De Gowen vom Jeist
1 Oba äwa de jeistliche Gowen, well ekj junt, Breeda, nich onweetent loten. 2 Jie weeten, aus jie Heiden wieren, word jie no de stomme Aufjetta jefieet, doano aus jie jeleit worden. 3 Doawäajen lot ekj junt weeten, daut kjeena, dee derch Gott sien Jeist rät, sajcht: Veflucht es Jesus! un kjeena kaun sajen: Jesus es de Har, aus bloos derch dän Heiljen Jeist.
Eenichkjeit en Veschiedenheit
4 Doa sent Veschiedenheiten von Gowen, oba deeselwja Jeist; 5 un doa sent Veschiedenheiten von Deensten, oba deeselwja Har; 6 un doa sent Veschiedenheiten von Wirkjungen, oba daut es deeselwja Gott, dee aules en aulem wirkjt. 7 Oba to eenem jiedren es de Openboarunk vom Jeist fa aulen toom Nutzen jejäft.