ዶመ 41:1-8,16,25,32

ዮሴፎ ግብጼ ካትያ አኩሙዋ ብሌዳ

1 ላኡ ላይ ኩመንይ አዳ ዎደ፥ ግብጼ ካቲ አኩሙዋ አኩመቴዳ፤ አኩሙዋን እ ናይለ ሻፋ ዶናን ኤቄዳ፤ 2 ላፑን ኦርደነ ሞ ሚዛቱ ናይለ ሻፋፐ ከስ ዎደ፥ ማቃ ግዱዋን ምያዋንታ በኤዳ። 3 ኡንቱንቱፐ ስሚደ፥ ሀራ ላፑን ማላ ኢታነ ግልቃ ሚዛቱ ናይለ ሻፋፐ ከሴድኖ፤ ሻፋ ዶናን ደእያ ሀራ ሚዛቱ ማታን ኤቄድኖ። 4 ሄ ማላ ኢታነ ግልቃ ሚዛቱ ላፑን ኦርዳነ ሞ ሚዛቱዋ ሜድኖ። ሄዋፐ ጉየ ካቲ ቤጎቴዳ።

5 እ ዛረ ገምእሺደ፥ ላኤን አኩሙዋካ አኩመቴዳ፤ ላፑን ሎአነ ሙሩታ ትሻቱ እት አኑዋን ድጬድኖ። 6 ኡንቱንቱፐ ስሚደ፥ ጬጨዳነ አዋይ ዶልያ ባጋ ጫርኩዋን ሹሌዳ ሀራ ላፑን ትሻቱ ከሴድኖ። 7 ሄ ጬጬዳ ትሻቱ ሎአነ ሙሩታ ትሻቱዋ ምቴድኖ። ሄዋፐ ጉየ ካቲ ቤጎቲደ፥ አኩሙዋ ግድያዋ ኤሬዳ። 8 ሳአይ ዎንትና፥ አ ዎዛናይ ሻቢረቴዳ፤ ሄዋ ድራዉ ግብጼን ደእያ ብትያዋንቱ ኡባዉነ አዳ ኤራንቻቱዋ ኡባዉ ኪቲደ ጼስሴዳ፤ ካቲ ኡንቱንቶ ባረ አኩሙዋ ኦዴዳ፤ ሽን አዉ ሄ አኩሙዋ ብርሽያዌ ዬዳ።✝41:8 ዳኔላ 2:2

16 ዮሴፎ፥ "ታን ሄዋ ዳንዳይከ፤ ሽን ጾሳይ ካትያዉ ልከ ብርሸ እማና" ያጌዳ።

25 ሄዋፐ ጉየ ዮሴፎ ግብጼ ካትያ፥ "ካትያ አኩሞቱ እቱዋ። ጾሳይ ባረ ኦና ሀንያዋ ካትያዉ ቆንጭሴዳ።

32 ላኡ ኦግያን ካትያዉ ሄ አኩሙ ቤቴዳዌ አያሴ ጎፐ፥ ሀ የዉዋ ጾሳይ ምንሲደ ቃቾ ድራሳ፤ ጾሳይ ሄዋ ኤለካ ኦና።