ጾሳይ ኖሄና ገሌዳ ቃላ ጫቁዋ
1 ጾሳይ ኖሀነ አ አቱማ ናና ሀዋዳን ያጊደ አንጄዳ፤ "የለትተ፤ ጮርተ፤ ሳኣ ኡባ ኩምተ።9:1 ዶመ 1:28 2 ሳኣ ዶአቱ ኡባይ፥ ሳሉዋ ካፋቱ ኡባይ፥ ጋድያን ዎጽ ቃጽያባ ኡባይነ አባን ደእያ ሞለቱ ኡባይ ህንተንቶ ያይኖነ ዳጋምኖ። ኡንቱንቱ ህንተንቶ አደ እመቴድኖ፤ 3 ታን ሞክያ ዱማ ዱማ ካቱዋ ህንተንቶ እሜዳዋዳንካ፥ ሸምፑ ደእያ ዎጽ ቃጽያ መታ ኡባይ ህንተንቶ ቁማ ግዳና። 4 ሽን ሱ ግዶን ሸምፑ ደእያ ድራዉ ሱይ አ ግዱዋን ደእያ አሹዋ ሞፕተ።9:4 ዶመ 17:10-14፤ ዎጋ 19:26፤ ዛረ. 12:16፣ 23፤ 15:23 5 ታን ህንተንቱ ሸምፑዋና ደእያ ህንተንቱ ሱ ዶኣ ኡባፐ ቱሙ አቻና፤ ቃይ አሳ ኡባፐ፥ አ ማላ አሳ ሱ አቻና። 6 ጾሳይ አሳ ባረና ማላትሲደ መዳ ድራዉ፥ አሳ ሱ ጉስያ ኦናነ ግዶፐነ፥ አ ሱይካ አሳ ኩሽያን ጉካናዋ።9:6 ዶመ 1:26፤ ከሳ 20:13 7 ህንተንቱ የለትተ፤ ጮርተ፤ ሳኣን ዳርተ፤ አን ጮርተ" ያጌዳ።9:7 ዶመ 1:28
8 ሄዋፐ ጉየ፥ ጾሳይ ኖሀነ አናና ደእያ አ አቱማ ናና፥ 9,10 "ስም ሀእ፥ ታን ታ ጫቁዋ ህንተናና፥ ህንተፐ ጉየ ህንተንቱ ዘረናነ ፓጻ ኔናና ደእያ መታ ኡባና ጫቀታይ፤ ኤ፥ ታን ታ ጫቁዋ ካፉዋና፥ መህያና፥ ሳኣ ዶኣ ኡባናነ፥ ማርካብያፐ ህንተናና ከሴዳ፥ ሸምፑዋና ደእያ መታ ኡባና ጫቃይ። 11 ታን ህንተናና ታ ጫቁዋ ጫቀታይ፤ ሀዋፐ ስንን ሸምፑ ደእያባይ ኡባይ ባሻ ሃን ኡባካ ባየና፤ ሀ ሳኣ ባይዝያ ሃይ ሀዋፐ ስንን ኡባካ ደኤና" ያጌዳ።
12 ቃይካ ጾሳይ፥ "ታን ታፐነ ህንተፐ፥ ህንተናና ደእያ ፓጻ መታቱዋ ኡባፐ ግዱዋን ያና የለታ ኡባና ጫቀትያ ጫቁዋ ማላታይ ሀዋ፤ 13 ታን ታ ዙሉዋ ሻርያን ኤሳድ፤ እ ታፐነ ሀ ሳኣፐ ግዱዋን ደእያ ጫቆ ማላ ግዳና። 14 ታን ሳኣፐ ቦላን ሻርያ አሄዳ ዎደነ ሻርያን ዙሉ ቤቴዳ ዎደ፥ 15 ታፐነ ህንተፐ ሸምፑ ደእያ ዱማ ዱማ ቆሞ መታ ኡባፐ ግዱዋን ጫቀቴዳ ታ ጫቁዋ ሀሳያና፤ ፓጻ ደእያዋ ኡባ ይሳናዉ ሀዋፐ ስንን ኡባካ ባሻ ሃይ ዬና። 16 ዙሉ ሻርያን ቤቴዳ ዎደ አዉደነ፥ ታን አ በአና፤ ታፐ ጾሳፐነ ሀ ሳኣ ቦላን ሸምፑዋና ደእያ ዱማ ዱማ ቆሞ መታ ኡባፐ ግዱዋን ጫቀቴዳ መና ጫቁዋ ታን ሀሳያና" ያጌዳ።
17 ጾሳይ ኖሀ፥ "ታን ታፐነ ሀ ሳኣ ቦላን ሸምፑዋና ደእያዋ ኡባፐ ግዱዋን ጫቀቴዳ ጫቁዋ ማላይ ሀዋ" ያጌዳ።
ኖሀነ አ ናና
18 ማርካብያፐ ከሴዳ ኖሄ አቱማ ናናይ ሴማ፥ ካማነ ያፌታ፤ ካመ ካናነ አዉዋ። 19 ሀዋንቱ ሄዙካ ኖሄ ናና፤ ሳኣን ኡባን ደእያ አሳይ ኡንቱንቱፐ የለቴዳ።
20 ኖሄ ጎሻንቻ፤ እ ዎይንያ ቱራ ቶከ ዶሜዳ። 21 እት ጋላስ እ ሄ ዎይንያ ኤሳ ኡሺደ ማቴዳ፤ ባረ ዱንካንያ ግዶን ካሎ ጺራ ግሴዳ። 22 ካናነ አዉዋ ካመ ባረ አዉዋ ካሉዋ በኤዳ፤ ካረ ከሲደ፥ ባረ ላኡ እሻቶ ኦዴዳ። 23 ሽን ሴምነ ያፌት አፍላ እቱዋ አኪደ፥ ላአቱካ ባረንቱ ሀሽያና ሀሽያና ጋ ኦይቂደ፥ ጉየጉን ሀመት ገሊደ፥ ባረንቱ አዉዋ ካሉዋ ካሜድኖ፤ ኡንቱንቱ ባረንቱ አዉዋ ካሉዋ በኤና ማላ ባረንቱ ዴሙዋ ዎራ ዛሬድኖ።
24 ኖሄ ማ አና ቤጎቲደ፥ አ ናአይ ኡባፐ ቴፋይ አ ኦዳዋ ኤሬዳ። 25 አ፥
"ካናነ ሸቀቴዳዋ ግዶ!
እ ባረ እሻቶ ዉርሰ አይልያ ግዶ" ያጌዳ።
26 ቃይካ ኖሄ፥
"መና ጎዳይ፥ ሴማ ጾሳይ ጋላተቶ!
ካናነ ሴማ አይልያ ግዶ፤
27 ጾሳይ ያፌታ9:27 ያፌታ፦ እብራዌዋን ሀ ሱን ብለይ፥ "ጉጆ" ግያዋ ማላቴ። ቢታ አሶ።
ያፌታ ዛራቱ ሴማ ዛራቱዋ ግዶን ደእኖ፤
ካናነ ያፌታ አይልያ ግዶ" ያጌዳ።
28 ባሻ ሃፐ ጉየ፥ ኖሄ 350 ላይ ደኤዳ። 29 ኖሄ ሙለ 950 ላይ ደኢደ ሀይቄዳ።