ፓይዱዋ 7

ካፖቱ አሄዳ እሞታ

1 ሙሴ ጾሳ ዱንካንያ ቶሊደ ማኬዳ ዎደ፥ ሄ ዱንካንያነ አ ሚሻ ኡባ ኦኪደ ጌሼዳ፤ ቃይ ያርሽያ ሳነ አ ሚሻ ኡባካ ኦኪደ ጌሼዳ። 2 ሄዋፐ ጉይያን፥ እስራኤልያ አሳ ካለዳዋንቱ፥ ሄዋንቱነ ዛራቱዋ ፓይዴዳ ሶ አሳ ካፖቱ እሞታ አሄድኖ። 3 መና ጎዳዉ እሞታ ሺሼድኖ፤ ሄዋንቱካ ካመቴዳ ኡሱፑን ጋረቱዋ፥ ታማነ ላኡ ቦራቱዋ፥ ካፑዋን ካፑዋን እት እት ቦራነ ላኡ ላኡ ካፖቱ እት እት ጋርያ ጾሳ ዱንካንያ አሄድኖ።

4 መና ጎዳይ ሙሳ ሀዋዳን ያጌዳ፤ 5 "ጾሳ ዱንካንያ ኦሶ ጎአና ማላ፥ ኔን ሄዋንታ ኡንቱንቱፐ አካደ፥ ሌዋቶ ኡንቱንቱ ኦሶ ኦሶ ኮሽያዋዳን ሻካደ እማ" ያጌዳ። 6 ሙሴ ጋረቱዋነ ቦራቱዋ አኪደ፥ ሌዋቶ እሜዳ። 7 ገርሾና ያራቶ ኡንቱንቱ ኦሶ ኮሽያዋዳን ሻኪደ፥ ላኡ ጋረቱዋነ ኦይዱ ቦራቱዋ እሜዳ። 8 ቃይ ማራራ ያራቶ ኡንቱንቱ ኦሶ ኮሽያዋዳን ሻኪደ፥ ኦይዱ ጋረቱዋነ ሆስፑን ቦራቱዋ እሜዳ። ኡንቱንቱ ኡባይካ ቄስያ አሮና ናኣ እታማራ አዎተ ጋርሳና። 9 ሽን ሙሴ ቃሃታ ያራቶ ሄዋፐ አያነ እምቤና፤ አያዉ ጎፐ፥ ኡንቱንቱ አዎተን ደእያ ጌሻ ሚሻቱ ባረንቱ ሀሽያን ቶካናዉ ኮሽያዋንታ ግድያ ድራሳ።

10 ያርሽያ ሳ ሙሴ ኦኪደ ጌሼዳ ጋላሳን፥ ካፖቱ ያርሽያ ሳኣ አንጅሳናዉ ባረንቱ እሙዋ አኪደ፥ ሄ ያርሹዋ ሳኣ ስን አሄድኖ። 11 መና ጎዳይ ሙሳ ካሰ፥ "እት እት ጋላስ እት ካፑ ያርሽያ ሳኣ አንጃናዉ ባረ እሙዋ ጾሳዉ እሞ" ያግ ዎዳ።

12 ኮይሮ ጋላስ ባረ እሙዋ አሄዳዌ ይሁዳ ዛርያፐ አምናዳባ ናኣ ናአሶና።

13 ናአሶን አሄዳ እሙ ኤረቴዳ ሚዛናን ዎና፥ እት ኪሎ ግራመነ ባጋ ዴጽያ ብራፐ መዳ እት ከርያነ ሆስፑን ጼቱ ግራመ ዴጽያ ብራፐ መዳ እት ኩይጻሩዋ፥ ላኡካ ካ ያርሹዋ ያርሻናዉ ሊቆ ሊ ዛይትያን ሙናቄዳዌ ኩሜዳዋንታ፤ 14 ቃይ እት ጼታነ ታሙ ግራመ ዴጽያ ዎርቃፐ መዳ፥ እጻናይ ኩሜዳ ሻታ፤ 15 ጹግያ ያርሾ፥ እት ኮሩማ፥ እት ዶርሳ ኦርግያነ እት ላይይ ኩሜዳ አቱማ ዶርሳ፤ 16 ናጋራ ያርሾ እት ዴሻ ኦርግያ፤ 17 እትፐተ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይይ ኩሜዳ እቼሹ አቱማ ዶርሳቱዋ። አምናዳባ ናአይ ናአሶን አሄዳ እሙ ሀዋ።

18 ላኤን ጋላስ ይሳኮራ ዛራቱ ካፑ፥ ጹኣራ ናአይ ናታንኤል ባረ እሙዋ አሄዳ።

19 ናታንኤል አሄዳ እሙ ኤረቴዳ ሚዛናን ዎና፥ እት ኪሎ ግራመነ ባጋ ዴጽያ ብራፐ መዳ እት ከርያነ ሆስፑን ጼቱ ግራመ ዴጽያ ብራፐ መዳ እት ኩይጻሩዋ፥ ላኡካ ካ ያርሹዋ ያርሻናዉ ሊቆ ሊ ዛይትያን ሙናቄዳዌ ኩሜዳዋንታ፤ 20 ቃይ እት ጼታነ ታሙ ግራመ ዴጽያ ዎርቃፐ መዳ፥ እጻናይ ኩሜዳ ሻታ፤ 21 ጹግያ ያርሾ እት ኮሩማ፥ እት ዶርሳ ኦርግያነ እት ላይይ ኩሜዳ አቱማ ዶርሳ፤ 22 ናጋራ ያርሾ እት ዴሻ ኦርግያ፤ 23 እትፐተ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይይ ኩሜዳ እቼሹ አቱማ ዶርሳቱዋ። ጹኣራ ናአይ ናታንኤል አሄዳ እሙ ሀዋ።

24 ሄዘን ጋላስ ዛብሎና ዛራቱ ካፑ፥ ሄሎና ናአይ ኤልኣብ ባረ እሙዋ አሄዳ።

25 ኤልኣብ አሄዳ እሙ ኤረቴዳ ሚዛናን ዎና፥ እት ኪሎ ግራመነ ባጋ ዴጽያ ብራፐ መዳ እት ከርያነ ሆስፑን ጼቱ ግራመ ዴጽያ ብራፐ መዳ እት ኩይጻሩዋ፥ ላኡካ ካ ያርሹዋ ያርሻናዉ ሊቆ ሊ ዛይትያን ሙናቀቴዳዌ ኩሜዳዋንታ፤ 26 ቃይ እት ጼታነ ታሙ ግራመ ዴጽያ ዎርቃፐ መዳ፥ እጻናይ ኩሜዳ ሻታ፤ 27 ጹግያ ያርሾ እት ኮሩማ፥ እት ዶርሳ ኦርግያነ እት ላይይ ኩሜዳ አቱማ ዶርሳ፤ 28 ናጋራ ያርሾ እት ዴሻ ኦርግያ፥ 29 እትፐተ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይይ ኩሜዳ እቼሹ አቱማ ዶርሳቱዋ። ሄሎና ናአይ ኤልኣብ አሄዳ እሙ ሀዋ።

30 ኦይደን ጋላስ ሮቤላ ዛራቱ ካፑ ሻደኡራ ናአይ ኤሊጹር ባረ እሙዋ አሄዳ።

31 ኤሊጹር አሄዳ እሙ ኤረቴዳ ሚዛናን ዎና፥ እት ኪሎ ግራመነ ባጋ ዴጽያ ብራፐ መዳ እት ከርያነ ሆስፑን ጼቱ ግራመ ዴጽያ ብራፐ መዳ እት ኩይጻሩዋ፥ ላኡካ ካ ያርሹዋ ያርሻናዉ ሊቆ ሊ ዛይትያን ሙናቄዳዌ ኩሜዳዋንታ፤ 32 ቃይ እት ጼታነ ታሙ ግራመ ዴጽያ ዎርቃፐ መዳ፥ እጻናይ ኩሜዳ ሻታ፤ 33 ጹግያ ያርሾ እት ኮሩማ፥ እት ዶርሳ ኦርግያነ እት ላይይ ኩሜዳ አቱማ ዶርሳ፤ 34 ናጋራ ያርሾ እት ዴሻ ኦርግያ፤ 35 እትፐተ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይይ ኩሜዳ እቼሹ አቱማ ዶርሳቱዋ። ሻደኡራ ናአይ ኤሊጹር አሄዳ እሙ ሀዋ።

36 እቼሻን ጋላስ ስሞና ዛራቱ ካፑ፥ ጹሪሻዳያ ናአይ ሻሉምኤል ባረ እሙዋ አሄዳ።

37 ሻሉምኤል አሄዳ እሙ ኤረቴዳ ሚዛናን ዎና፥ እት ኪሎ ግራመነ ባጋ ዴጽያ ብራፐ መዳ እት ከርያነ ሆስፑን ጼቱ ግራመ ዴጽያ ብራፐ መዳ እት ኩይጻሩዋ፥ ላኡካ ካ ያርሹዋ ያርሻናዉ ሊቆ ሊ ዛይትያን ሙናቄዳዌ ኩሜዳዋንታ፤ 38 ቃይ እት ጼታነ ታሙ ግራመ ዴጽያ ዎርቃፐ መዳ እጻናይ ኩሜዳ ሻታ፤ 39 ጹግያ ያርሾ እት ኮሩማ፥ እት ዶርሳ ኦርግያነ፥ እት ላይይ ኩሜዳ አቱማ ዶርሳ፤ 40 ናጋራ ያርሾ እት ዴሻ ኦርግያ፤ 41 እትፐተ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይይ ኩሜዳ እቼሹ አቱማ ዶርሳቱዋ። ጹሪሻዳያ ናአይ ሻሉምኤል አሄዳ እሙ ሀዋ።

42 ኡሱፑን ጋላስ ጋዳ ዛራቱ ካፑ፥ ረኡኤላ ናአይ ኤልያሳፍ ባረ እሙዋ አሄዳ።

43 ኤልያሳፍ አሄዳ እሙ ኤረቴዳ ሚዛናን ዎና፥ እት ኪሎ ግራመነ ባጋ ዴጽያ ብራፐ መዳ እት ከርያነ ሆስፑን ጼቱ ግራመ ዴጽያ ብራፐ መዳ እት ኩይጻሩዋ፥ ላኡካ ካ ያርሹዋ ያርሻናዉ ሊቆ ሊ ዛይትያን ሙናቄዳዌ ኩሜዳዋንታ፤ 44 ቃይ እት ጼታነ ታሙ ግራመ ዴጽያ ዎርቃፐ መዳ እጻናይ ኩሜዳ ሻታ፤ 45 ጹግያ ያርሾ እት ኮሩማ፥ እት ዶርሳ ኦርግያነ እት ላይይ ኩሜዳ አቱማ ዶርሳ፤ 46 ናጋራ ያርሾ እት ዴሻ ኦርግያ፤ 47 እትፐተ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይይ ኩሜዳ እቼሹ አቱማ ዶርሳቱዋ። ረኡኤላ ናአይ ኤልያሳፍ አሄዳ እሙ ሀዋ።

48 ላፑን ጋላስ ኤፍሬማ ዛራቱዋ ካፑ አምሁዳ ናአይ ኤልሻማእ ባረ እሙዋ አሄዳ።

49 ኤልሻማእ አሄዳ እሙ ኤረቴዳ ሚዛናን ዎና፥ እት ኪሎ ግራመነ ባጋ ዴጽያ ብራፐ መዳ እት ከርያነ ሆስፑን ጼቱ ግራመ ዴጽያ ብራፐ መዳ እት ኩይጻሩዋ፥ ላኡካ ካ ያርሹዋ ያርሻናዉ ሊቆ ሊ ዛይትያን ሙናቄዳዌ ኩሜዳዋንታ፤ 50 ቃይ እት ጼታነ ታሙ ግራመ ዴጽያ ዎርቃፐ መዳ እጻናይ ኩሜዳ ሻታ፤ 51 ጹግያ ያርሾ እት ኮሩማ፥ እት ዶርሳ ኦርግያነ፥ እት ላይይ ኩሜዳ አቱማ ዶርሳ፤ 52 ናጋራ ያርሾ እት ዴሻ ኦርግያ፤ 53 እትፐተ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይይ ኩሜዳ እቼሹ አቱማ ዶርሳቱዋ። አምሁዳ ናኣ ኤልሻማአ እሙ ሀዋ።

54 ሆስፑን ጋላስ ምናሰ ዛራቱ ካፑ ፓዳጹራ ናአይ ጋማልኤል ባረ እሙዋ አሄዳ።

55 ጋማልኤል አሄዳ እሙ ኤረቴዳ ሚዛናን ዎና፥ እት ኪሎ ግራመነ ባጋ ዴጽያ ብራፐ መዳ እት ከርያነ ሆስፑን ጼቱ ግራመ ዴጽያ ብራፐ መዳ እት ኩይጻሩዋ፥ ላኡካ ካ ያርሹዋ ያርሻናዉ ልቆ ሊ ዛይትያን ሙናቄዳዌ ኩሜዳዋንታ 56 ቃይ እት ጼታነ ታሙ ግራመ ዴጽያ ዎርቃፐ መዳ እጻናይ ኩሜዳ ሻታ፤ 57 ጹግያ ያርሾ እት ኮሩማ፥ እት ዶርሳ ኦርግያነ፥ እት ላይይ ኩሜዳ አቱማ ዶርሳ፤ 58 ናጋራ ያርሾ እት ዴሻ ኦርግያ፥ 59 እትፐተ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይይ ኩሜዳ እቼሹ አቱማ ዶርሳቱዋ። ፓዳጹራ ናአይ ጋማልኤል አሄዳ እሙ ሀዋ።

60 ኡዱፑን ጋላስ ቢንያማ ዛራቱ ካፑ ጊድኦና ናአይ አብዳን ባረ እሙዋ አሄዳ።

61 አብዳን አሄዳ እሙ ኤረቴዳ ሚዛናን ዎና፥ እት ኪሎ ግራመነ ባጋ ዴጽያ ብራፐ መዳ እት ከርያነ ሆስፑን ጼቱ ግራመ ዴጽያ ብራፐ መዳ እት ኩይጻሩዋ፥ ላኡካ ካ ያርሹዋ ያርሻናዉ ሊቆ ሊ፥ ዛይትያን ሙናቄዳዌ ኩሜዳዋንታ፤ 62 ቃይ እት ጼታነ ታሙ ግራመ ዴጽያ ዎርቃፐ መዳ፥ እጻናይ ኩሜዳ ሻታ፤ 63 ጹግያ ያርሾ እት ኮሩማ እት ዶርሳ ኦርግያነ፥ እት ላይይ ኩሜዳ አቱማ ዶርሳ፤ 64 ናጋራ ያርሾ እት ዴሻ ኦርግያ፤ 65 እትፐተ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ፥ እት ላይይ ኩሜዳ እቼሹ አቱማ ዶርሳቱዋ። ጊድኦና ናአይ አብዳን አሄዳ እሙ ሀዋ።

66 ታማን ጋላስ ዳና ዛራቱ ካፑ አምሻዳያ ናአይ አህኤዘር ባረ እሙዋ አሄዳ።

67 አህኤዘር አሄዳ እሙ ኤረቴዳ ሚዛናን ዎና፥ እት ኪሎ ግራመነ ባጋ ዴጽያ ብራፐ መዳ እት ከርያነ ሆስፑን ጼቱ ግራመ ዴጽያ ብራፐ መዳ እት ኩይጻሩዋ፥ ላኡካ ካ ያርሹዋ ያርሻናዉ ሊቆ ሊ፥ ዛይትያን ሙናቄዳዌ ኩሜዳዋንታ፤ 68 ቃይ እት ጼታነ ታሙ ግራመ ዴጽያ ዎርቃፐ መዳ፥ እጻናይ ኩሜዳ ሻታ። 69 ጹግያ ያርሾ እት ኮሩማ፥ እት ዶርሳ ኦርግያነ፥ እት ላይይ ኩሜዳ አቱማ ዶርሳ፤ 70 ናጋራ ያርሾ እት ዴሻ ኦርግያ፤ 71 እትፐተ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይይ ኩሜዳ እቼሹ አቱማ ዶርሳቱዋ። አምሻዳያ ናአይ አህኤዘር አሄዳ እሙ ሀዋ።

72 ታማነ እተን ጋላስ አሴራ ዛራቱ ካፑ ኦክራና ናአይ ፓግኤል ባረ ያርሹዋ አሄዳ።

73 ፓግኤል አሄዳ እሙ ኤረቴዳ ሚዛናን ዎና፥ እት ኪሎ ግራመነ ባጋ ዴጽያ ብራፐ መዳ እት ከርያነ ሆስፑን ጼቱ ግራመ ዴጽያ ብራፐ መዳ እት ኩይጻሩዋ፥ ላኡካ ካ ያርሾ ያርሻናዉ ሊቆ ሊ፥ ዛይትያን ሙናቄዳዌ ኩሜዳዋንታ፤ 74 ቃይ እት ጼታነ ታሙ ግራመ ዴጽያ ዎርቃፐ መዳ ሻታ፥ እጻናይ ኩሜዳዋ፤ 75 ጹግያ ያርሾ እት ኮሩማ፥ እት ዶርሳ ኦርግያነ እት ላይይ ኩሜዳ አቱማ ዶርሳ፤ 76 ናጋራ ያርሾ እት ዴሻ ኦርግያ፤ 77 እትፐተ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይይ ኩሜዳ እቼሹ አቱማ ዶርሳቱዋ። ኦክራና ናአይ ፓግኤል አሄዳ እሙ ሀዋ።

78 ታማነ ላኤን ጋላስ ንፍታሌማ ዛራቱ ካፑ ኤናና ናአይ አህራእ ባረ እሙዋ አሄዳ።

79 አህራእ አሄዳ እሙ ኤረቴዳ ሚዛናን ዎና፥ እት ኪሎ ግራመነ ባጋ ዴጽያ ብራፐ መዳ እት ከርያነ ሆስፑን ጼቱ ግራመ ዴጽያ ብራፐ መዳ እት ኩይጻሩዋ፥ ላኡካ ካ ያርሹዋ ያርሻናዉ ሊቆ ሊ፥ ዛይትያን ሙናቄዳዌ ኩሜዳዋንታ፥ 80 ቃይ እት ጼታነ ታሙ ግራመ ዴጽያ ዎርቃፐ መዳ እት ሻታ፥ እጻናይ ኩሜዳዋ፤ 81 ጹግያ ያርሾ እት ኮሩማ፥ እት ዶርሳ ኦርግያነ እት ላይይ ኩሜዳ አቱማ ዶርሳ፤ 82 ናጋራ ያርሾ እት ዴሻ ኦርግያ፥ 83 እትፐተ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይይ ኩሜዳ እቼሹ አቱማ ዶርሳቱዋ። ኤናና ናአይ አህራእ አሄዳ እሙ ሀዋ።

84 ያርሽያ ሳአይ ኦከቴዳ ዎደ፥ እስራኤላቱዋ ካፓቱ ያርሽያ ሳኣ አንጃናዉ አሄዳ እሞታይ ኡባና ሀዋንታ: ብራፐ መዳ ታማነ ላኡ ከረቱዋ፥ ብራፐ መዳ ታማነ ላኡ ኩይጻሮቱዋነ ዎርቃፐ መዳ ታማነ ላኡ ሻተቱዋ፤ 85 ብራፐ መዳ እት እት ከሪ እት ኪሎ ግራመነ ባጋ ዴጼ፤ ብራፐ መዳ እት እት ኩይጻሩ ሆስፑን ጼቱ ግራመ ዴጼ፤ ብራፐ መቴዳ ከርያነ ኩይጻሩ ኤረቴዳ ሚዛናን ዎና፥ ኡባና ላታማነ ሆስፑን ኪሎ ግራመ ኬና ዴጺኖ። 86 ታማነ ላኡ ዎርቃ ሻታቱ ኤረቴዳ ሚዛናን ዎና እቱ እቱ እት ጼታነ ታሙ ግራመ፥ ኡባና እት ክሎነ ሄዙ ጼቱ ግራመ ዴጺኖ። ኡንቱንቱን እጻናይ ኩም ኡቴዳ። 87 ካ ያርሹዋና እትፐ ጹግያ ያርሾ አሄዳ መሂ ኡባና ታማነ ላኡ ኮሩማቱዋ፥ ታማነ ላኡ ዶርሳ ኦርገቱዋነ እት ላይይ ኩሜዳ ታማነ ላኡ አቱማ ዶርሳቱዋ። ኡንቱንቱ ናጋራ ያርሾ አሄዳ ዴሻ ኦርገቱ ኡባና ታማነ ላአ። 88 ኡንቱንቱ እትፐተ ያርሾ አሄዳ መሂ ኡባና ላታማነ ኦይዱ ኮሩማቱዋ፥ ኡሱፑን ታሙ ዶርሳ ኦርገቱዋ፥ ኡሱፑን ታሙ ጋኬዳ ዴሻ ኦርገቱዋነ እት ላይይ ኩሜዳ ኡሱፑን ታሙ አቱማ ዶርሳቱዋ። ያርሽያ ሳአይ ኦከቴዳዋፐ ጉይያን፥ አንጆ አሄዳ እሞታይ ሀዋንታ።

89 ሙሴ መና ጎዳና ሃሳያናዉ ጾሳ ዱንካንያ ገልያ ዎደ፥ ማርካተ ታቦታ ቦላን ደእያ አቶ ግያ ሳኣ ቁምኡዋ ቦላን፥ ላኡ ክሩበቱዋፐ ግዱዋና መና ጎዳይ ሃሳይያ ኮሻ ስሴዳ፤ እካ አናና ሃሳዬዳ።