡቴዳ። ሎጸ ኡንቱንታ በእነ ኡንቱንቱና ጋከታናዉ ኤቂደ ቤዳ፤ ባረ ዴሙዋ ሳኣ ጋደ ጎይኔዳ፤ 2 "ታ ጎዳቶ፥ ህንተንቱ ቆማ ሶ ስሜርክቴ፤ ህንተንቱ ገድያ ሜጨቲደ ቃማ አቅተ፤ ጉራን ደንዲደ ህንተንቱ ብያሳኣ ባንታ" ያጌዳ።
ኡንቱንቱ፥ "ቱይት፤ ኑን ሀ ካታማ ዳባባን አቃና" ያጌድኖ።
3 ሽን እ ኡንቱንታ ሎይ ሾቤዳ ድራዉ፥ አናና ቢደ አ ሶ ገሌድኖ፤ እ ኡንቱንቶ ቁማ ካደ፥ ጫለና ኡክ ኡኪደ አና፥ ኡንቱንቱ ሜድኖ።
4 ኡንቱንቱ ግሰናን ደእሽን፥ ሶዶማ ካታማ አቱማ አሳይ ኡባይ፥ ናናቱዋፐ ጭማ ጋካናዉ፥ እቱነ አተናን ዪደ፥ ጎልያ ዩይ አ ዶዴድኖ። 5 ሎጻ ጼሲደ ያጌድኖ፤ "ሀቼ ቃማ ነ ሶ ዬዳ አቱማ አሳቱ ሀቃን ደኢኖ? ኑን ኡንቱንቱና ሻርሙጻና ማላ ኡንቱንታ ኑኮ ካረ ከሳ" ያጌድኖ።19:5-8 ዳና. 19:22-24
6 ሎጸ ኡንቱንቱና ጋከታናዉ ካረ ከሲደ፥ ካርያ ጉየ ጎርዴዳ፤ 7 ኡንቱንታ ሀዋዳን ያጌዳ፤ "ታ እሻቶ፥ ሀ ኢታ ኦሱዋ ኦፕተ። 8 ስም ታዉ ላኡ ማጫ ናናይ፥ አቱማ አሳ ኤርቤና ዎዶራቱ ደኢኖ፤ ታን ኡንቱንታ ህንተንቶ ካረ ከሳይ፤ ህንተንቱ ኡንቱንታ ህንተዉ ሎኦዋዳን ኦና ዳንዳዪታ። ሽን ሀ አሳቱዋ ቦላ አይነ ኦፕተ፤ አያዉ ጎፐ፥ ኡንቱንቱ ታ ጎለ ገሊደ ታ ካራ ጋርሳን ደኢኖ" ያጌዳ።
9 አሳቱ አ፥ "ኑ ስንፐ ክቻ!" ያጌድኖ፤ ቃይካ ኡንቱንቱ፥ "ሀ ብታኒ ሀ ጋድያን በተ ግድ ዪደ፥ ሀእ ኑ ቦላ ፕርዳናዉ ካጄሌዳ! ሀእ ኑን ኔና ኡንቱንቱ ቦላ ኦናዉ ቆፔዳዋፐ ኢታ ኦና!" ያጌድኖ። ኡንቱንቱ ሎጻ ጉየ ሱግ የጊደ ፐንግያ መንናዉ ሺቄድኖ። 10 ሽን ሄ ላኡ አሳቱ ባረንቱ ኩሽያ ካረ የዲደ፥ ሎጻ ሶ ጎች ገልሲደ ፐንግያ ጎርዴድኖ። 11 ሄዋፐ ጉየ፥ ኡንቱንቱ ጎለ ፐንግያን ደእያ አሳ፥ ጉፐ ግታ ጋካናዉ ቆቅሴድኖ። ያትና ኡንቱንቱ ፐንግያ ደማናዉ ኮዪደ ዳቡሬድኖ።19:11 2 ካታ. 6:18
ሎጸ ሶዶማፐ ከሲደ ቤዳ
12 ሄ ላኡ አሳቱ ሎጻ፥ "ነዉ ሀዋን ነ ማጫ ናና ጊግሴዳዋንቱ፥ ነ አቱማ ናናይ ዎይ ነ ማጫ ናናይ ዎይ ነባ ግዴዳ አሳይ ኦና ግዶፐነ ሀ ካታማን ደኢ? ኡንቱንታ ሀዋፐ ከሳ ድጋ። 13 አያዉ ጎፐ፥ ኑን ሀ ሳኣ ይሳና ሀኔቶ። ኡንቱንቱ ዋስያ ዋሱ ጎዳ ስንን ሎይ ዳሬዳ ድራዉ፥ መና ጎዳይ ኑና ሀ ካታማ ይሳናዉ ኪቴዳ" ያጌድኖ።
14 ሄዋ ድራዉ ሎጸ ከሲደ፥ ባረ ማጫ ናና ጊግሴዳዋንቱኮ ቢደ ኡንቱንታ፥ "ኤሌል ደንዲደ ሀዋፐ ከስተ፤ አያዉ ጎፐ፥ መና ጎዳይ ሀ ካታማ ይሳና ሀኔ" ያጌዳ። ሽን አ ማጫ ናና ጊግሴዳዋንቱ እ ቅዳ ጊደ ቆፔድኖ።
15 ሳአይ ዎንታናዉ ሆልጆጅ ዞእያ ዎደ፥ ሄ ኪታንቻቱ ሎጻ፥ "ደንዳ! ነ ማቻቶነ ሀዋን ደእያ ነ ላኡ ማጫ ናና አካደ ኤሌላ ከሳ! ሄዌ ዮፐ፥ ሀ ካታማይ ፕርደትያ ዎደ ኔንካ ያሳ" ያጊደ ድርቢሴድኖ። 16 ሽን ሎጸ ያት ጊና፥ ሄ አሳቱ አ ኩሽያ፥ አ ማቻት ኩሽያነ አ ማጫ ናና ላኡዋ ኩሽያ ኦይቂደ፥ ሄ ካታማፐ ኡንቱንታ ከሴድኖ፤ አያዉ ጎፐ፥ መና ጎዳይ ኡንቱንቶ ቃረቴዳ።19:16 2 ጰጽ. 2:7 17 ኪታንቻቱ ኡንቱንታ ካታማፐ ከሴዳ ሳናካ፥ ሄ ኪታንቻቱዋፐ እቱ ያጌዳ፤ "ህንተንቱ ሸምፑዋ አኪደ ባቃትተ! ጉየ ጼሎፕተ! ቃይ ሀ ዎምባን ሀቃንካ ኤቆፕተ! ደርያኮ ባቃትተ! ህንኮደ ህንተንቱ ያና" ያጌዳ።
18 ሽን ሎጸ ኡንቱንቶ ያጌዳ፤ "ቱይት! ሀይ ታ ጎዳቶ፥ ያጎፕተ። 19 ታን ህንተንቱ ቆማይ ህንተንቱ ስንን ናሸቴዳዋ ድራዉ፥ ታና አሻናዉ ታዉ ዳሮፐ ሎይ ማዴድታ። ሽን ታን ደርያኮ ባቃታናዉ ዳንዳይከ፤ ሀዌ ባሻይ ጋኪደ ታና ሙካናነ ታንካ ሀይቃና። 20 ጼልተ፤ ሀዋን እት ካታማይ ደኤ፤ እ ዎጻናዉ ማታነ ጉ ካታማ። ታን ያ ባቃቶ? እ ቄር ጉ ካታማ ግደኔ? ታ ሸምፑ ያን አታናዋ" ያጌዳ።
21 ኪታንቻይ፥ "ኤ፥ ታን ነ ኦሻ ስሳና፤ ታን ኔን ግያ ካታማ ይስከ። 22 ሽን ያ ኤሌላ ባቃታ፤ አያዉ ጎፐ፥ ኔን ያ ጋካናዉ፥ ታን አይነ ኦናዉ ዳንዳይከ" ያጌዳ። ሄዋ ድራዉ ሄ ካታማ ሱንይ ዞኣሮ19:22 ዞኣሮ፦ ሀ ሱን ብለይ እብራዌዋ ቃላን "ጉ" ግያዋ ማላቴ። ጌተቴዳ።
ሶዶማነ ጋሞራ ካታማቱ ዬድኖ
23 ሎጸ ጾኣሮ ጋኬዳ ዎደ፥ ብሮ ጻልቂ ዶሌዳ። 24 መና ጎዳይ ሄ ዎደ ታማነ ኤጽያ ዲንያ ሶዶማነ ጋሞራ ቦላን መና ጎዳ ማታፐ ሳሉዋፐ ቡኪደ ባይዜዳ።19:24-25 ማቶሳ 10:15፤ 11:23-24፤ ሉቃሳ 10:12፤ 17:29፤ 2 ጰጽ. 2:6፤ ይሁዳ 7 25 ሄዋዳን ኦደ መና ጎዳይ ሄ ካታማታ፥ ሄ ዎምባ ኡባ፥ ሄ ካታማቱዋ ግዶን ደእያ ኡባነ ሄ ጋድያን ደእያ ም ማታ ይሴዳ። 26 ሽን ሎጸ ማቻታ ጉየ ጼላደ ማጽነ ቱሳ ግዳዱ።19:26 ሉቃሳ 17:32
27 ዎንተ ጋላስ ዎንታ ጉራን አብራሃመ ደንዲደ፥ መና ጎዳ ስንን ካሰ እ ኤቄዳ ሳኣ ስሚደ ቤዳ። 28 እ ሶዶማነ ጋሞራ ሄ ዛንጋራን ደእያ ቢታ ኡባ ዱገ ጼሌዳ፤ ሄ ዎደ ጩዋይ ጮጭያ ታማ ጩዋዳን ሄ ቢታፐ ደንድያዋ በኤዳ።
29 ጾሳይ ሄ ዛንጋራ ካታማቱዋ ይሴዳ ዎደ፥ አብራሃማ ሀሳዬዳ፤ ሎጸ ደኤዳ ካታማቱዋ ይሲደ ሎጻ ባሻፐ ከሴዳ።
ሎጸ የለታ
30 ሎጸ ዞኣራን ኡታናዉ ያዬዳ ድራዉ፥ ባረ ማጫ ናና ላኡዋና ደርያ ከሴዳ፤ ጎንጎሎ ግዶን ባረ ላኡ ማጫ ናናቱዋና ኡቴዳ። 31 እት ጋላስ ባይራ ናታ ቴፋቶ፥ "ኑ አዉ ጭሜዳ፤ ሳኣ ኡባን19:31 ሳኣ ኡባን፦ ሀ ቢታን ግያዋ። ደእያ ዎጋዳን ኑናና ግሳናዉ ሀ ጋድያን ኡባካ አቱማ አሳይ ባዋ። 32 ሃያ፤ ዎይንያ ኤሳ ኑ አዉዋ ኡሺደ፥ አናና ግሲደ፥ ኑ አዉዋፐ ኑ ዛርያ ቱራ አሾይተ" ያጋዱ። 33 ሄ ጋላሳ ቃማ ባረንቱ አዉዋ ዎይንያ ኤሳ ኡሼድኖ፤ ባይራታ ገላደ አናና ግሳዱ፤ እዛ አናና ግስያ ዎደካ ደንድያ ዎደካ እ ኤርቤና።
34 ዎንተ ጋላስ ባይራታ ቴፋቶ፥ "ስሳ፤ ዝኖ ታን ታ አቡና ግሳድ፤ ሀቼ ቃማ ቃይ ዎይንያ ኤሳ ኡሽና፥ ኔንካ ገላደ አናና ግሳ፤ ያቲደ ኑን ኑ አዉዋፐ ኑ ዛርያ ቱራ አሾይተ" ያጋዱ። 35 ሄ ጋላስ ቃማ ቃይካ ዎይንያ ኤሳ ኡሼድኖ፤ ቴፋታካ ገላደ አናና ግሳዱ፤ እዛ አናና ግስያ ዎደካ ደንድያ ዎደካ እ ኤርቤና። 36 ያትደ ሎጸ ማጫ ናናይ ላአቱካ ባረንቱ አዉዋፐ ሻሃሬድኖ። 37 ባይራታ አቱማ ናኣ የላዱ፤ አ ሱን ሞኣባ19:37 ሞኣባ፦ ሀ ሱን ብለይ እብራዌዋን "ታ አዉዋፐ ግያዋ ማላቴ" ጋደ ሱንዱ፤ እነ ሀቼ ጋካናዉ ሞኣባቱዋ አዉዋ። 38 ቃይ ቴፋታካ አቱማ ናኣ የላዱ፤ አ ሱን በንኣማ19:38 በንኣማ፦ ሀ ሱን ብለይ እብራዌዋን "ታ አሳቱዋ ናኣ ግያዋ"። ጋደ ሱንዱ፤ እነ ሀቼ ጋካናዉ አሞናቱዋ አዉዋ።