Paulus sien Breef aun de Efeesa 1

Jebäd om jeistliche Weisheit

15 Doawäajens uk ekj, nodäm ekj jehieet haud von junem Gloowen aun dän Harn Jesus un von de Leew to aul de Heilje, 16 hia ekj nich opp, fa junt to danken un junt to erwänen en miene Jebäda, 17 om daut de Gott von ons Har Jesus Christus, de Voda von de Harlichkjeit, junt mucht dän Jeist von Weisheit un Openboarunk jäwen, en de Erkjantnis von Am, 18 de Uagen von jun Vestentnis oppjedacht, daut jie muchten weeten, woont doa de Hopninj von sien Roop es un woont de Rikjtum von de Harlichkjeit von sien Oafgoot en de Heilje 19 un woont doa de äwatrafende Grootheit von siene Krauft aun ons es, dee wie jleewen no daut Wirkjen von de Macht von siene Krauft, 20 woone Hee en Christus jewirkjt haft, wäarent Hee Am von de Doodje opperwakjt haft un Am aun siene rajchte Haunt jesat en de himlische Städen, 21 wiet äwa jieda Ferschtentum un Autorität un Krauft un Harschoft un jieda Nomen, dee jenant woat, nich bloos en dise Welt*1:21 Ooda: Tiet., oba uk en de Tookjinftje; 22 un haft aules unja siene Feet jedonen un jeef Am aus Haupt äwa aules to de Jemeent, 23 woone sien Kjarpa es, de Vollheit von däm, dee aules en aules erfelt.